Avaebulaniya 6:11 - Lufingano Lupya

¹¹ Lwetwidoboka hwehwe lwe ulu ukuta yeyeavesaga munu mwa nyenye avelage mupifu ndahihyo mbaka ku mudugo, sambi semukwihuvila sikwile.

Avaebulaniya 6:11 ပူးပေါင်းရင်းမြစ်များ

Matayo 24:13

Neke yula umunyakwinatila mbaka pamudugo saapokwa.

Luka 1:1

Ve mutambule Teofilo: pakuva avanu wolofu vakandike kwa wupifu ing'ani sila sesapigike mwahwehwe.

Avalumi 12:8

Umunyakipelwa cha ukukenyela avangi nave avelage mwa lulo. Umunyakugavila avangi che inacho nave avelage mu wudeke. Umutanzi nave Imililage mu wuwuya wuwo; na yeyeavesaga ipiga ulukani lwa ulusungu nave agendelage lulo muluhekelelo.

Avalumi 15:13

Sweno Nguluvi ye kilamuko cha uluhuvi, avapelage nyeye uluhekelelo mbeluli na uwikalakunoga uwihuma mulufuuwo lwenyu, uluhuvi luginage ukoloka muludali lwa Umuhe Umwelu.

1 Avakolindo 13:13

Lino sinana isi isidatu: ulufuuwo, uluhuvi na uwende; neke ululutye uwukomi mwa mbesili isi we uwende.

1 Avakolindo 15:58

Sweno, vanyalukolo vangu nyevende, mwimage mukange. Kangi musugunalage mbepali ukumupigila Umutwa muludali, we mukulukagula ulwa ikipigo icho cha ukumupigila Umutwa chemuhele mukumupigila sisakiyaga nangi.

Avagalatiya 5:5

Neke kulubali lwetu hwehwe, twilavisa kwa luhuvi ukuta muludali lwa Umuhe twiwuyapwa vagolofu ukwimila ulufuuwo.

Avagalatiya 6:9

Lino, tulafulugala mukupiga inofu, pakuva wone tulemwe ukudedela satubeta isanga ulusika pelufikite.

Avafilipi 3:15

Mbetuli hwehwe yetukange mumigendele ja kinyamuhe lutuvaje ukuva na mimile gijo. Neke wone movali mwanyenye avihosa ululiwungi, sweno, Nguluvi alwelelulila ulukani lulo.

Avakolosayi 1:23

Ino luvavaje muginage ukuva mulufuuwo kono wemuvisilwe na ukusigalila mulutu ulukangafu, mulidikila ukuhogaswa uluhuma muluhuvi lula lwemwapelitwe pemwapulikige Ulukani Ulunofu. Nene Pawulo ngave mukami va Ulukani Ulunofu lulo ulukadalikwe kulu munu yeyeavesaga mung'i.

Avakolosayi 1:5

Pelufikite lula ulukani ulwa nachene, Ulukani Ulunofu ulwasile pakutala kwa nyenye mwapulike ulwa uluhuvi ulwihuma umo ino ulufuuwo na uwende lukwimila mu luhuvi lulo, lwemwivavikile wunofu kuchanya.

Avakolosayi 2:2

Ndipiga ulu sambi inumbula sawo sisikimikwe na ukong'aswa pamwinga muwende, pepene pe vamema uwukwilanifu mbewuli uwiletwagwa na uwukagusi wa nachene. Ipo pevakikagula ikinyele cha Nguluvi na ikinyele ichene ye Kilisito.

1 Avatesaloniki 1:5

pakuva ulusika lwe twavadaliche lula Ulukani Ulunofu silwe lwa malanga hela, pesi muludali na kwa Umuhe Umwelu, kono we tukulukagula hilo, ukuta ulukani ulo lwe lwa nachene. Mukulukagula ukuta petwikalasige na nyenye, twikalige ukwimila ukwambula kwenyu.

1 Avatesaloniki 4:10

Na mukave nachene mukuvapigila ndahihyo avanyalukolo venyu mbevali bahapavesaga mu Makedoniya. Ino, vanyalukolo, tukuvasuka mupigage na ukulutisa.

2 Avatesaloniki 3:13

Neke nyenye vanyalukolo, mufulugala ukupiga inofu.

Avaebulaniya 10:22

Nambi lino tumuhegelelage Nguluvi kwa mitima imigolofu nu lufuuwo ulukwilaniche, mu numbula inzofuge uluhuma mu mahosa amabi, na mu mivili jesimyofuge nu lulenga ululengu.

Avaebulaniya 3:14

Pakuva hwehwe twihanga na Kilisito, wone tukwinatila hilo uluhuvi lwetwetwinalo pamwandi:

Avaebulaniya 3:6

Neke Kilisito muhuvilwa ndawe umwana umunyalulagilo mukaye ya Nguluvi. Hwehwe twikaye yakwe wone twinatile uwupifu wetu na uwukwilanifu wetu ukwimila kila chetuhele tukwihuvila.

1 Petulo 1:21

Ukukola kulumwene, mukumufuuwa Nguluvi yeamusilibwe uluhuma kuvafwe na ukumupela indolo na palulo ulufuuwo na uluhuvi lwenyu luli kwa Nguluvi.

2 Petulo 1:10

Sweno, vanyalukolo vangu, musugunalage hilo ukuluwuyapa ulo ulukemelo lwenyu lwemwakemelilwe na Nguluvi luvelage lukani lwembepali luli muwunani wenyu; wone mugendele lulo sisamugwa nangi.

2 Petulo 3:14

Lino, vanyawiyendi vangu, pemuva mwisindila Ikimunyi kila musugunalage hilo ukwiyesa mwiva simwivananga kinu pa Nguluvi, na ukwilamula nave.

1 Yohane 3:14

Hwehwe tukulukagula ulwa yetulutye ukuhuma mufwa nu kwingila muwumi pakuva hwehwe tuvenda avanyalukolo vetu. Umunu umugaya uwende uyo isigalaga mufwa.

1 Yohane 3:19

Ipo pepene petuva nu luhuvi ulwa hwehwe twivanu va nachene; na sisatulava nu wuhuguvafu pa Nguluvi.

Uwugubulilwe wa Yohane 2:26

“Vevidwesa, na vala vevinatila mbaka ku mudugo vipiga sendiwenda, sandivapela ululagi ku vanu va ing'olo isingi, Ena, sandivapela uludali lulula lwendalwanuche kwa Dada; kwekutigila savasitema ing'olo vikola ulugoda lwa ichuma na ukusidenyanga wita ikinu ikigade na lilongo. Kangi sandivapela ing'eng'esi (inema wufuku)