Avaebulaniya 3:1 - Lufingano Lupya

¹ Vanyalukolo vangu, nye vanu va Nguluvi yemuvakemele na Nguluvi kuchanya, mwihose ulwa Yesu ye Nguluvi amutumite ave Mutambisi Muvina va ulufuuwo lwetukulwindika.

Avaebulaniya 3:1 ပူးပေါင်းရင်းမြစ်များ

Yohane 17:3

Na uwumi wa mbepali we uwu vakukagule veve Nguluvi ye wiyena na va nachene, na Yesu Kilisito yewamuletite.

Yohane 20:21

Swe Yesu avalongele kangi, “Uwikalakunoga wuvelage na nyenye! Ndawe Dada lweanumite nane nguvatuma nyenye.”

Yohane 20:27

Neke peamutigile Tomasi, “Aliogo kaletage ipa ichala chako ulave, lete iliwoko lyako wambale palubafu lwangu. Ulava ndawe yesiifuuwa, velage ndawe yeifuuwa!”

Ifipigo 1:15

Na peyefilutye filo fikefu pepogoli umukong'ano gwa vevevafuuvitwe avendige vafike ku ligana na machumi gavili kwa mbevali ndawe Petulo inukige pa avene,

Avalumi 11:17

Ena amatagala agamwinga ga umuseituni gwa mukinyungu gatotekilwe, neke amatagala ga umuseituni gwa mwihala gwanapikiswe baho. Nyenye nye vamyanza mwindawe umuseituni gwa mwihala neke lino mwihanga muludali na uwunono wa umuseituni ugwa mu kinyungu.

Avalumi 15:27

Vavene vevalamwee ukupiga lulo, neke ulwene nachene icho che kipigo chawo kwa avayawo. Pakuva avanu avamyanza vakahanzile mu wufunyilile wa munumbula wa Avayudaya, luvavaje nawo lino ukuvapigila Avayudaya mwa fyevagulwime ifya mung'i.

Avalumi 15:8

Pakuva nene nguvalongela nyenye ulwa Kilisito avapijee Avayudaya sambi alagile uwuhuvilwa wa Nguluvi, na sila inyuviso sa Nguluvi seavapelye avakukwetu sambi sikwile,

Avalumi 9:24

Pakuva ye hwehwe yeatukemelye si ukutigila uluhuma ku Vayudaya, pesi ukuhuma ku vamyanza.

1 Avakolindo 1:2

Kulikanisa lya Nguluvi lyelili uko ku Kolindo. Nyenye mukesiwe kwa ukuhanga na Kilisito Yesu, mwakemelitwe sambi muve vanu va Nguluvi mwiva pamwinga na avanu mbevali, vevakumusunyalila Umutwa vetu Yesu Kilisito, ye Umutwa vawo na vetu na hwehwe.

1 Avakolindo 10:17

Pakuva umukate ugo gumwi, hwehwe, nambi twiwolofu, twimuvili gumwi, pakuva mbetuli twihanga umukate gugo gumwi.

1 Avakolindo 9:23

Nene ndipiga mbesili isi ukwimila Ulukani Ulunofu, sambi melwe uwufunyilile.

2 Avakolindo 1:7

Kangi, uluhuvi lwetwinalo kwa nyenye lukangafu; tukulukagula ulwa pemuhanzile muneseko setu, muhanga kangi na mu lunyamaso lwetu.

2 Avakolindo 9:13

Na kwa uwolelesi wewiwoneka wa ikipigo chetu, avanu wolofu vamupela indolo Nguluvi ukwimila uwuhuvilwa wenyu kwa Ulukani Ulunofu lwa Kilisito lwe na kangi ukwimila uwudeke wenyu wemwihanga nawo na avanu mbevali mukwidikila.

Avaefeso 3:6

Ikinyele ichene che iki, ukukola Ulukani Ulunofu avanu va ing'i isingi vakwanukila iligawo lyawo pamwinga na Avayudaya mu wufunyilile wula wa Nguluvi; nawo viva figawamuvili fya umuvili gugula, na vihanga mu luhuviso lwe Nguluvi aluwuyipe ukukola mwa Kilisito Yesu.

Avaefeso 4:1

Sweno, nene ye ndimunyandinde pakuva ngumupigila Umutwa, nguvagongola mwikalage imikalile igivaje ulukemelo lwemwakemelilwe.

Avaefeso 4:4

Koguli muvili gumwi nu Muhe yumwi, ndawe uluhuvi lumwi lwemwakemelilwe.

Avafilipi 3:14

Ino, ndikimbila sogwe ku kidonya changu, sambi meelwe ikipelwa kila, na ulo lwe lukemelo lwa Nguluvi ku wumi wa kuchanya ukukola mulumwene Kilisito Yesu.

Avakolosayi 1:12

Muluhekelelo mumulumbage Dada yealekite nayi nyenye muve na ililila lyenyu mufinu fila fye Nguluvi alavaviche avanu vakwe kuwutwa uwa ulung'ali.

Avakolosayi 1:22

Neke lino kwa ifwa ya umwanakwe yeikalige mung'i Nguluvi akavatang'ise nave, sambi avalete kulumwene mwiva mwivelu, awofuge, vesivananga kinu.

Avakolosayi 3:12

Pakuva mwivanu vahagule, avelu na avende va Nguluvi vanyalusungu, vanyawudeke avilevesi, avalele, vanyalwikangaliso.

1 Avatesaloniki 2:12

Twavakangise imitima, na ukusikimika na ukuvalamusa sambi mwikalage mumigendele je gikumunogela Nguluvi ye avakemelye muhange mu wutwa na indolo sakwe.

1 Avatesaloniki 5:27

Nguvagongola hilo mwitawa lya Umutwa muvimbilage ibalula iyi vanyalukolo vetu mbevali.

2 Avatesaloniki 1:11

Nambi kwa lulo tukuvasukila mbepali. Tukumusuka Nguluvi vetu avatange munogele imikalile je mwakemelilwe mugendele. Tukumusuka, ukukola uludali lwakwe, akwise uwudobofu wenyu uwa ukupiga inofu na ukukwisa ikipigo chenyu icha ulufuuwo.

2 Avatesaloniki 2:14

Nguluvi avakemelelye mulukani ulu ukukola Ulukani Ulunofu lwetwavadaliche; avakemelye sambi mwanukile ililila lyenyu mu ndolo ya Umutwa vetu Yesu Kilisito.

1 Timoti 6:12

Dadambale wunofu muligalu ilya ulufuuwo, wibatilile uwumi wa mbepali wewakemelitwe, ulusika lwewalwidikilige ulufuuwo pa wolelesi wa awolofu.

1 Timoti 6:2

Avanyawingi ve avavina vawo Vakilisito valemwage ukuvabedala pakuva iwo vanyalukolo vawo. Ulungi na lulo luvavaje vavapigilage wunofu na ukulutisa, pakuva iwo vevakwambula ukuhuma mufipigo fyawo ve vanyalufuuwo vevavenda. Lukuvaje ukwigisa ing'ani na ukudalika isi.

2 Timoti 1:9

Umwene atupokite, neke atukemele tuve vanu vakwe yumwene, si ukwimila uwugolofu wa ifipigo fyetu, pesi ukwimila lula lwealalamwe na uwuwuya wakwe. Atupelye uwuwuya wuwo ukwimila Kilisito Yesu pe umuvango gwesigulava gufika,

2 Timoti 2:7

Wihosage hilo iso sendilonga pakuva Umutwa akudindula uluhala usikagule mbesili.

Avaebulaniya 10:19

Sweno, vanyalukolo kwa idanda ya Yesu twikangaswa imitima ukwingila Apono Apelu.

Avaebulaniya 10:21

Sweno, twinave Umutambisi umutambule umunyaludali mukaye ya Nguluvi.

Avaebulaniya 10:23

Twinatilage uluhuvi lwetu lwetukulwidikila, pakuva Nguluvi yeatwihuvise inyuviso sakwe vanachene.

Avaebulaniya 13:22

Sweno, vanyalukolo, nguvagongola mwanukilage mu wulele ulukani ulu nu kuvasikimika inumbula, pakuva ndivandiche ing'ani.

Avaebulaniya 2:11

Pakuva Umwene aakuvesa avanu inzanangifu sawo, nave pamwi na vala avesiwe, mbevali vinave Dada yumwi. Nambi Yesu siakwiwona nyoni ukuvakemela iwo vanyalukolo vakwe;

Avaebulaniya 2:17

Nambi lwelwene lwelwamuvaje ave ndawe vanyalukolo vakwe mwa mbesili, sambi ave Mutambisi Umuvina vawo umuhuvilwa na munyalusungu mukumupigila Nguluvi, nukuhesa inzanangifu sa avanu.

Avaebulaniya 3:12

Swe vanyalukolo, mwikomalilage sisalulava ave pwali mwanyenye munya numbula imbi ndahihyo na yesiafuuvitwi mbaka abape kwa Nguluvi umumi.

Avaebulaniya 3:14

Pakuva hwehwe twihanga na Kilisito, wone tukwinatila hilo uluhuvi lwetwetwinalo pamwandi:

Avaebulaniya 6:20

Yesu alongwe ukwingila umo uwimila hwehwe, na ave mutambisi muvina kitasila, va imigosekese gigila ja Melekisedeki.

Avaebulaniya 7:26

Sweno, Yesu ye mutambisi umuvina yeakwilaniche hilo mu wugulumu wetu. Umwene mwelu, mugaya wananzi nambi nzanangifu mulumwene; asumuli mwa vanyanzanangifu na apelitwe indolo mbaka kuchanya.

Avaebulaniya 7:28

Nachene ululagilo lwa Musa lwalwihagula avahomefu ukuva vatambisi vavina; neke ulwilapo lwa Nguluvi lwealuvikite mu mwilapo na lwelwahumite mu mbele ya ululagilo lumuhagwe Umwana yeavikitwe akwilaniche kitasila.

Avaebulaniya 9:11

Neke Kilisito yeafisile, iva Mutambisi Muvina va ing'ani inofu, se kulino yesifikite, umwene ipigila pihema ilinofu na ilikwilaniche hilo, lyesiwuyape na amawoko ga vanu, kwekutigila ilyo silya mung'i umu umwagafilwe.

Avaebulaniya 9:15

Palulo Kilisito, yeagosise Ulufingano ulupya sambi vala avakemele na Nguluvi vanukile uwufunyilile wa mbepali na mbepali wealavahuvise, pakuva ifwa yiwonike iyikombolaga avanu uluhuma mula mu wananzi wevapigite ulusika lwa ulufingano ululovela.

1 Petulo 2:9

Neke nyenye mwilukolo uluhagule, uwutambisi wa uwutema, ulukolo ulwelu, avanu vakwe yumwene Nguluvi, sambi mudalike ifipigo fyakwe finyandolo fyeavakemelye uluhuma mulwisa swe akuvingisa mu lung'ali lwakwe ulukomi.

1 Petulo 3:5

Ulo lwevihambite pidaha avang'inetu avagolofu, vevamuhuvilige Nguluvi, vevina ichoga ku vanu vawo.

1 Petulo 5:1

Nene yendi muvaha ndinalo lukani lumwi lwenguvasuka nyenye mwe vavaha vayangu. Nene yinene ndilolelye mumiho gangu ineseko sa Kilisito na ndikuvye ukuhanga sila indolo sesasigubulwa. Nene nguvasuka

1 Petulo 5:10

Neke pemuve mutesiike lusika ludodo, Nguluvi yula ye yumwene che kilamuko cha uwuwuya mbewuli na yemwene yeakuvakemela muhange indolo sakwe isa mbepali ukukola ukuhanga na Kilisito. Yemwene yeavakwilanisa na ukuvawuyapila uwukwilanifu, uludali na ulutu ulukange.

1 Yohane 1:3

Icho chetwakiwene nu kukipulika icho chetukuvadalikila nanye kangi, sambi muhwane ukuhanga nahwehwe mu uwulilumwi wetwinawo na Dada nu mwanakwe Yesu Kilisito.

Yuda 1:1

Nene Yuda, umukami va Yesu Kilisito, umunyalukolo va Yakobo, kwa nyenye avakemele na Nguluvi na nyenye ye Nguluvi udadetu akuvenda na ukulolelwa na Yesu Kilisito.

Uwugubulilwe wa Yohane 17:14

Savihoma ligalu na umwanang'olo, neke umwanang'olo sa avadwesa pakuva umwene ye Mutwa va avatwa na Mutema va avatema. Pamwi na vala veavekemelye nu kuvahagula na vahuvilwa.”

Uwugubulilwe wa Yohane 18:20

Uhekelelage mulumwene veve ve kuchanya. Nye avanu va Nguluvi, avigendo na avavisi, pakuva Nguluvi ayihigite ukukola mbesili sevavapije nyenye!