Avaebulaniya 11:26 - Lufingano Lupya

²⁶ Alukagwe ulwa ukuteseka uwimila Kilisito kwina kwambula kukomi hilo ukulutila uwunono mbewuli wa mung'i ya mu Misili, pakuva asindilige ukupelwa amahombo ga pambele.

Avaebulaniya 11:26 ပူးပေါင်းရင်းမြစ်များ

Matayo 10:41

Umunu ye akumwanukila umuvisi pakuva muvisi saanukila ikipelwa icha umuvisi, na yeamwanukila umugolofu pakuva mugolofu anukila ikipelwa icha umugolofu.

Matayo 5:12

Muvesage na luhekelelo na ukukimilila pakuva ililila lyenyu saliva likomi kuchanya, siso se vapigilwe avavisi nyenye pesimwe mwikwali.”

Matayo 6:1

“Mwikomalilage mulemwage ukupiga uwuwuya pa vanu sambi musumilwe nawo. Pakuva pemugisile ndahihyo pavanu, simuhombwa kinu nda ukuhuma kuludadenyu yealikuchanya.”

Luka 14:14

apo pepene pupelwa uwufunyilile, pakuva iwo vihela chevakuhomba. Ipo pepene pe Nguluvi saakupela uluhombo lwako, ulusika lwe avanu vagolofu pevisilibuka.”

Luka 14:33

Ndawe Yesu asindilisige itigila, “Yeyeavesaga mwanyenye, yesakufileka mbefili fyeinafyo, sahwana ukuva munyigendo vangu.”

Ifipigo 5:41

Avigendo vahumite kwivala pawuhigilo vahekelye, pakuva luwonike ulwa avene vanoje ukuhongelwa inyoni vivalwa litawa lya Yesu.

2 Avakolindo 12:10

Lwelwene ngwidikisa wugolola singo uwuhomefu ukubedalwa, mutalamu, ukubuganisiwa, na ineseko ukwimila Kilisito, pendiva mu wuhomefu pepene pendiva mu ludali.

2 Avakolindo 6:10

Nambi tukapumiswe, situkafwi; nambi wetwivahuguvafu ulwene twihekelela mbepali; nambi we twivamikaa tuhele twinoniya avanu wolofu; twiwoneka wita avanu avagaya kinu chechekivesaga, kumbi twinafyo mbefili.

Avaefeso 1:18

sambi mugine ukumukagula hilo munumbula senyu ulwa uluhuvi lweavakemelelye mu wunono na indolo ingomi iya ililila lyeavaviche avanu avelu vakwe,

Avaefeso 3:8

Nene yendi mudodo ukulutila avanu mbevali va Nguluvi; neke ulwene ndimupele uwuwuya wakwe, sambi ndivadalikile avanu va ing'i isingi uwunono wakwe Kilisito uwugaya kigelo,

Avafilipi 3:7

Neke mbesili iso sendahosige ulwa sihwanite sive na kwambula, ngufiwona ulwa iso sa kufwaha hela ukwimila Kilisito.

Avaebulaniya 10:33

Apangi kangi mwalisilwe nu kuhongelwa inyoni pavanu; apangi mwidiche ukuhanga na vala vevatesekige ndahihyo.

Avaebulaniya 10:35

Sweno, mulawuleka uwupifu wenyu, pakuva uwo wuvapela amahombo makomi,

Avaebulaniya 11:6

Sweno, pesi ukukola ulufuuwo situhwaniti ukumunogela Nguluvi. Pakuva umunu yeyeavesaga akumubihila Nguluvi lumuvaje afuuwage ulwa Nguluvi pwali, na ulwa akuvahomba vala vevakumuninila.

Avaebulaniya 13:13

Sweno, tumubitilage umwene pala pivala iya ilikambi tukiteguse ululeko lwakwe.

Avaebulaniya 2:2

Pakuva ulukani lula lwevapelitwe avavaha vetu na vanyivaha, lyawonike ukuta lwanachene, nambi mwa mbevali yula yesibeeti na ukwinatila ahigitwe apume ndawe ulwelumuvaje.

1 Petulo 1:11

Vagelite vagikagule imisika na yeilongwa, tutigile ulusika lwe Kilisito alavaje ulupweng'enyu yeemugati mwawo, avilite ulwa ineseko isesimufika Kilisito na indolo yesayihumila mumo.

1 Petulo 4:14

Muvinomi nyenye wone mwiligwa ukwimila litawa lya Kilisito; ulukani ulo lwilagila ukuta Umuhe va indolo, tutigile Umuhe va Nguluvi akwikala mwanyenye.

Uwugubulilwe wa Yohane 2:9

Ndilukagwe ulugudo lwako; ndiwukagwe na uwumikaa wako, nambi ulwene nachene veve wimunono; ndigakagwe na maligo gevakakulisile vala avakwitigila Vayudaya neke ulwene si Vayudaya va nachene, pesi iwo lilugu lwakwe Setani.

Uwugubulilwe wa Yohane 3:18

Ngukuyisa ugulage kwa nene isahabu iyikwete mumoto peyiwuyapiswa wunofu sambi uve munono nachene. Kangi ikiba ugulage isopeka inzelu, ufwale na ukugubika inyoni sa uwufuula wako. Gulage kangi amafuta wibake pamiho sambi ulave wunofu.