Avaebulaniya 10:39 - Lufingano Lupya

³⁹ Sweno, hwehwe situlimwavawo vala vevipiluka ku mbele nu kuyaga, pesi hwehwe twifuuwa na ukwikwamila inumbula setu.

Avaebulaniya 10:39 ပူးပေါင်းရင်းမြစ်များ

Maliko 16:16

Yula yeyeavesaga ifuuwa na ukubatisiwa saapokwa, neke yesiifuuwa saahigwa.

Luka 11:26

Pepene pelyalibita likategulise amasoka gangi gimufung'ati amanangifu ukulutila ilyene, neke gingile nu kwikala umo. Nu munu yula uwunu wakwe wakwanangika ukulutila wa mutalo.”

Yohane 17:12

Pendepamwi nawo, nene ndavakwamilige mu ludali lwa ilitawa lyako lyewamelye, neke ndivagose na sipwali nambi yumwi yeayasile pesi yula hela umwana va uwuyasi sambi uwandike wukwile.

Yohane 20:31

Neke ifi fyandikwe sambi mufuuwe ulwa Yesu ye Kilisito Umwana va Nguluvi na kwa ukumufuuwa muve na wumi mwitawa lyakwe.

Yohane 5:24

“Nachene nguvalongela umwene umunya kupulika ulukani lwangu na ukumufuuwa umunyakundeta ina uwumi wa mbepali. Na siingila mu luhigilo nda, iva alutye uluhuma kuvafwe nu kwingila ku wumi.

Yohane 6:40

Pakuva seiwenda Dada vangu se isi kwa yeyeamulavaga Umwana nu kumufuuwa avelage na uwumi wa mbepali nane sandimusilibula pa ikimunyi cha uwusililo.”

1 Avatesaloniki 5:9

Pakuva Nguluvi satuhagwi sambi atusinde na ililakali lyakwe, pesi ukuta tupelwe uwupoki ukwimila Umutwa vetu Yesu Kilisito,

2 Avatesaloniki 2:3

Mulidikila ukusangwa nu munu yeyeavesaga yula palweluvesaga. Pakuva ikimunyi icho sisachusa pesiwulawoneka uwanangifu wula uwukomi na yula umwanangifu umuvina peawonike ye Nguluvi saamwananga pamudugo.

1 Timoti 6:9

Neke vala veviwenda ukuva vanono, vavigwila mukugelwa, na ukwibatika mulutego lwa uwudobokesi uwubi wa kipuva sesakuvakwegela kuwanangifu.

Avaebulaniya 10:26

Pakuva, wone tuve petupiga inzanangifu kono we yetulukagwe ulwa nachene, ipo ino sikoyili inambika kangi yeyihwana ukuhesa inzanangifu.

Avaebulaniya 10:38

Neke umunu vangu yemugolofu afuuwa nu kunana; neke wone apiluke ku mbele nene sindinogelwa na yuyo.”

Avaebulaniya 11:1

Lino ulufuuwo kwekuva na uluhuvi lwa ing'ani sepetwihuvila, ukwidikila ing'ani sesisilava siwoneka pamiho getu.

1 Petulo 1:5

Uwo sawuva wenyu nyenye ye ukukola ulufuuwo mwilolelwa wunofu muludali lwa Nguluvi akwimila uwupoki wula we yewukwilaniche kukugubulwa pawusililo wa imisika.

2 Petulo 3:7

Neke kuchanya na ing'i iya lino silolelwa ukukola ulukani lwa Nguluvi ukwimila ukwanangwa na umoto. Mbiike ukwimila Ikimunyi kila pe avanu vesivakumogopa Nguluvi savahigwa na ukusilila ng'ani.

1 Yohane 5:16

Wone umunu amuwone umunyalukolo vakwe apigite inzanangifu yesiyikumusindika kufwa, lumuvaje amusukile kwa Nguluvi, nave Nguluvi amupela uwumi. Ukwimila inzanangifu yesiyivaji ifwa. Poyili inzanangifu iyivaje ifwa, sinditigila ukuta luvavaje ukumusuka Nguluvi ukwimila yiyo.

1 Yohane 5:5

Mbi yenani ino, yeahwanite ukuyidwesa ing'i? Ye yula yeifuuwa ukuta Yesu ye Mwana va Nguluvi.

Uwugubulilwe wa Yohane 17:11

Iyo ing'oko yeye nzumi pamwandi neke kulino sipenzumi kangi ye mutema va munana, nave kangi yeyumwi mwavava avimufung'ati, nave akwibitilaga kukuyasiwa.

Uwugubulilwe wa Yohane 17:8

Iyo ing'oko yuyiwene yenzumi pamwandi, neke lino yifwe. Nambi ndahihyo, yilipipi hilo ukwilila ukuhuma mwikombo kuvafwe, na ukubita kuluhigilo avanu mbevali ve amatawa gawo sike galandikwa mukitabu cha uwumi uluhuma umuvango gwa ing'i, savasasavala ukuyiwona iyo ing'oko ye pala pamwandi, yekoyili, yisukuli na sa yusa kangi.