Avaebulaniya 5:9 - Lufingano Lupya

⁹ Na peyeawuyipwe akwilaniche, swe iva kilamuko cha uwupoki uwutasila, kwa vala mbevali avakumupulika,

Avaebulaniya 5:9 ပူးပေါင်းရင်းမြစ်များ

Matayo 17:5

Petulo we pealonga, ilifufu lyelu lyaasile pevevipwali neke iliswi lyahumite mwifufu litigila, “Uyu ye Mwanangu umwende vangu, yendinogelwa nave, mu mupulikage yuyo.”

Luka 13:32

Swe Yesu akuvalongela, “Mubitage mukamulongele yula ng'eve, ‘Lavage, namunyi na imilawu ndihumya amasoka na ukuponia avatamwa, ikimunyi cha wudatu pendikwisa ifipigo fyangu.’

Yohane 19:30

Yesu ave akwanukila idifayi inzasamufu yila atige, “Lusisile!” Swe igondamya umutwe na umutima gwidumuka.

Ifipigo 3:15

Swe nyenye mwamuwulige yula ikilamuko cha uwumi. Neke Nguluvi amusilibwe, na hwehwe mbetuli twiwolelesi va ulukani ulu.

Ifipigo 4:12

Wusukuli uwupoki ukuhuma umunu uyungi yeyeavesaga, pakuva pagaya litawa lya umunu uyungi mung'i lyevapelitwe avanu vapokelwe nalyo.”

Ifipigo 5:32

Na hwehwe yetwiwolelesi va isi mbesili, nave Umuhe Umwelu, yula ye Nguluvi avapelye vala vevakumupulika nave akolelela siso.”

Avalumi 1:5

Ukukola mulumwene, nene ndimupele uwuwuya wukuva mwigendo, sambi ukwimila umwene ndivalongose avanu va ing'i mbesili vafuuwe na ukuva na choga.

Avalumi 10:16

Neke mbevali sivalwanuchi Ulukani Ulunofu. Pakuva Yesaya atige, “Mutwa yenani yeafuuvitwe ulukani lwetu?

Avalumi 15:18

Singwigelela ukulonga ikinu kingi ichekivesaga pesi kila hela che Kilisito Yesu apigite ukunuma nene sambi avanu avamyanza vave na ichoga. Apigite ulo ukwimila ing'ani na ifipigo.

Avalumi 2:8

Neke vala avangi vamusatila pakwe, avanyakubihila uwugolofu neke vafwatage uwanangifu, ililakali na imbipi sa Nguluvi sivagwila.

Avalumi 6:17

Nambi pamwandi mwe mwivanyawingi va inzanangifu, neke lino ngumulumba Nguluvi mukinatye kwa inumbula mbeyili uwulagile na inzigiso semukanuche.

2 Avakolindo 10:5

tukwananga imbesa mbesili na ifya ulwidudumbo ifibesa uwukagusi wa Nguluvi; kangi twigalula amahosa mbegali gave na choga kwa Kilisito.

Avafilipi 2:12

Vanyalukolo vangu, pende pamwi nanyenye mwavelige na ichoga mbepali na kulino pendili pataali nanyenye, muvelage ni choga ndahihila. Mupigage ifipigo we mwina muhwehwe nu kukuvila ukwimila uwupoki wenyu,

2 Avatesaloniki 1:8

na ifyenge fya umoto, ukuvapumya vala avakumubihila Nguluvi na vala vesivakwinatila Ulukani Ulunofu lwa Umutwa vetu Yesu.

2 Avatesaloniki 2:16

Tukwifunya Kulumutwa vetu Yesu Kilisito yumwene na Nguluvi udadetu ye atwendite, na mu uwuwuya wakwe atupelye ulusikimiko lwa mbepali na mbepali na uluhuvi ulunofu,

2 Timoti 2:10

Na ukukola lulo, nene ndikangalila mbefili ukwimila avahagule va Nguluvi, sambi nawo vapelwe uwukombolwa uwiletwagwa mung'asi ya Yesu Kilisito, na wuwo wiletaga indolo isa mbepali na mbepali.

Avaebulaniya 1:14

Avanyivaha, vevaki iwo pesi je myuhe hela vevakumupigila Nguluvi, nave Nguluvi akuvatuma sambi vavatange vala avakwanukila uwupoki.

Avaebulaniya 11:40

pakuva Nguluvi eihosise imigosekese iminofu hilo igilutye ukwimila hwehwe, kwekutigila avene vevanukila pamwi na hwehwe.

Avaebulaniya 11:8

Uwimila ulufuuwo Abulahamu amupulike Nguluvi peikemelwa abite ku ng'i Nguluvi yealamupela yive yakwe. Nambi sieakukagwi kweabitige, nambi ndahihyo Abulahamu ahamite.

Avaebulaniya 12:2

Tumulavage Yesu yeatuvanje ulufuuwo lwetu nave alukwisa. Uwimila uluhekelelo lwelwamusindilige, umwene akangalye ifwa mu musalaba, we sihosa lwa inyoni iyihuma mumo, na kulino akong'ome kundyo mukigoda cha umutwa cha Nguluvi.

Avaebulaniya 2:10

Kangi lwanoje kulumwene, ye ifinu mbefili finanaga ukukola kulumwene na mulumwene mukuvaleta avana wolofu mundolo, na ukuva mulongosi muwupoki uwukwilaniche ukukola uluteseko.

Avaebulaniya 2:3

Ino, hwehwe tupokwa ndawuli pesitwituga uwupoki uwukomi we windawe uwu? Kwa ukutala Umutwa yumwene awulaalike uwupoki uwu, na vala vevawupulike vatolelelye ulwa wa nachene.

Avaebulaniya 9:12

Umwene inje Apono Apelu sukumwi hela, kangi sieategwi nambi danda ya mene nambi ya senga, pesi ulwa inje kwa danda yakwe yumwene, swe akutupela uwukombolwa uwutasila.

Avaebulaniya 9:15

Palulo Kilisito, yeagosise Ulufingano ulupya sambi vala avakemele na Nguluvi vanukile uwufunyilile wa mbepali na mbepali wealavahuvise, pakuva ifwa yiwonike iyikombolaga avanu uluhuma mula mu wananzi wevapigite ulusika lwa ulufingano ululovela.

Avaebulaniya 9:28

lwindahihyo nave Kilisito itawe nambika sukumwi hela sambi asihese inzanangifu sa awolofu. Pesaiwoneka ulwa kavili, siwita kangi akusa kukwihoma na inzanangifu, pesi ukuta kukuvapoka vala avakumusindila umwene.

1 Petulo 1:22

Pakuva lino, ukukola ukuwidikila uwanachene, nyenye yemusesise inumbula senyu na ukuvenda avayenyu si muwubuganisi nda, lino mwiyendage kwa mutima mbeguli.

1 Yohane 5:20

Tukulukagula kangi ukuta Umwana va Nguluvi akasile, ukutupela uwukagusi sambi tumukagule Nguluvi uva nachene; twikale mu uwulilumwi na Nguluvi uva nachene mukuhanga na Umwanakwe, Yesu Kilisito. Uyu ye Nguluvi uva nachene, na uwu we wumi uwutasila.

Yuda 1:21

Nyenye, musigalage muwende wa Nguluvi; musindilage ulusungu lwa Umutwa Yesu Kilisito mbaka mupelwe uwumi wa mbepali.