Timutius mesa la 4:8 - Buk Niu In Hida Balu nol Dehet deng Apan-kloma ki in Dadi ka

⁸ Mana le tao tes kit aap-inan nia ki nam, banan. Mo ambak ka bubuit tuun. Molam mana apan le nuil muid Ama Lamtua in koma, se totoang dasi las dalen na, muik ambak mamo. Un ambak ka suma in nuil se apan-kloma hahalas nia ki sii lo, molam se in nuli man pait maa ku kon.

Timutius mesa la 4:8 ပူးပေါင်းရင်းမြစ်များ

Matius 12:32

Eta atuli aa dadaat labang Au, Atuling Baktetebes sia lam, Ama Lamtua tade le bel ampong una. Mo eta atuli aa dadaat le labang Ama Lamtua Koo Niu ka lam, didiin leol kiamat ti kon, Ama Lamtua Allah kose soleng un in kula-sala na lo.”

Matius 19:29

Atuil in laok nang soleng un uma la, pail-kakan nas, ina-aman nas, ana-anan nas, nol un klapa la, le muid Au ka, mam un sium seda pait didiin lalis ngatus. Hidim eta apan-kloma ki kiamat tam, un kon haup in nuli napiut nol Ama Lamtua didiin hidi nutus lo.

Matius 6:33

Mo mi musti lako-daek Un osa la, nol muid Un in prenta ngas muna le, halas-sam Un bel taplaeng asa man mi in parlu ngas totoang.

Roma 8:28

Halas ni kit taan son elia: Ama Lamtua Allah daek totoang le daid banan, taung atuil in namnau Una ngas. Ta deng lolo hmunan hesa kua, Ama Lamtua mana-koet meman son le tao elol bel one ka. Nol Un kon haman oen son, le tekas noan, “Maam tia! Maa le daid Auk atulin!”

Korintus mesa la 8:8

Ta in toma ka elia: Kakaat ti man kil nol kit lakong situ-tal se Ama Lamtua Allah lu lo! Eta kaa lo kam, kit taplaeng daat lo. Ela kon, eta kaa lam, tao nal kit le daid atuil banan dui lo!

Timutius mesa la 4:7

Soleng-soleng oras nol in dehet dahu-dahut man butu-kil nol Ama Lamtua Allah lo ngas deken. Toe muid blalan bihaat in tui le luil bili-ngala ngas deken. Banan dui ka, mana ku apam ma babanan le halin ku nuil muid Ama Lamtua in koma ka, se totoang dasi las.

Timutius mesa la 6:3

Kit in tui man toma ka, daid peke deng lalan in nuli man tao Ama Lamtua dalen kolo. Mo atuil in tui didang deng nia ngas, hutun soleng Lamtua Yesus Kristus in tui man toma ngas.

Timutius mesa la 6:5

Atuil in ela ngas, tao lobo-lau dadahut daat. Oen in nangan na ne daat tas si-sii. Oen nangan taan ol man in toma ka lo son. Nol oen kon nangan noan, eta oen osan banan in daek muid agama la kam, oen bisa daid atuil in muki.

Timutius mesa la 6:6

Meman agama man in toma ka, tao kit le haup ontong tene, sadi kit nuil lolo nol nuil muid Ama Lamtua in koma ka. Hidim dalen kolo nol asa tukun man kit in hapu ngas.

Timutius dua la 3:5

Oen tao el atuil niu ka, molota lo! Ama Lamtua in kuasa ka muik ne oen dalen nas lo. Laok dani nol atuil tuladang ela ngas deken!

Titus 3:8

Auk in teka ni meman baktetebes ela. Asa man auk in tui nia, muik ambak taung atuli li totoang. Tiata ku musti dising atuli las tutungus le daek muid in tui-tikang na nol baktetebes. Totoang atuil in parsai Ama Lamtua ngas musti nuting lalan tutungus le daek sa-saa banan nas.

Ibrani 13:9

Tiata, mi mudi-muid tuun nol in tui kula ngas deken. Ta Ama Lamtua Allah tao teken mi dalen nas, undeng Un tulu Un dalen banan na bel kit son. Na undeng kit daek muid atorang in kaa-ninu ka lo, ta atorang in ela ka muik nahin lo.

Yuhanis mesa la 2:25

Un esa hid kit son noan, mam kit nuling napiut nol Una.

Apan-kloma Hnika Balu 3:12

Atuil in tahang le muid Auk didiin mate ka, mam daad napiut nol Ama Lamtua, banansila el hdin ina mes senan dididi ne Ama Lamtua Allah Uma la. Mam Auk dul Auk Lamtuan na ngala ka, nol Un kota la ngala ka se atuling na apa ka. Kota na, oen noken noan, ‘Yerusalem Balu’, man mam Ama Lamtua niung maa deng sorga. Nol mam Auk kon dul Auk ngalang balu ka se atuling na apa ka.

Apan-kloma Hnika Balu 3:21

Asii man tahang napiut le muid Auk didiin mate kam, mam Auk belen hak le daad prenta leo-leo nol Au. Ta Auk kon tahang didi le muid napiut Auk Amang nga, tiata halas ni Auk daad le kil bandu leo-leo nol Una.