Avaebulaniya 12:16 - Lufingano Lupya

¹⁶ Mwikomalilage ukuta mwa nyenye alawoneka umunu umugoni nambi munu yesakumwogopa Nguluvi, ndawe Esawu, yeagusise ululumbo lwa uwuvele wakwe ukwimila ikilyo cha ikimunyi kimwi.

Avaebulaniya 12:16 ပူးပေါင်းရင်းမြစ်များ

Maliko 7:21

Pakuva mugati munumbula sa avanu, gagihuma amahosa amabi, uwugoni, uwuhiisi, uwuwulasi,

Ifipigo 15:20

Neke tuvandikilage hela tuvatigilage ulwa valemwage ukulya ifinu ifinyawinya ifitawule inambika kufihwananguluvi, na vikomalilage na mu wugoni; valemwage ukulya ing'oko yeyibuditwe na ukunywa idanda.

Ifipigo 15:29

mulemwage ukulya ifinu ifitawule nambika kwa ifihwana nguluvi; na uliya idaho; na inyama ya ing'oko iyibuditwe; mwikomalilage na mu wugoni. Pemupigite ulo muva muwuyipe lunofu. Kamwene mbemuli!”

1 Avakolindo 10:8

Tulemwage ukuva vagoni ndawe avangi va avene lwevapigite uwugoni, swe vifwa kimunyi kimwi avanu mbilima machumi gavili na vadatu.

2 Avakolindo 12:21

Kangi nene ngogopa, ukuta apangi penzusile, Nguluvi andevesa pa nyenye, na kangi nyuguvala kwa vala awolofu vevakapigite inzanangifu, na sivalahongesa uwaafu wawo, na uwudobokesi, pamwinga na uwusafi wawo wevakapigite.

Avaefeso 5:3

Pakuva mwivanu va Nguluvi uwusafi, na uwaafu mbewuli filatambulwa mwa nyenye.

Avaefeso 5:5

Mulukagulage ulwa umugoni yeyeavesaga nambi umwaafu, (nambi umusunyalila ifihwananguluvi), nambi umunu yeyeavesaga yeindawe iwo, sisaambulila kinu Muwutwa wa Kilisito na wa Nguluvi.

Avakolosayi 3:5

Sweno muwulagilage ng'ani mbesili isili mwanyenye isikwiga isa mung'i; uwuyamba, uwugoni, uwaafu, uwuhatufu, na uwudobokesi, ulo lwe lusunyalilo ku fihwananguluvi.

1 Timoti 1:9

Neke lwiwukwagwe ukuta indagilo simbuyape ukwimila avanu avanofu, pesi ulwa ukwimila vala avipiga isisutine na indagilo, na avananzi, avagaya Nguluvi na avanangifu, vala avagaya choga, aviwulagaga avadadawo na vayuvawo, avawulasi,

Avaebulaniya 13:4

Ingomwa yivaje yipelwagwe ichoga, na avanu mbevali, na isivaje ingomwa sikwiswage. Nguluvi saavahiga avanya migendele imibi na avagoni.

Uwugubulilwe wa Yohane 21:8

Neke avanu avanyamuhodo, avagaya ulufuuwo, avanangike, neke avanu, avawulasi, avagoni, avahavi, avisunyalilaga ifihwananguluvi, na avadesi mbevali apono pawo pevavikilwe kwitemela ilikwakaga umoto ugwa ikibiliti, iyo yefwaa ya kavili.”

Uwugubulilwe wa Yohane 22:15

Neke imbwa, avahavi, avagoni, avawulasi, avasunyalila ifihwananguluvi na mbevali aviwendaga ukulonga uwudesi, savikala kwivala pa iboma.