Timutius mesa la 5:1 - Buk Niu In Hida Balu nol Dehet deng Apan-kloma ki in Dadi ka

¹ Kaing atuil in blalan dui deng ku ngas sam, nini faal mumuun deken. Mo nini dasin in banan, banansila el ku aa nol ku amam ma esa. Nol atuil in muda dui deng ku ngas sam, beles in makoe, banansila el oen nam ku pail-kakam esa.

Timutius mesa la 5:1 ပူးပေါင်းရင်းမြစ်များ

Matius 23:8

Mo mi tao muid oen in dake na deken! Atuli boel haman mi noan, ‘ama guru’ deken, undeng mi Gurun na suma mes sii. Nol mi totoang niam kaka-pali.

Dehet deng Aan in Nutus sas 14:23

Hidi nam, Paulus nol Barnabas nuting atuil le nikit daid tulu in kil jemaat, taung jemaat tas mesa-mesa. Oen kohe-kanas nol telang le nuting Ama Lamtua in koma ka. Hidim oen nene iman nas laok se atuil nas le kohe-kanas, halin nikit atuil man Ama Lamtua in tulu son nas, le daid tulu in kil jemaat.

Dehet deng Aan in Nutus sas 15:4

Oen lakos lius se Yerusalem kon, Ama Lamtua atulin nas totoang sium oen nol babanan. Hidim Lamtua Yesus anan in nutus sas nol blalan-blalan Kristen nas kon, sium one. Kon nam Paulus nahdeh totoang asa man Ama Lamtua in tao bel oen son nas, didiin muik atuil didang mamo pait, man tade le parsai se Lamtua Yesus. Paulus kon nahdehes deng oen in kaen apa nol hadat sunat ta ka.

Dehet deng Aan in Nutus sas 15:6

Hidim atuil in sarani ngas totoang kom leo-leo, le Lamtua Yesus anan in nutus sas nol blalan-blalan Kristen nas nakbua, halin nangan dais na nol babanan.

Dehet deng Aan in Nutus sas 20:17

Tiata nikit Paulus bii se kota Miletus kon, un tunang dais bel blalan-blalan Kristen in se kota Efesus sas, le oen maa tutnaal nol un se kota Miletus.

Roma 13:7

Tiata, mi musti baen totoang mi bea las nol in toma. Bel atuil in nodan duit bea ngas, totoang bea man mi musti in baen nas. Todan atuil in musti sium in todan nas. Nol eta muik atuli daek in banan na tutungus sam, nikit oen ngalan nas, le halin totoang atuli li taan oen in daek banan na.

Galatia 6:1

Kaka-pali me! Eta atuil in parsai at mes tao kula kam, mi in taan baktetebes Ama Lamtua Koo Niu ka in koma ka, laok aa nolan nini dalen in deng dadale. Hidi kam nolan pait maa bus el Ama Lamtua lalan in toma ka. Mo doh mi apan nas le nahim muid un in kula na deken.

Timutius mesa la 5:17

Atuil in kil jemaat tas nol babanan na, mi musti todan un dui, hidim baen un gaji la nol in toma. Dudui pait, atuil man in daek hiti-late le nahdeh deng Ama Lamtua Dehet-dasin na, nol tui mi deng lalan in nuli man toma ngas.

Timutius mesa la 5:2

Ela kon nol bihaat in blalan dui deng ku ngas. Aa nolas sam banansila el ku aa nol ku inam ma esa. Mo eta aa nol bihaat in muda dui deng ku ngas sam, taos el ku palim esa. Ku dalem ma musti niu saol one.

Titus 2:2

Tek bikloeb in blalan son nas, le nuil muid atorang ngas, doh oen ngalan banan na, hidim oen musti nangan blatas nol nangan tetesa. Oen musti kil napiut nol dil dididi, le muid in tui man toma ngas. Oen kon musti namnau atuil didang.

Titus 2:6

Ela kon, tui-tek bikloeb in muda dui ngas, le halin oen nulis nol babanan.

Yakobus 3:17

Mo nangan tana man in niu maa deng Ama Lamtua ka elia: laih hmunan na un tao kit le nuil niu. Hidim un tao kit le halin komali hlapat lo, keeh tutungus, nol sium atuil didang in nangan. Un isin na kon tao kit le dalen babanan tukun, kom in tulung atuil didang, ngele halin lo, hidim sila-klup nol atuil didang lo.

Yakobus 5:14

Eta deng mia la muik in heda kam, banan dui ka haman blalan in lii-lau ne jemaat ta ngas le laok ngat. Nodan oen le halin nam oen nuh mina laok se atuling in heda ka, hidim kohe-kanas nini Ama Lamtua ngala ka, halin Ama Lamtua belen le banan.

Petrus mesa la 5:1

Auk esang daid tulu mesa. Hmunan Kristus lepa-haal Un in susa-daat ta, auk net in dadi na nini auk matang ngi esa. Mam eta totoang atuli li ngat net Ama Lamtua Allah in muun-tes sa lam, auk kon le ngat dais nas, nini auk matang ngi esa. Tiata auk le tui-tek tulu in kil jemaat tenga las, noan:

Yuhanis dua la 1:1

Mama namnau! Surat ni deng au, Yuhanis, man daid tulu in kil grija. Auk dul surat ni bel mama, man Ama Lamtua Allah hulin son le daid Un atulin, bel nol maam anan nas kon. Auk namnau mi totoang man dalen butu-kil nol dasi-dais man in toma ngas. Totoang atuil didang man taan dasi-dais in toma ngas kon, namnau mia.

Yuhanis tilu la 1:1

Kaka Gayus man auk in namnau baktetebes. Boa-blingin deng au, Yuhanis, man daid tulu in kil grija.

Apan-kloma Hnika Balu 4:4

Se na kon muik del ana 24 pukiu del in prenta man se hlala ka ka. Muik tulu 24 man daad se del nas dapas. Oen totoang pake kai-baut muti nol lotong hlotong lahi man daken deng lil-mea.