Timutius mesa la 5:2 - Buk Niu In Hida Balu nol Dehet deng Apan-kloma ki in Dadi ka

² Ela kon nol bihaat in blalan dui deng ku ngas. Aa nolas sam banansila el ku aa nol ku inam ma esa. Mo eta aa nol bihaat in muda dui deng ku ngas sam, taos el ku palim esa. Ku dalem ma musti niu saol one.

Timutius mesa la 5:2 ပူးပေါင်းရင်းမြစ်များ

Matius 12:50

Ta asii man daek muid Auk Amang in ne sorga ku in koma ngas sam, oen nam, Auk nenan baktetebes sas.”

Filipi 4:8

Kaka-pali me! Un in puis sa elia: nangan dadahut deken. Mo doh mi in nangan na le nangan dasi-dais man in tom nol Ama Lamtua dalen na, nol nangan dasi-dais banan man tao atuli li dalen kolo. Mi musti nangan lolo-lolo nol niu. Nangan dasi-dais in toma nol in kumis-mina. Nuting lalan le nikit dasi-dais banan nas. Nol nangan totoang dasi-dais banan nas tutungus.

Tesalonika mesa la 5:22

Molam hoen apan deng totoang in daat tas.

Timutius mesa la 4:12

Nang atuli las le ngat kabaul ku undeng ku in muda bii ka deken. Nang le atuil in parsai ngas not muid se ku; deng ku in aa ngas, ku in mana-koet ta, ku in namnau atuli ka, ku in parsai se Yesus Kristus sa, nol ku in nuil niu ka.

Timutius mesa la 5:1

Kaing atuil in blalan dui deng ku ngas sam, nini faal mumuun deken. Mo nini dasin in banan, banansila el ku aa nol ku amam ma esa. Nol atuil in muda dui deng ku ngas sam, beles in makoe, banansila el oen nam ku pail-kakam esa.

Timutius mesa la 5:3

Jemaat tas musti hulung bebalu man muik oen nenan le papa-paiduil oen lo son nas. Mo bebaul in muik ana-upun nabale ngas, un ana-upun nas man musti papa-paiduil una. Tui one le halin nam oen balas taan blalan na in bosor nol one ka. Nini ela lam oen lii-lau Ama Lamtua Allah, nol tao Un dalen kolo. Ta bebalu man nuli siing-siing baktetebes sa nam, muik tahan un atulin in papa-paiduil una lo. Un suma nahlae se Ama Lamtua Allah tukun. Lelo-duman nam un kohe-kanas le nodan tulung se Ama Lamtua Allah. Jemaat tas musti papa-paiduil bebalu in ela ngas.

Timutius dua la 2:22

Atuil muda kas hlapat nahis, undeng oen in kom naseke ka. Mo Timutius, ku musti doh ku apam ma babanan, le tao muid ku in kom naseke ka deken. Nuting le daek in banan na tutungus. Parsai napiut se Ama Lamtua. Nuil nol in namnau, hidim nuil babanan nol totoang atuli lia. Totoang atuil man in parsai se Ama Lamtua, man nulis nol dalen niu ngas, daek in banan na tutungus. Tiata Timutius, ku in nuli ka musti banansila el one!