Avaebulaniya 13:16 - Lufingano Lupya

¹⁶ Mulonga musemwe ukupiga inofu nu kwitanga, pakuva isi sesene se inambika isikumunogela Nguluvi.

Avaebulaniya 13:16 ပူးပေါင်းရင်းမြစ်များ

Luka 18:22

Yesu avelige ipulika iso amulonje, “Peupugilwe kinu kimwi, kaguse fyewinafyo mbefili ukavagavile avamikaa, nave uva na uwunono kuchanya, neke pewuse uninile.”

Ifipigo 10:38

Mumusele Yesu uva ku Nasaleti na lwe Nguluvi amuhagwe kwa ukumwisikisa Umuhe Umwelu na uludali. Nguluvi ali pamwinga nave; umwene abitige uko na uko ipiga inofu na ukuponia mbevali avevibatike na yula umwanangifu.

Ifipigo 9:36

Epwali mung'inetu uyumwi muboma iya ku Yopa yeitambulwa Tabita (kwa Kigiliki ye Dolika, kwekutigila, Nyalusi). Umung'inetu uyo apigige inofu pakuvatanga avamikaa mbepali.

Avalumi 12:13

Muvatangage avelu va Nguluvi, mwipigila muwudeke.

Avagalatiya 6:10

Lwide, pakuva twina ikilega, tuvapigilage avanu mbevali uwunofu; na hilo hilo avanyalukolo va mulufuuwo lwetu.

Avagalatiya 6:6

Umunyakwigisa ulukani lwa Nguluvi nave amugavilage na umwigisi vakwe cheakwambula mukipigo chakwe.

Avaefeso 4:28

Yahiisige alagela ahiise kangi, lino avangage ukupiga ikipigo ikinofu kwa amawoko gakwe, peahwane ukuva na ikinu cha ukumutanga umunu yagulwime,

Avafilipi 4:14

Neke ulwene nyenye mukapigite wunofu ukuhanga nane mulugudo lwangu.

Avafilipi 4:18

sweno, yenzanuche ifinu mbefili fyemukameelye, kangi filutye mula mwengasakilige. Ndinafyo mbefili lino pakuva Epafolodito yeandetye ifipelwa fyenyu. Ifipelwa ifi fiva nda nambika iyinung'ilila wunofu, ikitawulwa chekikwidikilwa na ukumunogela Nguluvi.

1 Avatesaloniki 5:15

Mwikomalilage umunu yeyeavesaga alihombela mukole kulumunu yungi uwanangifu, pesi ukuta mudonyage ukwipigila inofu mbepali na ukuvapigila inofu avanu mbevali.

2 Avatesaloniki 3:13

Neke nyenye vanyalukolo, mufulugala ukupiga inofu.

1 Timoti 6:18

Valagilage vapigage ifinofu, vave vanono kwa ukupiga ifinofu, vavelage vadeke ukutawula ifinu fyawo kwa avanu vangi.

Filimoni 1:6

Ngwifunya sambi ulufuuwo ulo lwewihanga pamwinga na hwehwe lukutange uve na uwuseela uwukwilaniche hilo wa uwufunyilile mbewuli wetwipelwa mukuhanga na Kilisito.

Avaebulaniya 6:10

Nguluvi sigayagi uwanachene; sisemwagi ikipigo chemupigite ukwimila umwene mukipigo chemwapigite na chemwipiga lino ku vanu vakwe.

3 Yohane 1:11

Munyawende vangu, ulonga wige imigendele imyaafu, pesi ulwa wigage iminofu. Yeyeavesaga ipiga inofu ye va Nguluvi, neke yeipiga uwaafu uyo sialamuwona Nguluvi.