Yudas 1:6 - Buk Niu In Hida Balu nol Dehet deng Apan-kloma ki in Dadi ka

⁶ Kleta didang, deng Ama Lamtua ima-ii in ne sorga nguas. Ama Lamtua Allah bel oen kuasa, mo muik un in pesa kon. Mo teng deng one la, koma ka pes se na sii lo, hidim oen lail kabaul oen hak ka. Tiata Ama Lamtua but oen nini ranteng man loat nalan lo ka. Hidim tahang oen se maan mitang, le natang Lelon man Ama Lamtua in nutus totoang atuli li dasi las sa.

Yudas 1:6 ပူးပေါင်းရင်းမြစ်များ

Matius 10:15

Mam eta Ama Lamtua Allah nahu hukung bel atuil in se apan-kloma ki ngias sam, taon elola ko, Un nahu hukung ngele bel atuil Sodom nol Gomora las, man hmunan nu in daat isi ka. Mo nangan ne! Ta mam Un nahu hukung ngele dui pait, bel atuil man in dai sium mi lo ngas!”

Matius 25:41

Hidim Auk tek atuli-atuil in se Auk halin kliu ka ngas noan, ‘Hoe atuil daat me! Ama Lamtua Allah bahang mi son. Lakom nodat deng nia! Mam Auk tadu atuli le laok pasang tamang mi se ai naraka man in kaloe hidi nutus taan lo kua. Ta Ama Lamtua Allah mana pesang maan in susa-daat na son, bel uikjale kas nol oen laih tuan na.

Matius 8:29

oen ahan noan, “Hoe! Ama Lamtua Allah Ana! Tasao le Ku maa poe-pet kami lia? Oras in hukung kami ka maa lius lo bii, mo Ku le maa tao bosor kaim son nia ke!”

Yuhanis 8:44

Mi niam hnika mes el uikjale kas tuang nga. Lole mi kom isi le tao muid un in koma ka! Deng hmunan hesa ku, un taan in keo atuli sii. Un labang dasi-dais in toma ngas, nol hutun soleng totoang in toma ngas. Eta un nole-lilung ngam, na meman un in nuil-nola. Ta un nam nole-lilung daat ta, peke ka na!

Roma 2:5

Mo mi niam bom batu, nol dai hii-ming lo! Nol mi dai nang soleng mi in kula ngas bubuit lo kon! Undeng mi in tao ela ka, le mi hukung nga ngele dui pait. Ta mam eta apan-kloma ki kiamat son nam, Ama Lamtua le sukat totoang atuli li in nuli ka. Nol mam totoang atuli li tana noan, Ama Lamtua nutus atuli li dasi las nol in toma. Oras na, Un bel mi hukung ngele, undeng Un sium mi in tao-tao ngas lo.

Efesus 6:12

Ta kit ne in hote-dati dalen! Kit hote-dait labang atuli li lo, mo kit hote-dait labang kuasa daat, man kit in ngat net lo ngas, labang kuasa-kuaas mitang man in kil prenta ne apan-kloma kia ngas, nol labang uikjale in ne apan-dapa kua ngas.

Ibrani 10:27

Kit suma natang nol in lii-tidu, undeng Ama Lamtua Allah maa hukung kita. Ta ai naraka man in kaloe muun na, mana hidi son le tao dudus totoang atuil in labang Una ngas.

Petrus dua la 2:4

Banansila el hmunan nua, Ama Lamtua ima-ii teng deng sorga tao kula, ta Ama Lamtua nam Atuil in Nutus Dasi, koon-mali nol one. Hidim Un soleng oen lakos se Naraka lua, nol hep oen se Bolo Mitang dalen. Le oen natang se maan na, didiin oras oen in maa situ-tal se Una ka.

Petrus dua la 2:9

Dehet nas totoang tulu bel noan, Ama Lamtua Allah taan lalan in bel slamat atuil man hii-ming se Una, nol tahang nal se in sukat-soba dalen nas. Un kon niung hukung ngele, bel atuil man in nuli ka tom lo ngas. Un tao napiut ela, didiin oras Un in nutus totoang atuli li dasi las sa.

Yudas 1:13

Oen in dake ngas suma tao nahmaeng kit tukun. Ta oen banansila el len tene man nang soleng bulat hmomos sa lo-lool tasi suut ta ka. Oen kon banansila el duun man lail lako-pait se apan nua ngas, man tom in hukung le Ama Lamtua soleng oen lakos se maan in mitang-mames mesa, halin oen se las didiin son na.

Apan-kloma Hnika Balu 20:10

Kon Ama Lamtua atulin nas daek nal uikjale kas laih tuan man nole-lilung nal atuli hut mamo son na. Hidim oen pasang tamang lako tasi ai blirang man kaloe tutungus sa dalen. Mam un tom in hepa se la, leo-leo nol hmukit in tao tele dadahut ta, nol un mee-baah in nole-lilung daat ta. Se na, oen haup susa-daat tutungus duman-lelo, hidi nutus taan lo.

Apan-kloma Hnika Balu 20:2

Hidim un lako daek ul naga la, na uikjale kas laih tuan na, man oen noken noan “Iblis”. Un man nole-lilung atuli li deng lolo hmunan nua. Kon nam ima-ii na but ul naga la nini ranteng, le hidim hutun tamang lako bolo susa-daat ta. Hidi nam un segel tele bolo ka hnitan na, le tahang ula la se na, didiin taun lihu mesa. Nini ela lam, ul na nole-lilung nal bangsa-bangsa in se apan-kloma ki ngias lo, se taun lihu mes dalen. Hidi na, halas-sam sao una, mo suma nanapat tuun.