Avaebulaniya 6:18 - Lufingano Lupya

¹⁸ Sweno, kofili finu fivili: fyesihwaniti ukupituka na kangi uwimila ulo Nguluvi sahwaniti alonge wudesi. Sweno, hwehwe yetwakimbilye uwulolesi kulumwene twikangaswa imitima sambi twinatile hilo uluhuvi ulwavisilwe pa hwehwe.

Avaebulaniya 6:18 ပူးပေါင်းရင်းမြစ်များ

Matayo 24:35

Kuchanya na ying'i sasilutila, neke ing'ani sangu sisasilutila nda.

Matayo 3:7

Ave iwona lino peawene Avafalisayo na Avasadukayo wolofu vakusa sambi vabatisiwe, ndawe avatigilige, “Nyenye nye mbegalo va inzoka! Ye nani ye avalonje ulwa mwepage ililakaali lya Nguluvi ilikusa?

Luka 2:25

Epwali munu mu Yelusalemu, ilitawa lyakwe e Simioni, na umunu uyo e mugolofu na munyachoga kwa Nguluvi, yeasindilige uwukombolwa wa Vaisilaeli. Na Umuhe Umwelu alimulumwene.

Avalumi 15:5

Nguluvi yula ye kilamuko cha ulwikangaliso na uwusikimafu mbewuli, avapelage nyenye uwulaganila kumwi ndawe ulwihwana mwa Kilisito Yesu,

Avalumi 3:25

Nguluvi amutawe Yesu sambi kwa idanda yakwe ave ng'asi ya ukuvahesekesa avanu inzanangifu sawo ukwimila ulufuuwo lwawo kulumwene. Agisile ndahihyo sambi alagile ulwa umwene mugolofu. Pidaha Nguluvi akangalilige satugigi ulwa inzanangifu sa avanu;

Avalumi 3:4

Nangi na ludodo! Nguluvi isigala mufuuwa mbepali, nambi luve avanu mbevali vadesi. Ndawe uwandike uwelu wewitigila, “Peuvesaga wilonga, ing'ani sako sa nachene na pewihiga mbepali wakuvalema.”

Avalumi 5:5

Uluhuvi ulo siluhwaniti lutusange hwehwe, pakuva Nguluvi yeakatupelye munumbula setu uwende wakwe ukukola Umuhe Umwelu yeatupelye hwehwe.

Avafilipi 2:1

Ngali uwunani wenyu mwa Kilisito wakuvapela uludali? Ngali uwende wakwe ukuvasikimika? Ngali mwinawo uwulilumwi na Umuhe Umwelu nu kwiwonela ulusungu na ukwihuguvalila yinyenye kwa yinyenye?

Avakolosayi 1:23

Ino luvavaje muginage ukuva mulufuuwo kono wemuvisilwe na ukusigalila mulutu ulukangafu, mulidikila ukuhogaswa uluhuma muluhuvi lula lwemwapelitwe pemwapulikige Ulukani Ulunofu. Nene Pawulo ngave mukami va Ulukani Ulunofu lulo ulukadalikwe kulu munu yeyeavesaga mung'i.

Avakolosayi 1:27

Lwealavisile Nguluvi lwelwa ukuvalagila pawelu avanu vakwe, ikinyele iki ikikomi na kinyandolo che kikwimila avanu mbevali. Na ikinyele ichene che iki. Kilisito mugati mwenyu, ye luhuvi lwa indolo.

Avakolosayi 1:5

Pelufikite lula ulukani ulwa nachene, Ulukani Ulunofu ulwasile pakutala kwa nyenye mwapulike ulwa uluhuvi ulwihuma umo ino ulufuuwo na uwende lukwimila mu luhuvi lulo, lwemwivavikile wunofu kuchanya.

1 Avatesaloniki 1:10

na kulino mukumusindila umwanakwe iike uluhuma kuchanya, Yesu, ye Nguluvi amusilibwe uluhuma kuvafwe, na ye akutupoka mwilakali lya Nguluvi ilikusa.

1 Timoti 1:1

Yenene Pawulo, umwigendo va Kilisito Yesu kwa ululagi lwa Nguluvi umupoki vetu na Kilisito Yesu uluhuvi lwetu,

1 Timoti 6:12

Dadambale wunofu muligalu ilya ulufuuwo, wibatilile uwumi wa mbepali wewakemelitwe, ulusika lwewalwidikilige ulufuuwo pa wolelesi wa awolofu.

2 Timoti 2:13

Wone tugaye uwuhuvilwa, umwene aisigalaga mbepali muhuvilwa, pakuva umwene sahwaniti ibihile nangi.

Tito 1:2

lwe uluhuvi lwa ukupelwa uwumi wa mbepali we Nguluvi yesilongagi uwudesi, atuhuvise uwumi wuwo, pidaha hilo wesigilavanga imisika,

Avaebulaniya 11:7

Uwimila ulufuuwo Nguluvi amupavye Noha ulwa ing'ani isikusa pambele. Ndawe amupulikige Nguluvi, swe iwuyapa ikipugu ikikomi wuhulo mula apokilwe umwene pamwi na avanu vakwe. Na ing'i yahigitwe, Noha anuche uwugolofu uwihuma mu lufuuwo.

Avaebulaniya 3:11

Sweno, ndavipite, swe ngwilapa: ‘Sisavingila uko kwe ngendivapela ulusuupo.’”

Avaebulaniya 3:6

Neke Kilisito muhuvilwa ndawe umwana umunyalulagilo mukaye ya Nguluvi. Hwehwe twikaye yakwe wone twinatile uwupifu wetu na uwukwilanifu wetu ukwimila kila chetuhele tukwihuvila.

Avaebulaniya 6:17

Nave Nguluvi akangise uluhuviso lwakwe kwa ulwilapo; na palulo avalaje vala veavilapye ulwa sapitula nangi lweavilapye.

Avaebulaniya 7:19

Pakuva indagilo sa Musa sisahwaniti ukukwisa ulukani lwelweluvesaga. Neke lino, apono pala pahalye uluhuvi ulunofu ululutye hilo, na uwimila lulo twihwana ukumuhegelela Nguluvi.

Avaebulaniya 7:21

Neke Yesu apelitwe uwutambisi kwa ulwilapo ulusika lwe Nguluvi amutigilige: “Umutwa ilapite, na sisaapitula lweealulekite: ‘Veve wi mutambisi kitasila.’”

1 Yohane 1:10

Wone tutigile ulwa situlapiga inzanangifu, apo tumupela Nguluvi uwudesi, nu lukani lwakwe lusumuli mugati mwahwehwe.

1 Yohane 5:10

Yeakumufuuwa mwana va Nguluvi inawo uwo uwolelesi mulumwene; neke yesiakumufuuwa Nguluvi, akumupela umwene uwudesi, pakuva siawufuuvitwi uwolelesi weolelelye Nguluvi ukwimila Umwanakwe.