Avaebulaniya 12:3 - Lufingano Lupya

³ Mwihosage ulwa ing'ani sesamufikite yula, lula lweakangalye ulubesa ulukomi kuvanu vanyanzanangifu. Sweno, mulatilivika imitima, nambi kufulugala.

Avaebulaniya 12:3 ပူးပေါင်းရင်းမြစ်များ

Matayo 11:19

Umwana va umunu aasile ilya na ukunywa neke vatigile, ‘Mulavage muhatufu kangi mugaasi, umunya wiyendi na avakong'asa imbemenenge na avanya nzanangifu!’ Nave ndahihyo uluhala lwa Nguluvi lwalwikagulanika mufipigo fyakwe.”

Matayo 12:24

Neke Avafalisayo pevapulike ulu vatigile, “Ulu ludali lwa Libelisebuli hela. Ilivina hilo lya amasoka, kwe kutigila umunu uyu ihumya amasoka kwa uludali lwa lilyo.”

Matayo 15:2

“Vakumuwusa, ndawuli avanyigendo vako sivakwinatila indongwa sila sevatuleche avanyakataali vetu? Pakuva sivavikalava amawoko pevilya.”

Matayo 21:23

Na peinje mutembeli, avatambisi avavina na avavaha va avanu vaasile kulumwene na peakwigisa neke vatigile, “Uluwene kwi uludali ulwa ukupigila isi? yenani ye akupelye uludali ulu?”

Matayo 21:46

Neke pe vagele ukumwibata, swe vakogopa amalugu, pakuva gegamukagwe ulwa muvisi.

Matayo 22:15

Neke Avafalisayo ndawe vabitige kukukong'ana sambi vagahe wevagita ukumugwilisa Yesu mumilongele jakwe.

Luka 14:1

Ikimunyi ikingi cha isabato, Yesu inje ukulya ichakulya, mukaye ya uyumwi va avavina va avafalisayo, avanu avebaho vavanzile ukumusigamila.

Luka 15:2

Avafalisayo na Avigisi va indagilo vilonganzige vitigila: “Umunu uyu! Aikemela vanyanzanangifu, kangi ailya nawo.”

Luka 16:14

Swe Avafalisayo aviwendaga amagobole vapulike iso mbesili neke vamubedale Yesu.

Luka 2:34

Ndawe Simioni avafunyililige neke peamulongele Maliya uyuve va umwana, “Lavage Umwana uyu avisilwe sambi avanu wolofu va Isilaeli vayage na ukupokwa. Nave ava kilagilo cha ukubihilwa;

Luka 5:21

Neke avigisi va indagilo na avafalisayo vavange ukwiwusa vitigila, “Ye nani uyu yakumuliga Nguluvi? Ye nani yeahwanite ukudegepela inzanangifu pe si Nguluvi hela ye iyena?”

Yohane 10:20

Awolofu vawo vatige, “Ina lisoka; kangi mugulufu! Mbi veki ukumupulikisa?”

Yohane 18:22

Ave ilonga iso umukami uyumwi yeeimile pipi amuvatwe itigila, “Ukumupitula de Umutambisi Umuvina?”

Yohane 5:16

Neke Avayudaya vavange ukumufwahisa Yesu, pakuva apigite iso pa Sabato.

Yohane 7:12

Swe kwiva na lwing'ulanzo mumukong'ano. Pepene avamwi vamutige Yesu, “Munu munofu.” neke avangi vatigile “Nda! Uyo ake iyasa avanu.”

Yohane 8:13

Swe Avafalisayo vakumulongela, “Veve ukwiyolelela wiyena uwolelesi wako si wanachene.”

Yohane 8:52

Swe Avayudaya vakumulongela, “Ino tulukagwe ulwa wina lisoka! Abulahamu afwe, na avavisi vafwe, veve ati witigila ‘umunu yeakwinatila ulukani lwangu sisaafwa kitasila!’

Yohane 8:59

Ipo ndawe vasavige amaganga sambi vamukinye, ndawe Yesu ifihige swe ihuma mu tembeli.

Yohane 9:40

Avamwi va Avafalisayo avepamwi nave swe vapulike iso, vakumuwusa, “Ngali nayi hwehwe nahwe twivabofu?”

1 Avakolindo 15:58

Sweno, vanyalukolo vangu nyevende, mwimage mukange. Kangi musugunalage mbepali ukumupigila Umutwa muludali, we mukulukagula ulwa ikipigo icho cha ukumupigila Umutwa chemuhele mukumupigila sisakiyaga nangi.

2 Avakolindo 4:1

Sweno, Nguluvi kwa ulusungu lwakwe ulukomi, atupelye ikipigo iki nambi nahwe sitwifulugala.

2 Avakolindo 4:16

Nambi kwa ulo sitwidedela; nambi uwugave wetu wa kwivala wisakala, neke mugati mwahwehwe twiwuyapwa vapya pepekukisaga.

Avagalatiya 6:9

Lino, tulafulugala mukupiga inofu, pakuva wone tulemwe ukudedela satubeta isanga ulusika pelufikite.

2 Avatesaloniki 3:13

Neke nyenye vanyalukolo, mufulugala ukupiga inofu.

Avaebulaniya 12:2

Tumulavage Yesu yeatuvanje ulufuuwo lwetu nave alukwisa. Uwimila uluhekelelo lwelwamusindilige, umwene akangalye ifwa mu musalaba, we sihosa lwa inyoni iyihuma mumo, na kulino akong'ome kundyo mukigoda cha umutwa cha Nguluvi.

Avaebulaniya 12:5

Ngali, yemusemilwe ing'ani sila isa ulusikimiko lwa imitima lwa Nguluvi akuvatambula nyenye ukuta mwivanakwe? “Mwanangu, ulabedala inzigiso sa Umutwa, nambi kufulugala pewikenyelwa,

Avaebulaniya 3:1

Vanyalukolo vangu, nye vanu va Nguluvi yemuvakemele na Nguluvi kuchanya, mwihose ulwa Yesu ye Nguluvi amutumite ave Mutambisi Muvina va ulufuuwo lwetukulwindika.

1 Petulo 2:23

Ave iligwa siipilulyi nambi liligo; peatesekige umwene siipemyi, pesi avikite uluhuvi lwakwe kwa Nguluvi, umuhisi umugolofu.

Uwugubulilwe wa Yohane 2:3

Veve wi munyamola, ukakangalye ulugudo ululipolofu ukwimila ilitawa lyangu, na siukadedi umutima.