1 Muvelage we mwiyenda kinyalukolo.
Ululagilo lwangu lwe ulu, mwiyendage yinyenye kwa yinyenye.
Na ikimunyi cha i Pendekosite chavelige kifika, vala vevevafuuvitwe vevakong'ine pamwi mbevali.
Ililugu mbelili lya avevafuuvitwe vevina mutima na inumbula yimwi. Siekwali umunu yungi yeali na ikinu yeatigilige icho chakwe iyena, pesi ulwa vevahanzile mbefili.
Neke nyenye vanyalukolo vangu mwakemelitwe muve vanu mwivatemapenyu. Neke nambi ndahihyo uwutemapetu sawulava lifinga lyambuse tuve pasi ya wutema wa uwudobokesi wa isa mung'i; pesi ukuta luvavaje mwipigilage muwende.
Neke isihumaga mukulongoswa na Umuhe we uwende, uluhekelelo, uwikalakunoga, uwukangalisi, uwunofu, ulusungu, uwufuuwa,
Pakuva wone yetuhanzile na Kilisito Yesu, ukuwoolwa nambi uwutawoolwa uko kufwaha hela, ikikomi ipo lwe lufuuwo ulwipigaga ikipigo muwende.
Musugunalage ukuwugosa uwulilumwi uwiletwa nu Muhe kwa ukwinatila uwikalakunoga uwuli mwa nyenye.
Mugendelage uwende, ndawe Kilisito lweatwendite, neke itawule yumwene ave kitawulwa cha inambika iyinung'ilila wunofu na iyikumunogela Nguluvi.
Vanyalukolo, lutuvaje ukumulumba Nguluvi mbepali ukwimila nyenye. Lwinoga hwehwe tupige ndahihyo pakuva ulufuuwo lwenyu lwigina ukongelekela na uwiyendi wenyu nawo wukongelekela hilo.
Tusugunalage ukwitanga yihwehwe sambi twiwile uludali lwa ukwiyenda nu kupiga inofu.
Pakuva lino, ukukola ukuwidikila uwanachene, nyenye yemusesise inumbula senyu na ukuvenda avayenyu si muwubuganisi nda, lino mwiyendage kwa mutima mbeguli.
Muvelage na ichoga ku vanu mbevali, muwendage uwunyalukolo venyu, mumogopage Nguluvi, muvelage na ichoga kulu Mutema.
Pendisindilisa nditigila de: luvavaje ukuva na numbula yimwi, mahosa gamwi, luvavaje ukwiyenda kinyalukolo, ukuva vilevesi nyenye kwa yinyenye.
Ukulutila mbesili mwiyendage kwa mutima gumwi, pakuva uwende wawigubika inzanangifu mbesili.
muchoga chenyu mukangasage uwunyalukolo, na uwende na uwunyalukolo wenyu.
Ululagilo lwakwe lwe ulu: Ukumufuuwa umwanakwe Kilisito, nu kwiyenda ndawe lweatulajee.
Yeyeavesaga itigila ulwa Umunu wone atigile ulwa amwenda Nguluvi, kono we akumuvipila umunyalukolo vakwe, uyo mudesi. Pakuva yesiakumwenda umunyalukolo vakwe yeakumuwona, uyo sahwaniti ukumwenda Nguluvi yesialamuwona.
Neke ndina lukani lumwi hela kwa veve, veve sipeunzenda kangi lino ndawe pamwandi.
