Timutius mesa la 6:10 - Buk Niu In Hida Balu nol Dehet deng Apan-kloma ki in Dadi ka

¹⁰ Ta in kom duit isi ka, daid peke deng atuil in tao dadaat bili-ngala ngas. Muik atuli teng kom naseke in haup duit, didiin oen sisa katang son deng oen in parsai man toma ka. Undeng na le, oen tao didaan oen in nuli ka esan.

Timutius mesa la 6:10 ပူးပေါင်းရင်းမြစ်များ

Dehet deng Apan-kloma ki in Dadi ka 34:27

Mo Yakob anan tenga las taam lakos iung na, le nuhu-dau nal iung na hmukin nas. Oen koon-mali, undeng atuli tao didaan oen palin bihata la se iung na son.

Dehet deng Apan-kloma ki in Dadi ka 38:16

Yahuda taan dadale lo noan bihatang na un nalen na. Tiata un lako dadani bihatang na, le ketan noan, “Hoe! Eta auk nol ku lam, ku nodan bakun na.” Mo Tamar situn noan, “Tia ka! Na ne ku in koma ka tukun.”

Matius 13:22

Nol biin man nahi se blua-duli hlala ka, banansila el atuil man ming in Teka-tekang ngas son. Mo un kukaum isi nol in lako-dake bili-ngala le halin haup in nuli bana-banan tuun. Kon un in kukamu nas totoang, dising soleng in Teka-teka nas deng un dalen na, didiin muik nahin pait lo.

Matius 23:13

Hidi na kon, Yesus aa napiut noan, “Hoe, guru-guru agama nol atuil Farisi me! Meman mi niam atuil in hlak daat! Mam mi haup in susa-daat, undeng mi dai parsai Au, Atuling man Ama Lamtua Allah hid son le tunang maa ka lo. In daat dudui pait ta, mi palan kele atuil in le maa parsai se Au ngas.

Matius 6:19

“Daek mumuun le dulu hmuki-nala mamamo se apan-kloma ki deken. Ta mam naen nol enas tao didaan hmuki-nal nas. Nol atuil in nakong ngas kon, maa sukun le kat lail-ninis.

Markus 4:19

Mo un kukaum naseke nol osa bili-ngala, le halin nuil muid un in koma ka tukun. Kon nam osa-os nas dising soleng in Teka-tekang nas deng un dalen na, tiata muik isin lo.

Kolose 3:5

Tiata mi musti soleng mi in kom le tao dadaat tas. Banansila el: kom in laok kula nol atuil didang, man ku sapa lo ka; kom in tao dasi-dais hmomos; kom le tao muid ku dalem ma in kom isi ka; kom le tao dadaat bili-ngala; nol kom naseke le totoang daid ku nena sii (molota nas banansila el ku hui-langus, lole ku nikit sakeng dais didang ngas lapa-lapa le dising soleng Ama Lamtua).

Timutius mesa la 3:3

Boel atuil in niun le mahu daat deken, nol kom in tuku-keng daat tas deken. In tom dudui ka, atuil in dalen na lila, atuil man kom in nuil dame, nol in kom naseke duit lo ngas.

Timutius mesa la 6:21

Muik atuli teng parsai nol in tui nole-lilung ngas, didiin oen sisa deng oen in parsai baktetebes son se Ama Lamtua Allah ka. Auk nodan le Ama Lamtua tulu Un dalen banan na bel mi totoang. Boa-blingin, Paulus

Timutius mesa la 6:9

Mo atuil in kom isi le daid atuil in muki ka, hlapat tom in neleng-diting bili-ngala, nol tom in nole kliu-kanan, undeng oen suma nangan deng in hmuki-nala tukun. In ela ngas bisa tao didaa, nol tao dudus oen in nuli ka.

Timutius dua la 3:2

Mam atuli las namnau oen apan nas siis nol kom duit naseke. Oen koaok nol apan nas, oen ngat tahan atuil lo, bilu-aa daat, dai hii-ming se atuil blalan nas lo, nodan mamo taan lo, hadat lo isi, kom dasi-dais in deng Ama Lamtua ngas lo,

Timutius dua la 4:10

Ta halas ni auk siing. Kreskes boka lako ne propinsi Galatia son. Nol Titus kon lako ne dale Dalmatia son. Mo Demas namnau sa-saa apan-kloma ngias dui, tiata un nang soleng au, le lako ne kota Tesalonika lolen son.

Titus 1:11

Oen hanet nal um-elan mamo nini oen in tui kula ngas, le katang deng in tui-tikang man toma ngas. Oen kom in nuting duit nini lalan in panaek atuli! Tung kele atuil tuladang ela ngas bahan nas, le halin nam oen tui dahu-dahut napiut deken.

Yakobus 5:19

Kaka-pali me! Eta deng mia la muik in tao kula, le laok nang soleng asa man in toma ka, hidim muik atuli in tulung una, le pel nolan pait lako el Ama Lamtua lalan lolo ka lam, banan isi.

Yudas 1:11

Doha-doha! Mam oen haup in susa-daat muun dui. Ta oen tao muid el Kain, man keo tele bali un palin na esa. Oen daek muid el Bileam, man tao asa tukun, sadi haup duit. Oen kon tao muid el Kora, man dudus undeng labang nol Ama Lamtua. Undeng atuil nas daek dadaat ela, tiata mam oen kon bakisan deng Ama Lamtua didiin son na.

Apan-kloma Hnika Balu 18:13

Muik tahan in kom le laok sos oen kai kumis sas, tamlom kai kluit kumis bili-ngala ngas lo son. Muik tahan in kom le laok sos oen kemenyan nas tamlom mina buin bingis bili-ngala ngas lo son. Muik tahan in kom le laok sos oen ui anggor ras, mina saitun nas, tarigu, tamlom gandum mas lo son. Muik tahan in kom le laok sos oen aus-sapi las, lae-blai las, tamlom ahlote las pait lo son. Muik tahan in kom le laok sos oen kereta in sakeng sa-saa ngas, tamlom oen ata kas pait lo son.