Avaebulaniya 2:10 - Lufingano Lupya

¹⁰ Kangi lwanoje kulumwene, ye ifinu mbefili finanaga ukukola kulumwene na mulumwene mukuvaleta avana wolofu mundolo, na ukuva mulongosi muwupoki uwukwilaniche ukukola uluteseko.

Avaebulaniya 2:10 ပူးပေါင်းရင်းမြစ်များ

Luka 13:32

Swe Yesu akuvalongela, “Mubitage mukamulongele yula ng'eve, ‘Lavage, namunyi na imilawu ndihumya amasoka na ukuponia avatamwa, ikimunyi cha wudatu pendikwisa ifipigo fyangu.’

Luka 2:14

“Indolo kwa Nguluvi kuchanya, na mung'i uwikalakunoga mwa vala veinogelwa nawo!”

Luka 24:26

Siluke lukamuvaji ukukola mu neseko isi na ukwingila mundolo sakwe?”

Luka 24:46

Neke pavalongele, “We lwelwandike ukuta kilisito saateseka, na ukusilibuka ikimunyi cha wudatu uluhuma kuvafwe,

Yohane 11:52

kangi si ukwimila avanu va ing'i yawo hela, pesi ulwa peahwana ukuvakong'asa avana va Nguluvi avatagalye sambi vave valilumwi.

Yohane 19:30

Yesu ave akwanukila idifayi inzasamufu yila atige, “Lusisile!” Swe igondamya umutwe na umutima gwidumuka.

Ifipigo 3:15

Swe nyenye mwamuwulige yula ikilamuko cha uwumi. Neke Nguluvi amusilibwe, na hwehwe mbetuli twiwolelesi va ulukani ulu.

Ifipigo 5:31

Uyo ye Nguluvi amukung'umike pachanya kwiwoko lyakwe lya kundyo ave Mulongola, na Umupoki, avawuyape avanu va mu Isilaeli vahongese sambi vadegepelwa inzanangifu sawo.

Avalumi 11:36

Pakuva ifinu mbefili fyagafilwe na umwene na ifinu mbefili fihumaga kulumwene, mbefili finu fyakwe na fili muludali lwakwe. Indolo sivelage kulumwene mbaka ku mbepali na mbepali! Ena.

Avalumi 9:23

Na awendige kangi alagile uwolofu wa indolo sakwe, seatuboholye hwehwe ye twe tudonyitwe ulusungu lwakwe, hwehwe yeatugelanise ukwanukila indolo sakwe.

1 Avakolindo 2:7

Uluhala lwetwikola hwehwe, lwe luhala lwa ulukani lwa Nguluvi ululi ku kinyele, uluhala ulufihe, lwe luhala lwe Nguluvi ealugafile uluhuma pidaha ukwimila indolo setu.

1 Avakolindo 8:6

nambi ndahihyo, kwa hwehwe kwali Nguluvi yumwi hela; Dada, mugafi va mbefili, ye kwa ukwimila yumwene hwehwe twikwali. Kangi pwali Umutwa yumwi hela, Yesu Kilisito, ye kwa ukwimila umwene ifinu mbefili fyagafilwe, na hwehwe twiva wumi kwa uludali lwakwe.

2 Avakolindo 3:18

Swe, hwehwe mbetuli yesitwivadinde amiho, twilagilwa witigila twilavila mu kilole, indolo isa Umutwa; twipitulwa sambi twihwane hilo na uwihwani wakwe uwa indolo sakwe ingomi. Uko kwekupiga kwa Umuhe va Umutwa.

2 Avakolindo 4:17

Ukuguda kwetwiguda kudodo na kwa lusika ludodo hela; neke kukutupela indolo isilutye na amahosa mbegali, indolo ingaya wudugo.

2 Avakolindo 5:18

Mbesili isi che kipigo cha Nguluvi umunya kutulamula hwehwe nave, ukwimila Kilisito, swe akutupela nahwe ulwa ukuvalongela avangi vilamule nave.

2 Avakolindo 6:18

Nani samba ndi Dadenyu, nanye samuva mwivanangu, avahinza na avakwamisi. Ilonga Umutwa Umunyaludali.”

Avagalatiya 3:26

Kwa ukukola ulufuuwo nyenye mbemuli mukave mwivana va Nguluvi mukuhanga na Kilisito Yesu.

Avaefeso 2:7

Ulo lweawendite ukululagila kuvanu va imisika igikusa uwukomi wa uwuwuya wakwe weatupelye kwa ulusungu lwa ukuhanga kwetu na Kilisito Yesu.

Avaefeso 3:10

sambi lino, kwa ukukola likanisa, avavina na vanyalulumbo va kuchanya valukagule uluhala lwa Nguluvi ululi polofu.

Avakolosayi 3:4

Uwumi wenyu wa nachene ye Kilisito, neke nape aasile, pepene pe nayi nyenye samusa pamwi na umwene neke muhange mundolo!

2 Timoti 2:10

Na ukukola lulo, nene ndikangalila mbefili ukwimila avahagule va Nguluvi, sambi nawo vapelwe uwukombolwa uwiletwagwa mung'asi ya Yesu Kilisito, na wuwo wiletaga indolo isa mbepali na mbepali.

Avaebulaniya 12:2

Tumulavage Yesu yeatuvanje ulufuuwo lwetu nave alukwisa. Uwimila uluhekelelo lwelwamusindilige, umwene akangalye ifwa mu musalaba, we sihosa lwa inyoni iyihuma mumo, na kulino akong'ome kundyo mukigoda cha umutwa cha Nguluvi.

Avaebulaniya 6:20

Yesu alongwe ukwingila umo uwimila hwehwe, na ave mutambisi muvina kitasila, va imigosekese gigila ja Melekisedeki.

Avaebulaniya 7:26

Sweno, Yesu ye mutambisi umuvina yeakwilaniche hilo mu wugulumu wetu. Umwene mwelu, mugaya wananzi nambi nzanangifu mulumwene; asumuli mwa vanyanzanangifu na apelitwe indolo mbaka kuchanya.

Avaebulaniya 7:28

Nachene ululagilo lwa Musa lwalwihagula avahomefu ukuva vatambisi vavina; neke ulwilapo lwa Nguluvi lwealuvikite mu mwilapo na lwelwahumite mu mbele ya ululagilo lumuhagwe Umwana yeavikitwe akwilaniche kitasila.

1 Petulo 1:12

Nguluvi avagubulye ukuta ulusika pevalongige siso ing'ani se nyenye umo yemupulike ukuhuma kwa vala avatume vevavalaaliche Ulukani Ulunofu ukukola uludali lwa Umuhe Umwelu yeatumitwe uluhuma kuchanya, ikipigo chawo siche kwa ukwambula kwawo avene, pesi ukwimila nyenye. Iso se ng'ani se na vanyivaha vake vawenda ukusikagula.

1 Petulo 5:1

Nene yendi muvaha ndinalo lukani lumwi lwenguvasuka nyenye mwe vavaha vayangu. Nene yinene ndilolelye mumiho gangu ineseko sa Kilisito na ndikuvye ukuhanga sila indolo sesasigubulwa. Nene nguvasuka

1 Petulo 5:10

Neke pemuve mutesiike lusika ludodo, Nguluvi yula ye yumwene che kilamuko cha uwuwuya mbewuli na yemwene yeakuvakemela muhange indolo sakwe isa mbepali ukukola ukuhanga na Kilisito. Yemwene yeavakwilanisa na ukuvawuyapila uwukwilanifu, uludali na ulutu ulukange.

Uwugubulilwe wa Yohane 4:11

“Lukuvaje veve uve wi Mutwa na Nguluvi vetu, wanukile indolo na ichoga na uludali pakuva wagafile ifinu mbefili na ukwimila uwende wako fyagafilwe na ukuwoneka.”

Uwugubulilwe wa Yohane 7:9

Ndawe ndalavige, swe nguliwona ililugu ikomi lya avanu vesivahwaniti ukuvalilwa: avanu va ing'i mbesili, ing'olo, ulukolo na indongele. Nawo vamemile pa kigoda icha uwutwa cha umwanang'olo, viva vafwite imyenda imyelu na ukwibata amatagala ga imivale mumawoko gawo.