Yakobus 1:9 - Buk Niu In Hida Balu nol Dehet deng Apan-kloma ki in Dadi ka

⁹ Atuil kasiang man in parsai se Lamtua Yesus son nas, musti dalen kolo, undeng Ama Lamtua Allah nikit oen son le daid Un nenan.

Yakobus 1:9 ပူးပေါင်းရင်းမြစ်များ

Lukas 1:52

Un tao nahu atuli-atuil in kil kuasa ngas, undeng oen in koaok daat ta. Mo Un nikit sakeng atuil in tao apa ka deng dadale ngas.

Lukas 10:20

Mi dalen kolo, undeng uikjale kas ming mia. Banan kon, mo na dais ana tuun! Banan dui ka mi dalen kolo, undeng Ama Lamtua dul mi ngalan nas son, le daid Un nenan in taam sorga.”

Lukas 14:11

Ta atuil in nikit-nikit apan na ngas, mam Ama Lamtua tao nahu. Mo atuil in tao apa ka el atuil ana ka ngas, mam Ama Lamtua nikit sakeng.”

Lukas 9:48

Hidim Un tek atuli las noan, “Hii babanan ne! Atuil in tade le lii-lau atuil ana el tana-ana nia ki, nahin na noan, atuling na kon lii-lau Au. Nol un kon lii-lau Auk Amang in ne sorga kua, man nutus Auk maang se apan-kloma kia. Muik atuli mamo man kom in ngat kabaul one. Tuladang el atuil kasiang, atuil in susa, atuil banan lo, atuil in nahi tom daat, nol atuil ana ngas. Atuil man kom le lii-lau atuil tuladang ela ngas, man Ama Lamtua Allah noken noan, un nam atuil in muun dui.”

Roma 8:17

Eta kit daid Ama Lamtua anan nam, nahin na noan, mam kit sium Un pusaka la, undeng Un daid kit Aman. Hidim, mam eta Ama Lamtua bel Un Ana Kristus pusaka, lam kit kon sium pusaak na leo-leo nol Una. Mo muik dasi mes pait: kit kon musti haup susa-daat banansila el Kristus in haup susa-daat ta, le halin nam, mam Ama Lamtua nikit kit lapa-lapa, banansila el Un in nikit Kristus lapa-lapa son na kon.

Korintus dua la 6:10

Kaim nataka kam ngele kon no, kaim dalen kolo tutungus. Kaim muik duit lo kon no, kaim bel hangun mamo se atuil hut mamo kas dalen. Na banansila el kaim muik sa-saa lo, mo kaim kon haup totoang.

Filipi 3:14

Mo auk lail mumuun napiut, le lakong lius se in tuis pesang ngua, le halin haup piala. Piala man auk in hapu ka elia: mam Ama Lamtua Allah sium auk se sorgang, undeng auk parsai se Yesus Kristus.

Filipi 3:3

Ta oen tek noan Ama Lamtua sium atuli li undeng oen sunat. Mo na kula! Kit taan son noan, Ama Lamtua sium atuli li undeng oen parsai se Lamtua Yesus. Hidim, Ama Lamtua atulin baktetebes sas mo kit in parsai se Lamtua Yesus sias! Kit man todan-lahing Una, muid Un Koo Niu ka. Kit man nikit Yesus Kristus ngala ka lapa-lapa, undeng Un sai lalan son le kit tamang daid Ama Lamtua atulin. Ta eta kit muid atuli li in dake kam, kit haup boa-blingin lo.

Petrus mesa la 2:9

Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.

Apan-kloma Hnika Balu 2:9

Auk net mi in nuil susa-daat se kota Smirna ka son. Se atuli li sila-mata kam mi niam atuil in tuka-dabun, molota muid Ama Lamtua lam, mi niam atuil in muki. Muik atuli teng tek noan, oen nam Ama Lamtua atulin, hidim oen aa le tao didaan mi ngaal banan na. Molota oen nam mo Ama Lamtua atulin lo. Oen nam banansila el jemaat mesa, man suma mudi-muid uikjale kas laih tuan na tuun.