Avaebulaniya 1:14 - Lufingano Lupya

¹⁴ Avanyivaha, vevaki iwo pesi je myuhe hela vevakumupigila Nguluvi, nave Nguluvi akuvatuma sambi vavatange vala avakwanukila uwupoki.

Avaebulaniya 1:14 ပူးပေါင်းရင်းမြစ်များ

Matayo 1:20

Lino peali mumahosa igo, ndawe munyivaha va Nguluvi amusilige mumaloto, itigila, “Yosefu, ve Mwana va Daudi, ulogopa ukumutegula Maliya ave munu vako, pakuva ifilo fye inafyo fya Umuhe Umwelu.

Matayo 13:41

Umwana va umunu sa alatuma vanyivaha vakwe vavakong'ase vala mbevali avali muwutwa wakwe na vala mbevali avakwambusaga inzanangifu na avanyakupiga inzanangifu.

Matayo 18:10

“Mulavage! Mulabedala avana avadodo iva, ipo nguvalongela nditigila avanyivaha vawo va kuchanya vaviva mbepali pa Dada vangu yalikuchanya. [

Matayo 2:13

Avagenzi vala pevahesile, ndawe munyivaha amusilige Yosefu mumaloto neke amutigile, “Wuke uvategule Umwana na yuyuve, mukimbilile ku Misili. Mukikale kuko mbaka pesandivalongela, pakuva Helode ahele isaka ukumuwulaga Umwana.”

Matayo 24:31

Ino saavasindika vanyivaha vakwe pamwi na amapembe agikuwa finyawuhulo neke pesavakong'asa avanu avahagule vakwe va mung'i uluhuma ulubali ulu lwa kuchanya mbaka ulubali uluyalo.

Matayo 25:34

Neke umutwa saatigila kwa vala avali kwiwoko ilya kundyo: ‘Muse nyevafunyilile na Dada; mwanukile Uwutwa uwewuvike uluhuma ukuvikwa ulutu ulwa ing'i.

Matayo 4:11

Ndawe Setani amulekige, neke baho baho vaase vanyivaha nu kumupigila Yesu.

Maliko 10:17

Na Yesu peavangige ulugendo umunu uyumwi aasile kikimbila neke amufugamile amuwuse, “Ve mwigisi vemunofu, ngite ndawuli sambi nzingile kuwumi wa mbepali?”

Luka 1:19

Na yula munyivaha va Nguluvi amupitule, “Nene ndi Gabulyeli yengwimaga pa Nguluvi, anumite nzuse ngulongele veve ing'ani isi inofu.

Luka 1:23

Neke ulutono lwakwe lwave lwisila ukupiga mu Tembeli, Sakaliya apitwike ibita kukaye yakwe.

Luka 16:22

“Neke umumikaa yula afwe, ndawe vamutegulige vanyivaha va Nguluvi mbaka pa Abulahamu. Nave umunono swe ifwa nu kutagwa.

Luka 2:13

Swe ulusika lulo ililugu ilikomi lya vanyivaha va Nguluvi avakuchanya lyahanzile pamwi na munyivaha va Nguluvi yula vakumulumba Nguluvi vitigila:

Luka 2:9

Ndawe munyivaha va Umutwa avelelukilige, neke indolo isa Umutwa sivang'alikile imbali mbesili. Neke vave na muhwehwe mukomi.

Ifipigo 11:22

Ing'ani sa ulukani ulo sapulise kulikanisa lya ku Yelusalemu. Swe ndawe vamutumige Balanaba abite ku Andyokiya.

Ifipigo 12:23

Lulusika lulo munyivaha va Nguluvi amutofile Helode pakuva samupeli Nguluvi indolo iso. Swe iliiwa na amang'onyo ifwa.

Ifipigo 12:7

Sukumwi, munyivaha va Umutwa imite pipi na Petulo swe ulung'ali lwing'alika ilidama mbelili ilya indinde. Swe munyivaha amupamise mulubafu akumutigila, “Wawangufye uhege!” ulusika lulo iminyololo jagwe pasi ukuhuma mumawoko gakwe ge gali mapinge.

Ifipigo 13:2

Nape vamusunyalilige Umutwa na viyimige ukulya, Umuhe Umwelu atigee, “Mumbikile palubali Balanaba na Sawulo sambi vapige ikipigo chendivahagulye.”

Ifipigo 16:26

Sukumwi, kwave na ikitulo kikomi na ulutu lwa indinde luhogalike. Ndawe imilyango mbegili ja indinde jadindukige na iminyololo jevevavapinje najo jadumwike.

Ifipigo 27:23

Pakuva igolo pakilo munyivaha va Nguluvi yula ye nene ndi munu vakwe na yeyuyo ye nene nda kumusunyalila akanzusye,

Ifipigo 5:19

Neke pakilo umunyivaha va Umutwa adindwe imilyango ja indinde, na ukuvahumya kwivala, avatigile,

Avalumi 11:14

sambi nzambuse avanyang'i vayangu vavawonele nyenye imbafya na palulo sambi ndivapoke avamwi vawo.

Avalumi 13:6

Na mwa lulo nyenye mwamwihomba imbemenenge, pakuva avatema iwo vakumupigila Nguluvi wone vikwisa ifipigo fyawo.

Avalumi 15:16

wukuva mukami va Yesu Kilisito kuvanu avamyanza. Icho che kipigo changu cha uwutambisi, ukudalika Ulukani Ulunofu lwa Nguluvi sambi avanu avamyanza vave nambika iyikwidikilwa na Nguluvi, inambika iyesiwe na Umuhe Umwelu.

Avalumi 15:27

Vavene vevalamwee ukupiga lulo, neke ulwene nachene icho che kipigo chawo kwa avayawo. Pakuva avanu avamyanza vakahanzile mu wufunyilile wa munumbula wa Avayudaya, luvavaje nawo lino ukuvapigila Avayudaya mwa fyevagulwime ifya mung'i.

Avalumi 8:17

Sweno, pakuva hwehwe twivana va Nguluvi, satwanukila uwufunyilile mbewuli wa Nguluvi weavaviche avanu vakwe, na satuhanga ililila ilyo, pamwinga na Kilisito pakuva wone tuhange ineseko sakwe Kilisito, satuhanga kangi mundolo sakwe.

1 Avakolindo 1:21

Pakuva, kwa uluhala lwa Nguluvi avanu sivahwaniti ukumukagula umwene ukwimila uluhala lwawo. Neke kangi ulungi na ulo, Nguluvi awendite ukuvapoka vala avifuuwa kwa ukwimila lula lwe avanyaluhala vitigila wupuva, kwa lula ulukani lwetwidalika.

2 Avakolindo 9:12

Pakuva ikipigo iki chelu chemwipiga si witigila wanda kitanga hela fyevagulwime avanu va Nguluvi, pesi ukuta kangi kikwega avanu wolofu vamulumbe Nguluvi.

Avagalatiya 3:29

Wone nyenye mwivanu va Kilisito, sweno nyenye mwi mbegalo ya Abulahamu, na samwanukila sila sealahuvise Nguluvi.

Avagalatiya 3:7

Sweno, mulukagulage ukuta avanu avakumufuuwa iwo vevene avana va nachene va Abulahamu.

Avagalatiya 3:9

Sweno, vala vanyalufuuwo vifunyililwa pamwinga na Abulahamu yeafuuvitwe.

Avaefeso 3:6

Ikinyele ichene che iki, ukukola Ulukani Ulunofu avanu va ing'i isingi vakwanukila iligawo lyawo pamwinga na Avayudaya mu wufunyilile wula wa Nguluvi; nawo viva figawamuvili fya umuvili gugula, na vihanga mu luhuviso lwe Nguluvi aluwuyipe ukukola mwa Kilisito Yesu.

Avafilipi 2:17

Nambi nawulwe ukwimila avangi pamwinga ulufuuwo lwenyu ululi nambika kwa Nguluvi, Sweno, ndihekelela hilo na ukuvahanza nayi nyenye mbemuli muluhekelelo lulo.

Avafilipi 2:25

Mbwene lunofu ndimutume ukwenyu umunyalukolo vetu Epafolodito, ye muyangu mukipigo na mwigalu kangi ye e mutume venyu ananzile nene mwa fyendegulwime.

2 Avatesaloniki 1:7

na ukuvapela iikiba nyenye ye mwiteseka na hwehwe nahwe. Apiga ulo ulusika lwa ukusila Umutwa ukuhuma kuchanya pamwi na vanyivaha vakwe avavina

Tito 3:7

Sambi kwa uwuwuya wakwe twidikilwe ukuva vagolofu na ukwanukila uwumi wa mbepali wetwihuvye.

Avaebulaniya 10:11

Yeyeavesaga mutambisi va i Kiyudaya aipiga mu wusunyalile mbepali nu kutawula inambika sisilaga kolofu, inambika sesisihwaniti ukuhesa inzanangifu.

Avaebulaniya 2:3

Ino, hwehwe tupokwa ndawuli pesitwituga uwupoki uwukomi we windawe uwu? Kwa ukutala Umutwa yumwene awulaalike uwupoki uwu, na vala vevawupulike vatolelelye ulwa wa nachene.

Avaebulaniya 5:9

Na peyeawuyipwe akwilaniche, swe iva kilamuko cha uwupoki uwutasila, kwa vala mbevali avakumupulika,

Avaebulaniya 6:12

Lino Mulava vagata pesi ulwa muvelage ndawe vala vevifuuwa na ukukangalila, na palulo vakwanukila sila inyuvise na Nguluvi.

Avaebulaniya 6:17

Nave Nguluvi akangise uluhuviso lwakwe kwa ulwilapo; na palulo avalaje vala veavilapye ulwa sapitula nangi lweavilapye.

Avaebulaniya 8:6

Neke lino Yesu apelitwe ikipigo cha uwutambisi ikinofu ukulutila cha avene, ndawe ulufingano lwealukangise mu vanu na Nguluvi lunofu ukulutila, pakuva ulutu lwakwe lwimye mu nyuviso sa ing'ani inofu isilutye.

Avaebulaniya 9:28

lwindahihyo nave Kilisito itawe nambika sukumwi hela sambi asihese inzanangifu sa awolofu. Pesaiwoneka ulwa kavili, siwita kangi akusa kukwihoma na inzanangifu, pesi ukuta kukuvapoka vala avakumusindila umwene.

Yakobo 2:5

Vanyalukolo vangu avende, mupulikisage! Mbi Nguluvi si avahagwe avanu vala avamikaa mung'i umu sambi vave vanono mu lufuuwo na ukwanukila Uwutwa wealavahuvise vala avamwenda?

1 Petulo 1:12

Nguluvi avagubulye ukuta ulusika pevalongige siso ing'ani se nyenye umo yemupulike ukuhuma kwa vala avatume vevavalaaliche Ulukani Ulunofu ukukola uludali lwa Umuhe Umwelu yeatumitwe uluhuma kuchanya, ikipigo chawo siche kwa ukwambula kwawo avene, pesi ukwimila nyenye. Iso se ng'ani se na vanyivaha vake vawenda ukusikagula.

1 Petulo 1:4

Na palulo twakusa upelwa uwufunyilile, wula we Nguluvi avaviche avanu vakwe. Nguluvi yeavaviche uwufunyilile wuwo kuchanya kula kwe siwuhwana ukuwola, nambi kwanangika, nave kukepa.

1 Petulo 3:7

Lwindahihyo nayi nyenye mwevagosi, muminanile na avavenyu luvavaje ukulukagula ukuta avene vadedemu palulo muvapigilage muchoga; pakuva nawo kangi savanukila ikipelwa cha uwumi cheakuvapela Nguluvi. Ipo pepene pe ulwifunyo lwenyu silubihilwa nda.

Yuda 1:14

Mwa isi nambi Enoki yeali mu mbegalo ya mufung'ati uluhuma kwa Adamu avilite itigila, “Lavage Umutwa aasile na avanyivaha vakwe avelu vesivahwaniti vavalilwe,

Uwugubulilwe wa Yohane 5:6

Pala pagatinagati pa kigoda cha uwutwa fila ifigawa ifinyawumi ifitayi, na vala avavaha ndayiwene mwana ng'olo yimite wita ndumule. Eina membe simufung'ati na amiho gimufung'ati ijo je myuhe igimufung'ati ja Nguluvi jeje misindike kukwekuvesaga mung'i,