Avaebulaniya 11:10 - Lufingano Lupya

¹⁰ Pakuva Abulahamu asindilige iboma ing'angafu, iboma ye Nguluvi yumwene ye museela yeaihosise lwe yiva nu kuyisenga.

Avaebulaniya 11:10 ပူးပေါင်းရင်းမြစ်များ

Yohane 14:2

Mukaye ya Dada vangu muna wikalo wolofu; manyi silwindahihyo singe ndivalongela, pakuva ndibita kukuvagelanikisa uwikalo.

2 Avakolindo 5:1

Pakuva ikitinga chetu chetukwikala mung'i, chanangitwe, twinayo ikaye iyihuma kwa Nguluvi, yesinzenge kwa mawoko, iya mbepali kuchanya.

Avafilipi 3:20

Neke hwehwe twivanyang'i va kuchanya, na tusindila we tukalalye umupoki ase ukuhuma kuchanya, Umutwa Yesu Kilisito.

Avaebulaniya 11:16

Neke ali lino visaka ing'i inofu ukulutila, kwekutigila ing'i ya kuchanya. Nambi Nguluvi siakwipulika wungi pevakumutambula ulwa umwene ye Nguluvi vawo, pakuva yumwene yeavagelanikise iboma.

Avaebulaniya 12:22

Neke nyenye mufikite ku kidunda cha ku Sayuni, ku Boma ya Nguluvi Umumi. Mufikite mu Yelusalemu, iya kuchanya, kwe vakong'ine vanyivaha mbilima mbilima vesivahwaniti ukuvalilwa kulumwene.

Avaebulaniya 12:28

Sweno, hwehwe tumulumbage pakuva tukwanukila Uwutwa uwuta dengadenga. Tuvelage ni kilumbo nu kumusunyalila Nguluvi mu ng'asi yeyimunogela, muwilevesi ni choga;

Avaebulaniya 13:14

Pakuva umu mung'i twivagaya iboma iyinanaga mbepali; neke lino petuguluma yila iboma iyikusa.

Avaebulaniya 3:4

Yeyeyivesaga kaye yisengwagwa na umunu uyungi de—nave Nguluvi ye musenzi va ifinu mbefili.

Uwugubulilwe wa Yohane 21:2

Swe nguyiwona iboma inzelu, i Yelusalemu imya, yikwika uluhuma kwa Nguluvi kuchanya ye mbuyape wunofu wita umwigani ihambite wunofu ye sambi vakwitang'ana nu vakwe.