Avaebulaniya 10:22 - Lufingano Lupya

²² Nambi lino tumuhegelelage Nguluvi kwa mitima imigolofu nu lufuuwo ulukwilaniche, mu numbula inzofuge uluhuma mu mahosa amabi, na mu mivili jesimyofuge nu lulenga ululengu.

Avaebulaniya 10:22 ပူးပေါင်းရင်းမြစ်များ

Matayo 3:11

Nene nguvabatisa na ululenga sambi mupituke na ukupela. Ino yeakusa mu mbele mwa nene ina ludali ukulutila nene, nene sinywaniti nambi ukuhogosa inzisi sa indatu sakwe. Uyo avabatisa na uludali lwa umuhe umwelu na umoto.

Luka 1:1

Ve mutambule Teofilo: pakuva avanu wolofu vakandike kwa wupifu ing'ani sila sesapigike mwahwehwe.

Yohane 3:5

Yesu pamupitule, “Nachene ngukulongela umunu pesiegilwi kwa lulenga nu Muhe sahwana ukwingila kuwutwa wa Nguluvi.

Yohane 8:9

Nawo pevapulike isi, ndawe vahegige yumwi yumwi ukuvangila avagogolo, mbaka pevisila mbevali swe isigala Yesu na umung'inetu yeeimile pagatinagati iyena.

Ifipigo 22:16

Sweno, mbi wihavila kiki? Lamuke ubatisiwe udegepelwe inzanangifu sako na ukulidikila ilitawa lyakwe.’”

Ifipigo 8:21

Veve wimugaya nambi kigawo nave uwulilumwi mukipigo iki pakuva inumbula yako si ngolofu pa Nguluvi.

1 Avakolindo 6:11

Avangi mwa nyenye pamwandi mwapigige siso, neke lino mukave mwiwofuge, mukofwigwe, mukesiwe na ukwilamula na Nguluvi mwitawa lya Umutwa Yesu Kilisito na uwimila Umuhe va Nguluvi vetu.

2 Avakolindo 7:1

Sweno, Vanyawende vangu, kono we twivapele inyuviso isi mbesili, twiyeesage mwa mbesili sesihwanite ukutifusa imivili na inumbula setu, sambi tuve tweesile hilo, na twikalage we tukumogopa Nguluvi.

Avaefeso 3:12

Sweno, mukuhanga na Kilisito, na mung'asi ya ulufuuwo ululi mwa Kilisito, hwehwe tukwigelela ukumuhegelela Nguluvi kigaya muhwehwe.

Avaefeso 5:26

Apigite ulo sambi kwa ulukani lwakwe, alifunyilile kwa Nguluvi, peyealyesise kwa ukulyofuga na ululenga,

Avaefeso 6:5

Nyenye vanyawingi, muvelage na ichoga vavina venyu ava mung'i umu kwa muhwehwe nu kukuvila; mupigage ulo kwa inumbula ngolofu mwiva nda mukumupigila Kilisito.

1 Timoti 4:2

Inzigiso isindawe iso, sihele sitagaliswa na avanu avadesi kangi vasanga vanu, ve imitima jawo giva nda minyanye na ichuma ikipyo.

Tito 3:5

Atupokite si kwa ukwimila ulukani lwelweluvesaga ulwa uwunofu lwetwetupigite hwehwe, pesi ukuta atupokite ukwimila ulusungu lwakwe, ukukola Umuhe Umwelu yeatupelye imigendele mipya na ukutofuga na ululenga.

Avaebulaniya 10:1

Pakuva indagilo siva mwigigi gwa ifinu ifinofu ifikusa lwihwano ulwa ifya nachene, siluhwaniti ukukola inambika sisila isitawulwagwa mbepali mwa na mwaka sivanoose vave vakwilaniche avihelela pifunyo.

Avaebulaniya 10:19

Sweno, vanyalukolo kwa idanda ya Yesu twikangaswa imitima ukwingila Apono Apelu.

Avaebulaniya 11:28

Ukwimila ulufuuwo inatye i Pasaka ukuhangila idanda sambi umuwulasi va avana avavele alemwe ukuvapamisa.

Avaebulaniya 12:24

Mufikite kwa Yesu ye awuyipe ulufingano ulupya, na ye idanda yakwe yeyabohwike yilonga ing'ani inofu hilo ukulutila yila ya Habeli.

Avaebulaniya 4:16

Sweno, tulava na umuhwehwe ukuhegelela kwa Nguluvi, umunyawuwuya twanukile ulusungu na uwuwuya atutange petwiguluma uwutanzi.

Avaebulaniya 6:11

Lwetwidoboka hwehwe lwe ulu ukuta yeyeavesaga munu mwa nyenye avelage mupifu ndahihyo mbaka ku mudugo, sambi semukwihuvila sikwile.

Avaebulaniya 7:19

Pakuva indagilo sa Musa sisahwaniti ukukwisa ulukani lwelweluvesaga. Neke lino, apono pala pahalye uluhuvi ulunofu ululutye hilo, na uwimila lulo twihwana ukumuhegelela Nguluvi.

Avaebulaniya 9:10

Pakuva iso mbesili sikwimila mu filyo, ifinywewa na imisimu igiliwungi na wungi ja ukukalava. Mbesili iso wulagise wa kwivala hela; na uludali lwayo lwalwiduga ulusika lwe Nguluvi iwuyapa wupya ifinu mbefili.

Avaebulaniya 9:19

Musa avimbye avanu indagilo mbesili ndawe lwesenzandike swe ndawe ategulige idanda ya isenga na imene pamwi nu lulenga, nu kukola uludete lwa hisopo nu wuhamba uwudung'u, swe akukihanyila ikitabu cha indagilo na vawo avanu mbevali.

Yakobo 1:6

Neke lumuvaje peisuka avelage na ulufuuwo wesiisina na ludodo. Pakuva umunu yeisina indawe amavingo ga inyanza gegagisogoswa na ukutoswa na ikifulufumbi.

Yakobo 4:8

Mumuhegelelage Nguluvi, nave avahegelela. Mofugage inumbula senyu nye mwevabuganisi!

1 Petulo 1:2

Mwivahagule na Nguluvi Dada ukwimila lula lwealakelite, na mukawuyipwe Velu na Umuhe, muve na ichoga kwa Yesu Kilisito, na ukofugwa na idanda yakwe. Nguvasukila uwuwuya na uwikalakunoga wongelekelage kwa nyenye.

1 Petulo 3:21

ulwe kiganiso cha uwubatiso wewukuvapoka nyenye lino. Uwubatiso siwita hela wihesa ilikwi mumuvili, pesi lwe luhuviso lwa Nguluvi ulwipigikila mulwiyiwuko ulunofu. Lukuvapoka ukukola ulusilibuko lwa Yesu Kilisito,

Uwugubulilwe wa Yohane 1:5

na ukuhuma kwa Yesu Kilisito, umolelesi umuhuvilwa, uva ukutala ukusilibulwa uluhuma kuvafwe, na umwene ye mutema va avatwa va mung'i. Umwene atwenda, na kwa idanda yakwe atudindulye uluhuma mundinde isa inzanangifu setu,