Avaebulaniya 4:12 - Lufingano Lupya

¹² Pakuva lukani lwa Nguluvi lunyawumi na kangi lwina ludali; lwina uwugi ukulutila limage ilinyawugi mbekuli. Lyalidumula mbaka apono pe inumbula na Umuhe fitang'ana, mbaka pala pefitang'ana ifigawamuvili na umwindi. Ulukani ulo lwalwihiga uwukalalile na amahosa ga munumbula sa avanu.

Avaebulaniya 4:12 ပူးပေါင်းရင်းမြစ်များ

Luka 8:11

“Lino ikiganiso icho kwe kutigila de: Inyadikwa lwe ulukani lwa Nguluvi.

Yohane 12:48

Yeyeakumbihila nene yesiakwidikila ing'ani sangu inave yeamuhiga, ulukani ulo lwendonzile lwelwene lwelumuhiga pa kimunyi cha uwusililo.

Yohane 6:51

Nene ye nene nde mukate ugwa uwumi gwegwasile uluhuma kuchanya. Yeyeavesaga munu yealye umukate ugu saanana mbepali; na umukate gwe nawula nene gu muvili gwangu sambi ing'i yinane.”

Ifipigo 2:37

Sweno, avanu vavelige vipulika iso, swe lwavavafile munumbula, ndawe vavawusige Petulo na avigendo avayagwe: “Vanyalukolo lino tugitage ndawuli?”

Ifipigo 4:31

Vavelige visinda ukwifunya, pala apono pevevakong'ine, pahogalike, nawo mbevali vamemite Umuhe Umwelu. Mbevali vavanzile ukudalika ulukani lwa Nguluvi vagaya muhwehwe.

Ifipigo 5:33

Neke mbevali veve pawuhigilo pevapulike iso vavifile swe viva na lilakali, vagahite ukuvawulaga.

Ifipigo 7:38

Na ulusika avanu va Isilaeli lwevakong'anige ku balali, ye Musa yeekuko pamwi nawo. Ali alikuko pamwi na avakukwetu, pamwi na yula munyivaha va Nguluvi yevalonganige nave mu kidunda cha ku Sinayi, yeyuyu yeanuche ing'ani sa uwumi, sambi atupele hwehwe.

Avalumi 1:16

Singuluwonela inyoni Ulukani Ulunofu, ulwene lwe ludali lwa Nguluvi lwelwakuvapoka mbevali vevifuuwa ukutala Avayudaya neke vase avamyanza.

1 Avakolindo 1:24

Neke kwa vala avakemele, Avayudaya na Avagiliki, Kilisito ye uludali na uluhala lwa Nguluvi.

2 Avakolindo 2:17

Hwehwe sitwindawe avangi vevavisulusa na ulukani lwa Nguluvi; neke hwehwe twidalika kwa inumbula yinya wilevesi ndawe alaje Nguluvi,

2 Avakolindo 4:2

Nahwe tukasileche ng'ani mbesili inyonga nyoni na isa ikinyele. Twikana ukupiga sila isa wulyalya nambi ukuluhesigila ulukani lwa Nguluvi, nambi twilonga pawelu ulwanachene sambi mbevali vatukagule ulwa twilonga hilo pa Nguluvi.

Avaefeso 5:13

Neke ing'ani sila isipigwa mulung'ali, na inachene yakwe yayivikwa pawelu,

Avaefeso 5:26

Apigite ulo sambi kwa ulukani lwakwe, alifunyilile kwa Nguluvi, peyealyesise kwa ukulyofuga na ululenga,

Avaefeso 6:17

Muwanukilage uwupoki nda kofiya ya chuma, na ulukani lwa Nguluvi nda limage lye mwipelwa na Umuhe Umwelu.

1 Avatesaloniki 2:13

Kangi twina lukani lungi ulwa ukumulumba nguluvi: petwavaletelige ulukani lwa Nguluvi, nanye mwalupulike, swe mukulwanukila, si wita lukani lwa munu, pesi wita lukani lwa Nguluvi, nachenne welwiwali. Pakuva Nguluvi ahele ipiga mugati umwenyu nyenye ye mwifuuwa.

1 Avatesaloniki 5:23

Nguluvi ye akutupela uwikalakunoga—avawuyapage nyenye ukuva velu kwa lwelweluvesaga na ukusigosa inumbula senyu, na imivili jenyu pataali na uwanangifu wewewuvesaga ulusika lwa ukusa kwakwe Umutwa vetu Yetu Kilisito.

Avaebulaniya 13:7

Muviwukage avalongosi venyu vevavadaliche ulukani lwa Nguluvi. Mwihosage hilo sa imigendele jawo, mukigage ulufuuwo lwawo.

Avaebulaniya 6:5

yevevagesise uwunofu wa ulukani lwa Nguluvi nu ludali lwa ing'i iyikusa,

Yakobo 1:18

Ukwimila ukuwenda kwakwe yumwene atwejee ukukola ulukani lwakwe ulwa nachene, sambi hwehwe tuve wita amalongola mufigawa mbefili.

1 Petulo 1:23

Pakuva ukukola ulukani ulunyawumi lwa Nguluvi, nyenye mwegilwe wupya, sindawe avana va udadawo yeifwisaga, pesi va udadawo yesifwisagi kitasila.

Uwugubulilwe wa Yohane 1:16

Mwiwoko lyakwe ilya kundyo, eakolye ing'eng'esi isimufung'ati, na mumulomo gwakwe mwahumige ilimage ilinyawugi mbekuli mbekuli. Uwusu wakwe wamalavadikige wita ilisuva lyelivala.

Uwugubulilwe wa Yohane 19:15

Ilimage ilyugi luhumaga mumulomo gwakwe, na ukukola lilyo saavadwesa avamyanza. Umwene ye saatema kinyalugilimati na ukuhusa idifai mu savani ya ililakaali ilikomi lya Nguluvi umunyaludali.

Uwugubulilwe wa Yohane 19:21

Avanyigalu vawo vawuligwe na ilimage ilyahumige mumulomo ugwa yula yealahofile ifwalasi. Ifidege mbefili swe filya neke figute inyama sawo.

Uwugubulilwe wa Yohane 2:16

Sweno, silekage inzanangifu sako. Pesi ndahihyo, ngusila sinyava na ukwihoma ligalu na avanu iwo ndikola ilimage ilihuma mumulomo gwangu.

Uwugubulilwe wa Yohane 2:23

Kangi ndivawulaga avanyigendo vakwe, sambi amakanisa mbegali galukagule ukuta nene ye nene yendigosaga inumbula na amahosa ga avanu.

Uwugubulilwe wa Yohane 20:4

Swe ngufiwona ifigoda ifya uwutwa na avanu ave vateng'ime muchanya, avanu iwo vapelitwe uludali ulwa ukuhiga. Ndagiwene nagi myuhe gila ja avanu avevatumbikwe wimila uwolelesi wa Yesu na wimila ulukani lwa Nguluvi, iva sivasunyalii ing'oko ulwihwano lwayo, sive vateme uluhagi muwusu wawo nave mumawoko gawo. Vapilulilwe uwumi kangi swe vitema pamwi na Kilisito kwa myaka mbilima yimwi.