Avaebulaniya 5:7 - Lufingano Lupya

⁷ Nave Yesu peikalige umu mung'i, kwa ikivembo kikomi na kwa inzihosi amusukige nu kwifunya kwa Nguluvi yula yeeina uludali lwa ukumuponia mufwa, nave apulikwe pakuva amogopige Nguluvi.

Avaebulaniya 5:7 ပူးပေါင်းရင်းမြစ်များ

Matayo 27:46

Neke paikivalilo icha igonza pelitegamwike Yesu akoolite kwa liswi likomi itigila, “Eli, Eli lamasabakitani.” Kwekutigila, “Nguluvi vangu, Nguluvi vangu, mbi ndawuli undesile?”

Matayo 27:50

Yesu kangi peakoolite kwa liswi likomi ndawe umutima gwadumukige.

Maliko 15:34

Neke paikivalilo icha igonza pelitegamwike Yesu akoolite kwihuga, “Eloi, Eloi, lama sabakitani?” Kwekutigila, “Nguluvi vangu, Nguluvi vangu, mbi ndawuli undesile?”

Maliko 15:37

Neke Yesu akoole akwihuga swe Umutima gwidumuka.

Luka 23:46

Neke Yesu, akoole itigila ve Dada, mumawoko gako ndivika inumbula yangu.” Pealonzile ulo umutima gwadumwike.

Yohane 1:14

Nave Lukani ave munu swe akwikala kwa hwehwe amemile uwuwuya na uwanachene, nahwe swe tukuwuwona uwunyandolo wakwe, uwunyandolo ndawe wa Umwana yeiyena yeihuma kwa Dada.

Yohane 11:35

Yesu swe ivemba inzihosi.

Yohane 11:42

Nani ndendilusele ulwa veve wakumulika mbepali, ndilonga ulu wimila umukong'ano gwa vanu ugu gwe gusile, vafuuwe ulwa ye veve ye wandetite.”

Yohane 17:1

Yesu peyeasinzile iso, alafile kuchanya neke atigile, “Dada ikivalilo yekifikite! Mupele indolo Umwanako, sambi nave akupele indolo.

Avalumi 8:3

Nguluvi akakwisise ulukani lula lwe indagilo sisahwaniti ukukwisa uwimila uwuhomefu wa uwunu. Nguluvi amuletite umwanakwe iva ina muvili ugutegine ni mivili jetu hwehwe vanyanzanangifu, sambi ihome na inzanangifu, na kwa umuvili gugo adwesise inzanangifu.

Avagalatiya 4:4

Neke ulusika uluvike lwave lwifika, Nguluvi amutumite Umwanakwe umwegale nu mung'inetu, nave ikalite pasi ya uwutema wa indagilo,

1 Timoti 3:16

Pagaya kusina ukwimila uwukomi wa ikinyele cha ulufuuwo lwetu. Awonike mu lwihwano lwa umunu, olelilwe na Umuhe ukuta mugolofu, awonike kwa vanyivaha, adalikwe ku vamyanza, vamufuuvitwe mung'i mbeyili inwilwe kuchanya mu ndolo.

Avaebulaniya 10:10

Pakuva Yesu Kilisito akwisise uwende wa Nguluvi, hwehwe tukofugwa inzanangifu setu na yila inambika ya umuvili gwakwe gwe agutawe sukumwi hela, swe yikwila.

Avaebulaniya 10:5

Nambi Kilisito peasige mung'i, amutige Nguluvi: “Siwawenditi inambika nambi ikitawulwa, neke ungelanikise umuvili.

Avaebulaniya 11:7

Uwimila ulufuuwo Nguluvi amupavye Noha ulwa ing'ani isikusa pambele. Ndawe amupulikige Nguluvi, swe iwuyapa ikipugu ikikomi wuhulo mula apokilwe umwene pamwi na avanu vakwe. Na ing'i yahigitwe, Noha anuche uwugolofu uwihuma mu lufuuwo.

Avaebulaniya 12:28

Sweno, hwehwe tumulumbage pakuva tukwanukila Uwutwa uwuta dengadenga. Tuvelage ni kilumbo nu kumusunyalila Nguluvi mu ng'asi yeyimunogela, muwilevesi ni choga;

Avaebulaniya 13:20

Lino Nguluvi umunyawikalakunoga ye amusilibwe Umutwa vetu Yesu Kilisito umukwamila-ng'olo umuvina ukwimila idanda yakwe va ulufingano ulwa mbepali na mbepali,

Avaebulaniya 2:14

Sweno, pakuva avana iwo, ndawe lweakuvakemela, iwo vanu vanya muvili na idanda, Yesu yumwene ave ndawe avene nu kuhanga uwunu wawo. Apigite ndahihyo sambi kwa ukugendela ifwa yakwe amwanange umwananzi, yula umunyalulagi lwa ifwa.

1 Yohane 4:3

Neke umunu yeyeavesaga yesakumwidikila Kilisito ndahihyo, uyo mugaya uyo Umuhe yeihumaga kwa Nguluvi. Umunu uyo ina muhe yula umutavangu va Kilisito; nanye yemukemukapulike ulwa akusa, na linode yeafikite mung'i!

2 Yohane 1:7

Avasangavanu wolofu vakelelwike mung'i, avanu vesivakwidikila ukuta Yesu Kilisito akasile ukwetu, mu muvili gwa umunu. Umunu yeilonga ulo uyo musanga vanu na mutavangu va Kilisito.