1 Petulo 5:8 - Lufingano Lupya

⁸ Mwikomalilage, muvelage miho! Pakuva umutavangu venyu, umwanangifu inyitila wita inyalupala iyikwidusa yifwima yungi yimwanange.

1 Petulo 5:8 ပူးပေါင်းရင်းမြစ်များ

Matayo 13:39

Neke umutavangu yeavyalite ililulu ilyo ye setani; ukubeta pepawusilo wa ing'i, avanyakubeta ve vanyivaha.

Matayo 24:42

Mwikomalilage, pakuva simukukikagula ikimunyi che Umutwa venyu cheakusila.

Matayo 25:41

“Ipo pe saavatigila vala avali kwiwoko ilya kung'igi: ‘Muhege kwa nene nyevakotofu! Mubite kumoto umuvikile setani na vanyivaha vakwe.

Matayo 4:1

Ndawe Umuhe Umwelu amusindikige Yesu ku balali sambi agelwe na Setani.

Matayo 4:11

Ndawe Setani amulekige, neke baho baho vaase vanyivaha nu kumupigila Yesu.

Maliko 4:15

Neke iva vevala avali mung'asi, mula mwe ulukani luvyale; na pevapulike ulusika lulo Setani akusa neke ategule ulukani uluvyale muvene.

Luka 21:34

“Apo mwikomalilage, inumbula senyu silingila muwuhatufu, mu wugaasi na ukuguda muminanile igi sakilonga kivafikanise ikimunyi kila nda libada.

Luka 21:36

Apo nyenye muvelage miho mbepali we mukwifunya sambi mupelwe uludali lwa ukulutila wunofu mwa mbesili isi pesiwoneka, na ukwima pa Umwana va Umunu.”

Luka 22:31

“Simoni, Simoni! Lavage! Setani akuvasaka nyenye, sambi avapete nda ngano.

Yohane 8:44

Nyenye mwivana va Udadenyu Setani, na uwudobokesi wa udadenyu, Wemuwenda ukupiga. Umwene muwulasi, kangi sakwimagi mu nachene pakuva inachene isumuli mulumwene. Na pealongaga uwudesi; akwilongela isakwe yumwene, ulo lweiwali pakuva mudesi, kangi Dade va uwudesi.

2 Avakolindo 2:11

Sambi tulemwe ukumupela Setani ikilega atusange; pakuva tufikagwe ifipeto fyakwe wefiwali.

Avaefeso 4:27

Mulagela mumupele Setani ikilega.

Avaefeso 6:11

Mutegulage ingwembe ye akuvapela Nguluvi sambi muhwane ukudwesa ifigaho ifibi fya Ibilisi.

1 Timoti 2:15

Nambi ndahihyo umung'inetu saapokwa ukwimila ukwegala avana, wone anane mulufuuwo, muwende na muwelu na muwilevesi.

1 Timoti 2:9

Kangi ndiwenda avang'inetu vafwala imyenda ija wusikimafu valativa ifwili nambi ukwihamba na ifiwuyapile isahabu nambi ukwifwika imyenda ija lutogo,

1 Timoti 3:11

Na avavawo nawo, luvavaje vavelage na imigendele minofu, vesivaheesi va avanu, vavelage vasikimafu; vavelage vevihuvilwa mwa mbesili.

1 Timoti 3:2

Sweno umwimilisi va likanisa lumuvaje avelage yula yesilongwa fibi; lumuvaje avelage ategwe mung'inetu yumwi hela avelage musikimafu yeakwikomalila, mumilongele, munyalulumbo; na lumuvaje avelage mwanukila vagenzi na yeahwanite ukwigisa;

2 Timoti 4:17

Neke Umutwa eimile pamwi na nene neke peamele uludali, sambi kwa ifipigo fyangu ulukani ludalikwe kwa wukwilanifu, sambi avanu mbevali valupulike, kangi ndapokitwe wita mumulomo gwa inyalupala.

Tito 1:8

Lumuvaje avelage mudeke na yeiwenda ing'ani ingolofu. Lumuvaje avelage mulele, mugolofu, munyanumbula nzelu, na munyachoga.

Tito 2:12

Uwuwuya uwo wukutwigisa ukuta tuwulekage uwanangifu mbewuli na uwudobokesi wa isa mung'i, tuvelage na uwusikimafu, tuvelage na imigendele imigolofu na ija uwelu umu mung'i iyalino,

Tito 2:2

Uvalongelage avavaha ukuta luvavaje vavelage vasikimafu, vavelage vatuunafu na valele; avakwilaniche mulufuuwo lwawo, uwende na uwukangalisi.

Tito 2:4

Sambi vavasovelese vamwayuva avadodo vave vanyawende kwa avagosi vawo na avanawo,

Tito 2:6

Lwindahihyo, uvasukanisage na avilambo nawo vavelage vasikimafu.

Yakobo 4:7

Sweno, mwivikage pa wulolesi wa Nguluvi; mumukanilage Setani nave avakimbila nyenye.

1 Petulo 1:13

Lino, mwimage munoge, mwikale miho, muluvikage uluhuvi lwenyu mbeluli mu wuwuya wula wesamupelwa ulusika lwa Yesu Kilisito pesaava awonike!

1 Petulo 4:7

Umudugo wa mbefili yewuhegelye. Sweno luvavaje muvelage na imigosekese na ichoga, sambi muhwane ukwifunya.

Uwugubulilwe wa Yohane 12:10

Ndawe ndapulikige liswi likomi kuchanya litigila, “Lino uwukombolwa uwihuma kwa Nguluvi yewufikite! Uludali na Uwutwa wa Nguluvi vetu yewuwonike pawelu. Nayi Kilisito aluvisile pawelu ululagi lwakwe! Pakuva yula umusongela va avanyalukolo vetu, yeakwimaga pa Nguluvi akuvasongela pakilo na pakimunyi, lino atoosiwe kwivala.

Uwugubulilwe wa Yohane 12:12

Palulo, muhekelelage nyenye mwe kuchanya na mbefili ifikwikala kuko. Neke, mwinalyo nyenye mwe ing'i na ibahali, pakuva Ibilisi avasye we ina lilakali na uwuvifu wukomi, pakuva akulukagula ukuta ifilo fyakwe ifisige ye fikefu.”

Uwugubulilwe wa Yohane 12:9

Sweno, liyoka lilyo ilikomi lyatosiwe kwivala. Liyoka ilyo ye yula liyoka lya pidaha yuyo yeitambulwagwa kangi, Ibilisi apangi Setani. Ye akuyisanga ing'i mbeyili. Nachene, atoosiwe mung'i, na ililugu lyakwe mbelili pamwinga nave.

Uwugubulilwe wa Yohane 20:10

Nave setani ye avayasige, atoosiwe mulitemela lyakumoto gwa kibiliti, mwe molili ilikoko na yula umuvisi uva uwudesi nawo savateswa pakilo na pamunyi, mbepali na mbepali.

Uwugubulilwe wa Yohane 20:2

Swe akulibata iliyoka lila-Iiyoka lya pidaha kwekutigila Ibilisi, apangi Setani-swe akulipinga myaka mbilima yimwi.