Yakobus 4:5 - Buk Niu In Hida Balu nol Dehet deng Apan-kloma ki in Dadi ka

⁵ Undeng na le, Ama Lamtua Allah Buk Niu ka tek noan, “Ama Lamtua tapa Un Koo la ne kit dalen ni son. Nol Koo la in koma ka, le kit muid napiut se Una. Ta Un nam neo isi.”

Yakobus 4:5 ပူးပေါင်းရင်းမြစ်များ

Dehet deng Apan-kloma ki in Dadi ka 26:14

Un aus-sapi, laen nol lae-blai las taplaeng mamo. Un atulin nas kon mamo. Tiata atuil Filistin nas idus una.

Dehet deng Apan-kloma ki in Dadi ka 30:1

Mo Rahel haup aan lo bii. Undeng na le un idus-neo' nol un kaka ka. Kon un aa nol un sapa ka noan, “Papa! Bel auk aan le! Eta lo kam auk mateng tuun tia.”

Dehet deng Apan-kloma ki in Dadi ka 37:11

Tiata Yusuf kakan nas idus isi nol una. Mo un ama ka nangan nakekeon in natloa na.

Dehet deng Apan-kloma ki in Dadi ka 38:9

Onan taan hadat na son. Mo un dai hua bel un kaka Er lo. Tiata eta un niin nol Tamar ram, un soleng un bini la, le halin Tamar behe lo.

Dehet deng Apan-kloma ki in Dadi ka 6:5

Dedeng na, AMA LAMTUA net atuli-atuil in se apan-kloma kia ngas in daek dadaat lai-lisin na son. Oen dalen nas suma taan in nangan daat si-sii.

Dehet deng Apan-kloma ki in Dadi ka 8:21

Nikit AMA LAMTUA hodo net in tunu-dadung nas in bui bingis sa kon, Un dalen kolo isi. Un nangan noan, “Kilan deng dedeng nia, Auk tao didaan apan-kloma ki undeng atuli li in daat ta lo ka. Oen nangan dadaat deng anan bii ku kon no, Auk tao didaan totoang in nuli ngias banansila el Auk tao son ni lo ka.

Yuhanis 10:35

Lam kit taan son noan, totoang man in dul ne Ama Lamtua Buk Niu ka dalen na, baktetebes nol kose soleng nalan lo. Ta Ama Lamtua esa noken atuil nas noan, oen nam ‘Lamtua anan.’

Yuhanis 19:37

Se in Dula Niu ka, muik dulan ne maan didang kon noan, “Mam oen net atuling man oen in hain nini hnuat ta.”

Yuhanis 7:42

Ta ne Ama Lamtua Buk Niu ka, muik in dula noan, Un nam laih Daud in hua-koet. Se maan didang kon, muik in dula noan, Un nam atuil Betlehem, na laih Daud ingu la, ta lo?”

Dehet deng Aan in Nutus sas 7:9

Oe mesan na, kit upu kia-kaon nas idus nol oen palin Yusuf, didiin oen hee soleng una, le lako daid ata se dale Mesir. Mo Ama Lamtua Allah nang soleng net Yusuf lo.

Roma 1:29

Oen in nuli ka inu nol daat bili-ngala. Oen daek tahan banan na lo, mo suma taan in daek daat si-sii. Oen kom naseke. Oen pesang dael nol atuli. Oen idus-neo daat. Oen keo atuli. Oen kaen apa tutungus. Oen nole-lilung daat. Oen bilu-aa dadahut.

Roma 9:17

Ta ne in Dula Niu ka, Ama Lamtua tek lahing Mesir ra noan, “Auk nikit ku daid lahi, undeng Auk kom in pake ku, le tulu Auk in kuasa ki bel atuli hut mamo. Nini ela, totoang atuli li se papmes apan-kloma kia, nikit Auk ngalang ngi lapa-lapa.”

Korintus mesa la 6:19

Ku aap-inam ma, banansila el Ama Lamtua Koo Niu ka um in kohe-kanas sa. Un Koo la, man nuli ne mi dalen nas, lole Ama Lamtua Allah esa man bel mi Un Koo la. Undeng na, mi muik hak le daid tuang, taung mi apan nas esan pait lo son. Tiata tasao le mi in nuli ka tuladang el noan, mi taan dais nias lo kia?

Korintus dua la 6:16

Nataka le mi taam laok Ama Lamtua Allah um in kohe-kanas sa, le todan muna se Una, hidi halas-sam taam pait lakom se um in hui-langus sas, le todan sa-saa in hui-langus sas se? Mi nangan nam elola la? Tom lo, ta lo! Ta Ama Lamtua na mo, Allah man in nuli. Un kon daid kit Lamtuan. Hidim kit kon daid banansila el Un um in kohe-kanas sa, undeng Un muik ne kit dalen nia. Ta Ama Lamtua dul son ne Un Buk Niu ka noan, “Auk uma la muik ne Auk atulin nas hlala. Auk kon puti-taam laok se oen hlala ka. Auk le daid oen Lamtua Allahn. Oen kon daid Auk atulin.”

Galatia 3:8

Ama Lamtua tek meman son ne Un Buk Niu ka noan, eta bangsa didang ngas parsai se Una lam, mam Un simus kon. Ta hmunan hesa kua, Un tek Dehet Dais Banan na bel upung Abraham meman son, elia, “Mam totoang bangsa in se apan-kloma ki ngias haup hangun, undeng ku.”

Titus 3:3

Ta hmunan nua, dedeng kit taan Lamtua Yesus lo bii ka, kit kon taan sa-saa lo bii, nol hlapat tom in nole. Kit dai ming atuil didang lo. Kit nuil muid kit dalen ni in nangan dadaat tas tukun, le didiin ngilu bali kit apan ni nol in kom naseke bili-ngalang nas. Kit hadat lo nol atuil didang. Kit in nuli ki inu nol in idus-neo. Kit pesang dael daat, hidim atuil didang kon pesang dael nol kita.