Yakobus 4:4 - Buk Niu In Hida Balu nol Dehet deng Apan-kloma ki in Dadi ka

⁴ Meman mi niam atuil in daek muid napiut lo! Mi banansila el bihata-bikloeb in saap son, mo nuil napiut nol apa lo, hidim nong nol atuil didang sapa ka. Etan mi but mi apan nas nol apan-kloma ki in koma-koma ngas sam, na mi tao mi apan nas le mus nol Ama Lamtua Allah. Ela son na!

Yakobus 4:4 ပူးပေါင်းရင်းမြစ်များ

Dehet deng Apan-kloma ki in Dadi ka 3:15

Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.”

Matius 12:39

Mo Yesus baet oen noan, “Hoeh! Mi atuil hahalas ni man dai hii-ming se Ama Lamtua lo ngas! Mi suma taan in daek dadaat sii! Mi nodan taad herang kon no, Auk tao bel mi lo. Undeng hmunan nu Ama Lamtua bel taad herang son nini mee-baah Yunus. Na nol son!

Matius 16:4

Meman mi atuil udin ni, suma taan in tao dadaat sii! Mi dai toe muid Ama Lamtua lo! Tiata mi nodan taad herang kon no, Auk tao bel mi lo. Undeng hmunan nu Ama Lamtua bel taad herang nini Un mee-baah Yunus son. Tiata na nol son!” Aa hidi ela kon, Yesus lako nang one.

Matius 6:24

“Atuli li daek nal baktetebes bel tuang dua lo, undeng mam un kom tuang mesan na dui deng tuang mesan na. Ela kon un muid tuang mesan na, mo un dai toe muid tuang mesan na lo. Undeng na le, ku bisa tek lo noan, ‘Lamtua nam mo auk Tuang,’ eta ku tao duit ti le daid ku tuang son.

Lukas 19:27

Tiata nol nia, mi laok daek auk musu man in kom auk le daid laih lo ngas. Nolas maas se nia, le keo oen totoang se auk silang ngia. Laok tia!’ ”

Yuhanis 15:19

Eta mi niam banansila el atuil didang in se apan-kloma ki ngias sam, taon elola ko oen namnau mia. Mo mi banansila el oen lo. Lole Auk huil nal mi son, le bakisan nol one. Undeng na, le oen kom mi lo isi.

Yuhanis 17:14

Auk tek Paap in Teka-teka ngas bel oen son. Atuil didang se apan-kloma ki ngias kom Auk atulin nias lo, undeng Auk atulin nias in nuli ka banansila el oen lo. Auk kon ela, lole Auk niam el atuil didang in se apan-kloma ki ngias lo.

Yuhanis 7:7

Atuil in se apan-kloma ki ngias komali nol mi lo. Molam oen komali isi nol Au, undeng Auk tek balang totoang oen in lako-dakeng ngas. Oen dalen nas nam daat isi.

Roma 5:10

Hmunan nu, kit mus nol Ama Lamtua. Molam halas ni Ama Lamtua Ana ka esa man mate, le tao blingin Ama Lamtua dalen na, halin kit haup in daem nol Ama Lamtua. Tiata kit mus nol Ama Lamtua lo son, molam babanan pait nol Una. Dudui pait ta, undeng Kristus nuli pait son, tiata mam se leol kiamat tia lam, Un kon bel boa-blingin kit le halin kit tom Ama Lamtua Allah hukung nga deken.

Roma 8:7

Kit atuli li in koma-koma ki sii kam, labang isi nol Ama Lamtua in koma ka. Hidim kit esan dai suda le hii-ming se Ama Lamtua lo, lole kit esan nam bolen lo.

Korintus mesa la 1:20

Hmunan nua, meman Ama Lamtua tek ela. Mo halas ni, daid elol son na? Atuil in tana ngas, daid elola la? Guru agama las, daid elola? Nol atuil man kom in tao dasi ngas, daid elola? Olan hii ke! Ama Lamtua tao oen banansila el atuil ngengo ka son! Un kat soleng totoang in tana man butu-kil ne apan-kloma kia ngas, nol taos le daid sa-saa man in muik nahin lo.

Korintus mesa la 1:21

Ama Lamtua Allah in tana ka, uhu isi. Ta atuli li nataka apa ka le taan isi kon no, eta nini oen in nangan na sii le noan taan nal Ama Lamtua nol baktetebes sam, bisa lo. Mo ela kon no, Ama Lamtua nini Un in tana ka son, le sai lalan bel atuli lia. Lole hmunan nua, Un nangan son noan, “Nang le atuli li nataka noan, Auk atulin in nutus sas atuil ngengo, mo ela kon no, Auk musti nutus atuil le laok tekas dais man in toma deng Au.” Undeng na, Ama Lamtua nutus son le pake in teka-teka, man Un atulin in nutus sas in kila ka, le halin atuli li parsai nal se Una. Un le pake lalan na, le bel boa-blingin atuli li deng oen in kula-sala ngas. Mo atuli li nataka kam, Ama Lamtua lalan na, lalan ngengo. Undeng na le oen dai toe muid Un atulin in nutus sas lo. Ta atuil Yahudi las suma nodan tada-taad herang tuun, le halin oen net Ama Lamtua in kuasa ka. Nol atuil Yunani las suma hii-ming dasi-dais in tana, muid oen in nangan nas nol oen in nangan tana ka tuun.

Galatia 1:10

Auk brain aa ela, undeng auk le tao Ama Lamtua dalen kolo, mo atuli li lo. Mi nangan noan auk le nuting sila se atuli lia, le? Loo! Ta eta auk tao ela lam, auk tom in daid Kristus atulin in loka-loka lo.

Yakobus 1:27

Ta agama man in niu ka nam, muik tahan hmomos lo. Na, man tao Ama Lamtua Allah dalen kolo. Agama in tom ela ka, man tao atuli li le kom in tulung ina-in bebalu kas, nol ana-aan taan-hmoa kas. Atuil in muik agama ela ngas, bel dola se atuil apan-kloma kias, le tui liun-leo oen nini in daek dadaat lo.