Yudas 1:1 - Buk Niu In Hida Balu nol Dehet deng Apan-kloma ki in Dadi ka1 Boa-blingin deng au, Yudas. Auk niam, Lamtua Yesus Kristus atulin in loka-loka. Auk kon niam Yakobus palin. Auk dul surat ni bel totoang atuil man Ama Lamtua Allah in huil nal son nas. Un namnau one, nol Yesus Kristus kon doha-tinang oen tutungus didiin Un niu pait maa. အခန်းကိုကြည့်ပါ။ |
Yudas 1:1
40 ပူးပေါင်းရင်းမြစ်များ
Mi huil Auk lo. Molam Auk man huil mia, nol nikit mi le lako-daek os nia. Tiata mi musti lako-daek dais banan man in tahang nal nesang ngas mamamo. Ta na banansila el anggor ina mesa, man puting isin banan tutungus sa. Eta mi tao ela lam, mi nodan asa tuun se Auk Amang ngua lam, mam Un tao bel mias.
Maas lius se kota la kon, oen taam lakos se uma mesa, man oen pake le daad tahang se las. Hidim, oen saek lakos mana mesa, se um na hnoden dapa ka. Aan in nutus sas ngalan nas elia: Petrus, Yuhanis, Yakobus, Anderias, Filipus, Tomas, Bartolomeos, Matius, Yakobus (Alfius ana ka), Simun (deng partei Selot), nol Yudas (Yakobus ana ka)
Kit le bakisan apa son niang. Tiata auk sao mi totoang lakom se Ama Lamtua ima, le halin Un man papa-paiduil mia. Nol mi musti kil dididi totoang man auk in tek mi son lolo hmunan nua, deng Ama Lamtua dalen banan na ka. Ama Lamtua muik kuasa le bel mi in kuat-tes. Un kon hid son le bel hangun se Un atulin nas. Tiata eta mi muid napiut se Una nol dalen in niu kam, taon elola ko mi kon haup hangun.
Auk dul surat ni bel mia, man daid Ama Lamtua Allah atulin in parsai se kota Korintus. Un huil nal mi son, le daid Un atulin in niu, undeng mi parsai se Yesus Kristus son. Un kon tao mi le daid niu banansila el totoang atuil in parsai tenga las. Ta oen kon nodan tulung son, se kit Lamtuan Yesus Kristus, man Ama Lamtua Allah hid meman son, lolo hmunan nua, le belen maa ka. Hidim Un daid Lamtua, taung kit nol one.
Molota, hmunan nu teng deng mia la kon daek ela! Mo Ama Lamtua Allah kose soleng mi in kula-sala ngas son, le tao mi daid niu. Nol Un kon sai lalan son, le mi haup in babanan pait nol Una. Un tao nias totoang ela, undeng mi butu-kil nol kit Lamtuan Yesus Kristus, nol undeng mi kon butu-kil nol Ama Lamtua Koo la.
Auk kohe-kanas le nodan Ama Lamtua Allah halin tao niu mi dalen nas, nol mi in nuli ka totoang. Undeng Un in tao ka, tiata kit nuil daem nol apa. Nini ela lam, eta kit Lamtuan Yesus Kristus pait maa son nam, mi dil nal se Un sila-mata ka nol aap-inan, dalen, nol aap-hmangin man muik in kula-salan lo. Baktebes! Ta Lamtua Yesus man in haman mia, le daid Un atulin na nam, kil didi nol Un in aa ngas. Asa man Un aa son nam, Un taon le dadi. Hidim mam Un nol mi niu-hilin lakom se Ama Lamtua Allah sila-mata.
Undeng Ama Lamtua man bel boa-blingin kit deng kit in kula-sala ngas. Nol Un huil nal kit son, le daid Un atulin man niu'. Un tulu Un dalen banan na bel kita, undeng Un namnau kita. Molota kit tao sa-saa mes lo kon, man tatai le kit sium Un in banan na. Ama Lamtua koet apan-kloma ki lo bii kam, Un nutus son le bel Yesus Kristus maa, le tulu Un dalen banan na, nol bel boa-blingin kita. Hidim Yesus Kristus maa son, le tek puting bel kit Un in nangan nas, nol Un kon tao dudus hmate ka in kuasa ka son! Ni man daid Dehet Dais Banan! Tiata, asii parsai se Yesus Kristus sam, un mate napiut lo ka. Molam nuli napiut nol Ama Lamtua Allah.
Elia pali-kaka me! Ama Lamtua Allah huil nal mi son, nol noken mi noan atuil man in dalen niu, man mam haup in nuli leo-leo nol Ama Lamtua Allah se sorgam. Tiata deng dais nias totoang, mi musti nangan bana-banan deng Lamtua Yesus in daek taung kit son nias. Ta kit hao son noan, Un na mo Ama Lamtua Allah Atulin in Nutus, nol Un kon nam kit Tulu Agama man in Lapa Dudui ka.
Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.
Mo nangan, ta Ama Lamtua Allah kom in tulu Un dalen banan na bel kita. Un man huil nal mi son le daid Un atulin, undeng mi in sium Kristus son na. Tiata Un le nikit mi lapa-lapa, le halin mi haup in nuli napiut nol Una. Mo eta mi haup susa se apan-kloma kia lam, nanapat tuun nam, Ama Lamtua tao mi le banan pait. Un bel mi kuat-tes le halin nam mi tahang nala. Se netes in kuat ta dapa, Ama Lamtua pii mia.
Surat ni deng au, Simun Petrus. Auk daid Yesus Kristus atulin in loka-tadu. Auk kon daid Un atulin in nutus, man Un lokan lako se ola-ola, le tek atuli li deng Una. Auk dul surat ni bel atuil in parsai se Yesus Kristus son nas. Undeng Ama Lamtua Allah dalen na lolo, ta Un sai lalan le halin mi kon parsai se Kristus banansila el kami. In parsai na, osa isi taung kit totoang. Kristus kon daid kit Lamtua Allahn. Nol Un kon daid Atuil in bel kit boa-blingin deng kit in kula-sala ngas.
Kaka-pail in namnau me! Hmunan nu auk nangan le dul bel mi totoang deng Ama Lamtua Allah in bel boa-blingin kita ka. Mo halas ni muik dasi puti, tiata bole tam boel lo ko, auk dul didang. Ama Lamtua Allah bel kit lalan in nuil lolo ka son. Un bel lalan in nuli na oe mes sii, nol Un seda-seda pait lo ka. Un bel lalan in nuli na, taung Un atulin in parsai ngas. Tiata, auk nodan le mi tahang mumuun nol dil dididi, le halin nam atuli soba-naan le seda lalan in nuli, man deng Ama Lamtua na deken.
ကြော်ငြာတွေ