Yakobus 3:9 - Buk Niu In Hida Balu nol Dehet deng Apan-kloma ki in Dadi ka

^9-10 Taom atuli li nini un baha ka le naka-nahalit Ama Lamtua Allah. Mo hidi nam un nini baha kon, le lote-pisun atuli, man Ama Lamtua koet son muding Un sila-paen na. Na tom lo!

Yakobus 3:9 ပူးပေါင်းရင်းမြစ်များ

Dehet deng Apan-kloma ki in Dadi ka 5:1

Dedeng Lamtua Allah koet atuli lia ka, Un koet oen muid Un hnika-tuladang nga. Un koet one, bihata nol biklobe. Un noken oen noan ‘atuli’, hidim Un bel hangun se one. Atuling hmunan na, ngala Adam. Adam in hua-koet tas, ngalan nas elia:

Matius 26:74

Mo un mulai lote, nol labang le kaen noan, “Auk sumpa pake Ama Lamtua Allah ngala ka! Auk taan Atuling na lo!” Un aa hidi ela kon, manu tukluni.

Matius 5:44

Mo Auk le tek elia: ku musti namnau atuil in kom ku lo ngas. Nol nodan le Ama Lamtua bel hangun se atuil in tao susa-daat saol ku ngas.

Dehet deng Aan in Nutus sas 2:26

Tiata auk daleng ngi kolo; hidim auk naka-nahalit Un tutungus, nol auk kon hii-natang Una.

Roma 3:14

Oen bahan nas suma taan in lote-pisun atuli, nol dehet dais daat le tao atuli li dalen iil tukun, lole na man puti deng oen dalen daat ta.

Korintus mesa la 11:7

Olan mi nangan ne: biklobe li parlu in bua un bon na lo, ta Ama Lamtua Allah koet biklobe li muid Un hnika-tuladang nga. Na man tulu Ama Lamtua in muun-tes sa. Nol bihata li man tulu biklobe li in muun-tes sa.

Efesus 1:3

Naka-nahalit Ama Lamtua Allah, kit Lamtuan Yesus Kristus Ama ka! Ta Ama Lamtua bel kit hangun mamamo son deng sorga, undeng kit daid Yesus Kristus atulin son.

Yakobus 1:27

Ta agama man in niu ka nam, muik tahan hmomos lo. Na, man tao Ama Lamtua Allah dalen kolo. Agama in tom ela ka, man tao atuli li le kom in tulung ina-in bebalu kas, nol ana-aan taan-hmoa kas. Atuil in muik agama ela ngas, bel dola se atuil apan-kloma kias, le tui liun-leo oen nini in daek dadaat lo.

Petrus mesa la 1:3

Totoang in naka-nahalit ti taung Ama Lamtua Allah sii! Un nam, kit Lamtuan Yesus Kristus Ama ka. Undeng Ama Lamtua dalen banan na, tiata Un namnau kit isi. Un nang Yesus Kristus le mate, hidim nuli pait, halin bel kit in nuli balu, banansila el in hua kit pait ta. Tiata, kit parsai napiut nol nahlae se Yesus Kristus undeng kit tana noan, mam Ama Lamtua papa-paiduil kit babanan.