Avaebulaniya 6:5 - Lufingano Lupya

⁵ yevevagesise uwunofu wa ulukani lwa Nguluvi nu ludali lwa ing'i iyikusa,

Avaebulaniya 6:5 ပူးပေါင်းရင်းမြစ်များ

Matayo 12:32

Na yula yealonga ulubi kulumwana va Nguluvi saadegepelwa, neke yeyealonga ulubi kwa Umuhe Umwelu sisaadegepelwa, ulwa lino na lwa pambele.

Maliko 6:20

Neke sahwaniti, pakuva Helode amwogopige Yohane, alukagulige ukuta Yohane e munu mugolofu kangi mwelu, nambi amulekige ave muwunofu. Helode awendige ukumupulikisa Yohane, na lwave peyeamupulikise asasing'anige wuhulo.

Luka 8:13

Na sila isagwe pitalawe ve vala, vevavipulikisa ulukani, nu kwanukila ulukani lula kwa luhekelelo, we vagaya ndela vavifuuwa lusika ludodo pesigagande vipiluka kumbele.

Avaefeso 6:17

Muwanukilage uwupoki nda kofiya ya chuma, na ulukani lwa Nguluvi nda limage lye mwipelwa na Umuhe Umwelu.

Avaebulaniya 11:3

Ukukola ulufuuwo hwehwe tukulukagula ulwa ing'i yagafilwe kukola ulukani lwa Nguluvi, ifinu fyefiwoneka uluhuma mufinu fyesifiwoneka.

Avaebulaniya 2:5

Nguluvi siavavikiti vanyivaha vayitema ing'i iyikusa, kwekutigila ing'i yila yetukuyitinakisisa ing'ani sakwe.

Avaebulaniya 4:12

Pakuva lukani lwa Nguluvi lunyawumi na kangi lwina ludali; lwina uwugi ukulutila limage ilinyawugi mbekuli. Lyalidumula mbaka apono pe inumbula na Umuhe fitang'ana, mbaka pala pefitang'ana ifigawamuvili na umwindi. Ulukani ulo lwalwihiga uwukalalile na amahosa ga munumbula sa avanu.

1 Petulo 1:25

Neke Ulukani lwa Umutwa lwinanaga kitasila.” Ulukani ulo lwe Lukani ulunofu lwemwadalikilwe.

1 Petulo 2:3

Ndawe lwelwilonga Uwandike Uwelu, “Yemulukagwe ukuta Umutwa ye munofu.”

2 Petulo 2:20

Avanu vevakasupatwike uluhuma muwuyasi wa umu mung'i peyevamukagwe Umutwa na Umupoki vetu Yesu Kilisito, neke wone vidikile ukwibatika na ukusagilwa kangi na uwuyasi wuwo, iwo vakwanangika wuhulo ukulutila ulwa pamwandi.