Yakobus 2:3 - Buk Niu In Hida Balu nol Dehet deng Apan-kloma ki in Dadi ka

³ Mi kukaum nol in sodo-sium atuling man pake kai-baut kaloe ka, le belen maan in banan dui se muka-mata lua. Mo in pake kaod hmomos sa lam, mi tadu noan, “Dil se klupu lua! Etan lo kam daad se dale kia!” Tao ela deken!

Yakobus 2:3 ပူးပေါင်းရင်းမြစ်များ

Lukas 23:11

Hidim lahing Herodes sa nol un tentaran nas kon bilu, nol aa dadaat le tao nahmaeng Yesus. Oen kon lotong belen kaod blatas leko mesa, banansila el taom lahi las in pake ngas, nol bilu-aa napiut Una. Hidi nam oen kil nolan pait lako se gubernur Pilatus.

Korintus dua la 8:9

Ta mi taan son noan, kit Lamtuan Yesus Kristus tulu Un dalen banan na bel mi son. Hmunan nu, Un banansila el atuil in muki ka. Mo Un huil le daid atuil kasiang halin tulung mia, nini ela lam mi daid atuil in muki se dasi mamo dalen.

Yakobus 2:2

eta noan muik atuli at dua taam lakos se mi um in kohe-kanas sa, le mesan na pake kai-baut kaloe, nol paa mea inu hnangan nas, mo mesan na pait pake kai-baut hmomos tuun.

Yakobus 2:6

Mo nini mi in huil sila ela ka, mi tao nahmaeng atuil kasiang ngas son na. Molota oen daek dadaat saa saol mi lo. Mi nadidingun ne? Atuil in muki ngas man tao mi le nangan dadaat ela na. Nol oen nam man nuting dais nol mia, le pel-lakang mi lakom se maan in nutus dasi kua. Oen man haup un in kumis sa, mo mi man haup un oon na.

Yudas 1:16

Atuil in taam son ne mi hlala ngas, suma taan in muhmemen le kaen apa tutungus. Oen taan in tukut-klaa nol atuli si-sii. Oen toe muid Ama Lamtua in koma ka lo, le tao muid oen in koma-kom isi ngas esan tuun. Oen suma kom in aa le nikit-nikit apan nas. Oen kom in nuting sila le kat atuli dalen, halin oen haup muid oen in koma ngas.