Yakobus 2:8 - Buk Niu In Hida Balu nol Dehet deng Apan-kloma ki in Dadi ka

⁸ Toma, eta mi daek muid Ama Lamtua atorang in muun dudui ka, man tek noan, “Ku musti namnau atuil didang, banansila el ku in namnau ku apam ma esa ka.” Atorang na dulan ne Ama Lamtua Allah Buk Niu ka.

Yakobus 2:8 ပူးပေါင်းရင်းမြစ်များ

Matius 22:39

Nol muik prenta nomer dua, man tek noan: ‘Ku musti namnau atuil didang, banansila el ku in neka-namnau ku apam ma esa ka.’

Matius 25:21

Ming ela kon, tuang nga dalen kolo. Un tekan noan, ‘Banan! Ku niam atuil in loka-loka man in banan. Ta auk se iang lo kon no, ku daek nol in makoe son, hidim muid napiut auk in prenta ngas. Undeng ku daek nal os ana nia, ta mam auk nikit ku le kil os man in tene dui pait tas. Mam auk tao fesat, le kit kaa leo-leo nol dael kolo.’

Matius 25:23

Kon nam, tuang nga dalen kolo. Un tekan noan, ‘Banan! Ku niam kon atuil in loka-loka man in banan. Ta auk se iang lo kon no, ku daek nol in makoe son, hidim ku daek muid auk in prenta ngas tutungus. Undeng ku daek nal dais ana ni son, tiata mam auk nikit ku le kil dais man in tene dui pait tas. Mam auk tao fesat, le kit totoang kaa leo-leo nol dael kolo.’

Matius 7:12

Eta ku kom le atuil didang daek banan saol ku lam, ku musti daek banan saol one. Undeng ni peke deng upung Musa nol Ama Lamtua Allah mee-baah tenga las in tui meman son deng lolo hmunan nua ka”

Roma 13:10

Ta eta kit tulu in namnau bel atuil didang ngam, kit tao un dadaat lo, ta loo? Tiata, eta kit tulu kit in namnau ka tutungus sam, kit daek nal muid Ama Lamtua Atorang ngas totoang son na.

Galatia 5:14

Ne Ama Lamtua in Dula Niu ka dul noan, “Ku musti namnau atuil didang, banansila el ku in namnau ku apam ma esa ka.” Eta mi suma tao muid atorang mes ni tuun nam, mi daek muid atuil Yahudi las atorang nga in koma ka totoang son.

Galatia 6:2

Eta atuli haup in susa kam, mi tenga las hulung una. Ta nini ela lam, mi daek muid Kristus atorang nga na.

Filipi 4:14

Taon elola kon no, auk nodan mamo, undeng mi tulu mi dalen banan na son, le tulung auk se in susa dalen.

Tesalonika mesa la 4:9

Auk nataka kam auk dul bel mi deng in namnau bali-bali apa ka pait deken tia, undeng Ama Lamtua Allah esa man tui son noan, mi musti namnau apa mes nol mesa.

Yakobus 1:25

Mo mia lam, teen in les nol nangan bana-banan Ama Lamtua Allah Dehet-dasin niu, man tao nal atuli li le holoat deng oen in kula-sala ngas sa deken. Mam Ama Lamtua bel hangun se totoang dasi-dais man mi in dake ngas, sadi mi ming nol daek muid Dehet-dais nas. Boel suma ming deng hngilan kliu, hidim puti lako deng hngilan kanan tuun ela deken!

Yakobus 2:12

Tiata eta mi le aa, tamlom le tao dasi mesa lam, mi musti nangan elia: mam Ama Lamtua Allah man nutus noan, kit daek muid Un atorang nga le namnau atuli, tam lo ka. Ta atorang na man sas-loat nal kit deng Ama Lamtua hukung nga.

Yakobus 2:19

Ku daek muid in tui man noan, “Ama Lamtua Allah na mo, suma mes sii. Muik didang pait lo.” Banan kon! Mo uikjale kas banan dui deng ku, undeng oen parsai ela kon, didiin oen lii isi undeng oen taan noan mam oen tom in hukung. Tiata nangan deken noan, tanan nini kutan tuun kon nol son. Ta na tom loo! Ngengom me! In parsai man muik isin saa lo ka, kon muik nahin saa lo.

Yakobus 4:11

Kaka-pali me! Bilu-aa le tao didaa apa ngaal banan deken. Ta eta mi aa ela, nol taan in bel kula atuli las tutungus sam, mi kaliut Ama Lamtua atorang nga son, man tek noan, “Ku musti namnau ku pail-kakam mas banansila el ku in namnau ku apam ma esa ka.” Nol eta mi muid atorang nga ela lo kam, mi nikit mi apan nas lapa dui deng Ama Lamtua Hukung nga.

Petrus mesa la 2:9

Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.