Avaebulaniya 5:11 - Lufingano Lupya

¹¹ Twina nzolofu isa ukulonga mu lukani ulu, neke lino lutalamu ukuvaganulila, pakuva nyenye simuvapefu ukulukagula.

Avaebulaniya 5:11 ပူးပေါင်းရင်းမြစ်များ

Matayo 13:15

Pakuva inumbula isa avanu iva nalamu, na mapulikilo gawo gadibe sigipulika wunofu, na amiho gawo gasisinise, sambi valemwe ukulava na amiho gawo, na ukupulika na amapulikilo gawo, na ukulukagula munumbula sawo sambi vamitukile nene ndivaponie.’

Maliko 8:21

Neke Yesu avatigile, “Ngali na yilino simulalukagula nangi?”

Luka 24:25

Neke avatigile, “Mbi uwupufi wa nyenye wa kinyandawuli, nye vanya numbula sito sesisifuuwa indonge mbesili na avavisi?

Yohane 16:12

“Napendinaso nzolofu isa ukuvalongela, ino ulwalino simuhwaniti mwikangase.

Yohane 6:6

Na ulo alongige ukumugela hela Filipo; pakuva alalukagwe yumwene lwe apiga.)

Ifipigo 28:27

Pakuva uluhala lwa avanu iva lusito, vadibise amapulikilo gawo, vasisinise amiho gawo. Pesi ndahihyo, vake valava kwa amiho gawo, vake vapulika na amapulikilo gawo. Vake valukagula mu wuseela wawo, na ukumitukila, ilonga Umutwa, nane ngendivaponia.’”

Avaebulaniya 5:10

nave Nguluvi swe akumuhagula ukuva Mutambisi Muvina ikola imigosekese ja uwutambisi wa Melekisedeki.

Avaebulaniya 5:12

Ku lino luke luvavagila ukuva vigisi swe lukwile, neke lino pemusaka umunu va ukuvigisa inzigiso isa umuvango isa ulukani lwa Nguluvi. Pakuleka mupelwe ikilyo ikikangafu, ino lukuvavagila mupelwe lisiva munywe.

2 Petulo 3:16

Posili ing'ani isingi de mubalula sakwe se nalamu hilo ukusikagula wunofu, ing'ani se avanu avapuva, avagaya imimile, vakusiyasa ndawe lwevahele viyasa mu Uwandike Uwelu uwungi. Palulo vakwisukanisa vavene vayasiwe na ukwanangilwa ng'ani.