2 Petulo 2:2 - Lufingano Lupya

² Kangi avanu wolofu viiga imigendele gijo imyaafu, vakuvambusa vavene, avangi savabedala ing'asi iya uwanachene.

2 Petulo 2:2 ပူးပေါင်းရင်းမြစ်များ

Matayo 22:16

Ndawe vavatumige avanyigendo vawo pamwi na Avahelode vakamuwuse, “Mwigisi tukulukagula ulwa veve ye veve wemulonga hilo yewakwigisa mumwene ing'ani isa Nguluvi, kangi siwakogopa munu nambi uwuvina wakwe.

Matayo 24:24

Pakuva savaasa avakilisito va uwudesi, nawo savalagila ifilagilo ifikomi na uwuhulo, sambi vavayase na vahagule.

Matayo 7:14

Neke umulyango umufinyu na ying'asi ifinyu iyo yisogwe kuwumi; avakuyiwona vakefu.”

Maliko 12:14

Neke vamubitile vamutigile, “Mwigisi, tukulukagula ukutigila veve wi munu wimulongela mumwene, na siwakwogopa uwuvina wa munu. Pakuva siwawilava uwusu wa umunu wakwigisa mumwene ulukani lwa Nguluvi. Lino witigila ndawuli lunoje tuhombe imbemenenge kwa Kaisali apangi nda?” Tutawulage, tulatawula?

Maliko 13:22

Pakuva savawoneka wolofu vesavitigila vavene ve Kilisito va wudesi na avavisi va uwudesi nawo savapiga ifilagilo na uwuhulo, sambi vavayase wone luhwane na vavahagule.

Yohane 14:6

Yesu amupitwe, “Nene ye ng'asi, inachene na uwumi, sikwali umunu yeabita kwa Dada pesiakweti kwa nene.”

Ifipigo 13:10

swe akumutigila, “Ve mudesi hilo veve! Wi mwana va setani! Veve wi mutavangu va ikinu chechekivesaga ikinofu; siwilekagi ukwananga ing'asi isa Umutwa ingolofu.

Ifipigo 14:2

Neke Avayudaya avangi avevabihye ukufuuwa swe visagasa liyowo muvanu avangi avamyanza sambi vavavipile iwo vanyalukolo na ukuvabesa.

Ifipigo 16:17

Sweno, umuhinza uyo amuninilige Pawulo na hwehwe, kono we iyoya na ukutigila, “Avanu iva vavanda va Nguluvi umuvina. Vakuvadalikila ing'asi iya uwupoki.”

Ifipigo 18:26

Pilisika na Akila vavelige vakumupulika idalika kwa uwupifu mula mugati ya i sinagogi, ndawe vamukemelige ukwawo swe vakumwigisa wunofu hilo ulwa ing'asi ya Nguluvi.

Ifipigo 19:9

Neke avangi vave na lubesa, vabihye pakufuuwa, swe vivanga ukulonga fibi ulwa iyo ing'asi ya Uwutwa. Ipo Pawulo ndawe avalekige uwutipulika, swe akuvategula palubali avevafuuvitwe, atinasige nawo mbepali mukaye ya ukwimbila ya Tilano.

Ifipigo 22:4

Ndavatesige na ukuvawulaga vala avanu avinatilige ing'asi iyi. Ndavibatige avagosi na avang'inetu na ukuvasopa mundinde.

Ifipigo 24:14

Nene chengwidikila paveve che iki: Nene ndakumusunyalila Nguluvi va avakukwetu na ukwikala kwa ukwinatila Ing'asi yila ye avene vakuyitigila ya vala va uwulilumwi wa avadesi. Na nene ndifuuwa ing'ani mbesili inzandike mufitabu fya Indagilo na avavisi.

Avalumi 2:24

Ndawe Uwandike Uwelu wewitigila, “Avanu avamyanza valilisile ilitawa lya Nguluvi ikivalwa nyenye nye Vayudaya!”

1 Timoti 5:14

Sweno ngembwenda avafwile avadodo vagomwage, vegale avana na ukulolela ikaye sawo sambi avatavangu vetu valemwe ukupelwa ikilega cha ukutung'ula mu wananzi hwehwe.

Tito 2:5

vavelage vatuunafu, na avesiwe, valolelage wunofu isa mukaye sawo, vadeke na vanyachoga kwa avavawo, sambi ulukani lwa Nguluvi lulemwe ukubedalwa.

Tito 2:8

Ing'ani sako silava na uwubangabanga wewuvesaga; sambi avatavangu vako vapuve pesi valuweni ulukani ulubi lwevalonga ukwimila hwehwe.

1 Petulo 2:12

Imigendele jenyu pa vamyanza givaje ukuva minofu hilo, sambi luve nambi pevavavakuvafila ukuta mwipiga imbi vahwane ukwimila ifipigo fyenyu ifinofu na palulo vamupele indolo Nguluvi ikimunyi pesaakusa.

2 Petulo 2:12

Avanu iwo veviligaga chechekivesaga kila chesivakiseli, vindawe ifikoko ifigaya uluhala, fyefyakwegalwa na pambele vakufibata vidumula! Savasindwa ukwimila uwanangifu wawo vavene,

2 Petulo 2:15

Vakayilesile ing'ani ingolofu, vakayasile na ukwiga ing'asi yeafwatite Balamu, umwana va Beoli, ye awendite apelwe ukwambula ikola uwudesi,

2 Petulo 2:18

Vilongaga ing'ani isalwitupyo na isa uwupuva, na ukukola uwudobokesi wawo uwaafu uwa imivili ukuvagwilisa vala vevakilegite ifilo fya pipi uluhuma kuvanu avakwikala muwanangifu.

2 Petulo 2:21

Luke luva iikiba kwa avene wone vevalemwe ukuyikagula ing'asi iya uwugolofu sindawe ukuyikagula na kangi ukuyileka na ukuluyasa ululagi ulwelu lwevanuchee.

2 Petulo 2:7

Amupokite Luti, umunu munofu, ye avifisiwe pakomi na imigendele imyaafu ija avanu avayasi.

Yuda 1:10

Neke avanu iva viligaga chechekivesaga chesivakikagwi na ifinu fila fyevakufikagula wesivakwiwusa viva nda lwefipigaga ifikanu ing'ani iso sikuvawulaga vavene!

Yuda 1:15

avahige avanu mbevali ukuling'ana na ifipigo fyevapigite ifya uwanangifu ifisutine mung'asi ya Nguluvi na imbi sevalonzile isisutine na umwene.”

Yuda 1:4

Pakuva avangi vakinje kinyele avanu vala ve uluhuma pidaha vavikile uluhigilo ulu, avanu avagaya Nguluvi vevidulika uwuwuya wa Nguluvi vetu sambi vapige isa uwanangifu na ukumubihila Umutwa vetu, yeiyena Yesu Kilisito.

Yuda 1:7

ndawe lwave ku Sodoma na ku Gomola, na mu boma isemwipi kwe avanyang'i vakwe vapigite isa uwanangifu, visopite mu sa uwugoni viva kiganiso cha ulupumo ulwa umoto gwa mbepali na mbepali.

Uwugubulilwe wa Yohane 12:9

Sweno, liyoka lilyo ilikomi lyatosiwe kwivala. Liyoka ilyo ye yula liyoka lya pidaha yuyo yeitambulwagwa kangi, Ibilisi apangi Setani. Ye akuyisanga ing'i mbeyili. Nachene, atoosiwe mung'i, na ililugu lyakwe mbelili pamwinga nave.

Uwugubulilwe wa Yohane 13:14

Yavayasise avanyang'i va mung'i ukukola imiitu gijo jeyapelitwe ukupiga pa ing'oko yila iya ukutala. Ing'oko yavalonje ava mung'i vawuyapage ikiganiso ukwimila ululumbo lwa yila ing'oko yeyeyitesike yina livamba lya ilimage neke yananite kangi.

Uwugubulilwe wa Yohane 13:8

Mbevali avakwikalaga mung'i savamusunyalila pesi vavala hela ve amatawa gawo gandikwe uluhuma pamuvango gwa ukugawa ing'i mukitabu cha uwumi cha umwanang'olo umudumule.