Avaebulaniya 13:17 - Lufingano Lupya

¹⁷ Muvelage na ichoga ku valongosi venyu nu kwinatila indagilo sawo; avene vahele vilolela inumbula senyu, pakuva sawolelela isa uwupisi wawo kwa Nguluvi. Muvaleke vapige ifipigo fyawo kwa luhekelelo, si wuhuguvafu, na pa ulo nyenye simwambula uwinome.

Avaebulaniya 13:17 ပူးပေါင်းရင်းမြစ်များ

Luka 16:2

Ndawe amukemelige nu kumutigila: ‘Ng'ani sa kinyandawuli isi sendipulika kwa veve valile ifya uwimilisi wako? Pakuva suva kangi wi mwimilisi’

Ifipigo 20:28

Mwikomalilage yunyenye; muligosage lila lilugu lye Umuhe Umwelu akavavisile nyenye muve valongola va ilikanisa. Mulikwamilage likanisa lya Nguluvi lyealigusile kwa idanda ya Umwanakwe.

Avalumi 14:12

Pakuva, hwehwe mbetuli satwilongela pa Nguluvi umunu na sakwe.

1 Avakolindo 16:16

muvigage avanu vevindawe iwo na uwulongosi wawo na mu wulongosi wa umunu yeyeavesaga yeipigasa pamwinga nawo.

Avaefeso 5:21

Yeyeavesaga munu avelage na ichoga kumuyagwe ukwimila ukumogopa Kilisito.

Avafilipi 1:4

na pembesaga nguvasukila mbemuli, ngwifunya muluhekelelo,

Avafilipi 2:12

Vanyalukolo vangu, pende pamwi nanyenye mwavelige na ichoga mbepali na kulino pendili pataali nanyenye, muvelage ni choga ndahihila. Mupigage ifipigo we mwina muhwehwe nu kukuvila ukwimila uwupoki wenyu,

Avafilipi 2:16

wemukwinatila hilo ulukani lwe luvapoka. Na ipo pepene pe nane sa mba na lwa ukwivahila mu kimunyi kila cha Kilisito, ipo pesaluwoneka pawelu ukuta uwupifu wangu na ikipigo changu sisafiyaga chaka nangi.

Avafilipi 2:29

Mu mumwanukila muluhekelelo ulukomi, nda munyalukolo mulu Mutwa. Luvavaje ukuva na ichoga kwa avanu avindawe umwene,

Avafilipi 3:18

Ngavalonje ulu kolofu, nayilino kangi ndipilukila kono wendivemba: Povali avanu wolofu ve imigendele jawo gikuvawuyapa vave vatavangu vaifwa ya Kilisito mumusalaba.

Avafilipi 4:1

Palulo, vanyalukolo vangu, aveende, vendidoboka hilo ukuvawona; nyenye ye muli luhekelelo lwangu na ingela ya muludweso lwangu. Nye veende vangu ulo lwe luvavaje ukwikala mukaye mu kuhanga na Umutwa.

2 Avatesaloniki 3:14

Sa lulava ulwa uko kwina munu yesakwinatila ulukani ulu lwetukuvaletela mu balula iyi. Wone luve ndahihyo, mumuvikage pawelu umunu uyo na mulagela ukuhanga nave mwa lwelweluvesaga, sambi iwone inyoni.

1 Timoti 5:17

Avavaha avilongosa avanu wunofu vinogela ukupelwa amahombo kavili, na hilo vala vevipifuka ukudalika na ukwigisa.

Avaebulaniya 13:24

Muvahungilage avalongosi venyu mbevali pamwi na avanu va Nguluvi! Vanyalukolo va ku Italiya vakuvahungila vitigila, Kamwene.

Avaebulaniya 13:7

Muviwukage avalongosi venyu vevavadaliche ulukani lwa Nguluvi. Mwihosage hilo sa imigendele jawo, mukigage ulufuuwo lwawo.

Yakobo 4:7

Sweno, mwivikage pa wulolesi wa Nguluvi; mumukanilage Setani nave avakimbila nyenye.

1 Petulo 5:5

Lwindahihyo nanye vanyakilambo luvavaje ukwivika mululagi lwa avavaha. Nyenye mbemuli luvavaje muvelage na uwilevesi sambi mwipigilage; pakuva Uwandike Uwelu witigila: “Nguluvi akuvabesa vanyalwidudumbo, neke akuvapelaga uwuwuya avilevesi.”