Timutius mesa la 4:12 - Buk Niu In Hida Balu nol Dehet deng Apan-kloma ki in Dadi ka

¹² Nang atuli las le ngat kabaul ku undeng ku in muda bii ka deken. Nang le atuil in parsai ngas not muid se ku; deng ku in aa ngas, ku in mana-koet ta, ku in namnau atuli ka, ku in parsai se Yesus Kristus sa, nol ku in nuil niu ka.

Timutius mesa la 4:12 ပူးပေါင်းရင်းမြစ်များ

Matius 18:10

Yesus tek pait noan, “Doha loo! Tamlom mi ngat kabaul tana-ana blutu in elia ngas sa. Ta Ama Lamtua ima-ii deng sorga doh one. Nol ima-ii nas dadani nol Ama Lamtua Allah, ta oen bisa lapur Un deng asa man in daid nol tana-anang ngas, bling tuun.

Korintus mesa la 11:1

Mi not se au, nol daek muid auk lalan in nuli kia. Ta auk not se Kristus, nol daek muid Una.

Filipi 4:8

Kaka-pali me! Un in puis sa elia: nangan dadahut deken. Mo doh mi in nangan na le nangan dasi-dais man in tom nol Ama Lamtua dalen na, nol nangan dasi-dais banan man tao atuli li dalen kolo. Mi musti nangan lolo-lolo nol niu. Nangan dasi-dais in toma nol in kumis-mina. Nuting lalan le nikit dasi-dais banan nas. Nol nangan totoang dasi-dais banan nas tutungus.

Tesalonika mesa la 1:6

Undeng mi huil le muid Ama Lamtua in koma ka, tiata mi not muid kami, nol not muid Lamtua Yesus kon. Mo dedeng mi in sium Dehet Dais Banan na ka, muik atuli in tao sus mia. Ela kon no, mi nangan nam hutluul lo, undeng Ama Lamtua Koo Niu ka tao mi dalen kolo tutungus.

Tesalonika mesa la 2:10

Mi totoang net esan son nol Ama Lamtua Allah kon neta, noan, dedeng kaim leo-leo nol mi totoang man in parsai son ne ia ngas sa, kaim nulim nol dalen niu, lako-daek nol lolo-lolo, hidim tao kula saa mes lo kon.

Timutius dua la 2:15

Nuklek babanan le tao ku apam ma banansila el atuil in dake, man haup in naka deng Ama Lamtua Allah. Atuil in ela ngas mae deken, undeng un daek un osa la nol babanan son. Ku musti daid atuil in tui lolo-lolo, deng Ama Lamtua in Teka-teka ngas. Ta Un in Teka-teka ngas nam, toma!

Timutius dua la 2:22

Atuil muda kas hlapat nahis, undeng oen in kom naseke ka. Mo Timutius, ku musti doh ku apam ma babanan, le tao muid ku in kom naseke ka deken. Nuting le daek in banan na tutungus. Parsai napiut se Ama Lamtua. Nuil nol in namnau, hidim nuil babanan nol totoang atuli lia. Totoang atuil man in parsai se Ama Lamtua, man nulis nol dalen niu ngas, daek in banan na tutungus. Tiata Timutius, ku in nuli ka musti banansila el one!

Timutius dua la 2:7

Nangan kleta apin nas nol babanan. Mam Ama Lamtua Allah tao ku le nangan taan nas totoang.

Titus 2:15

Tiata Titus, tui nias totoang bel jemaat tas. Beles in makoe le halin oen muid in tuing nas totoang. Asii tao kula kam, tulu belen lalan in toma ka. Atuli li boel ngat kabaul ku deken, undeng ku muik hak le kaing one, nol tek oen deng dais nas.

Titus 2:7

Titus! Ku musti nuil nol babanan, le daid in not taung atuil didang. Ku daek saa tuun kon, musti daken nol in toma, banansila el ku tui atuli las. Ku in tui ka elola lam, daek muid ela! Tao kuti-kuti nol ku in dake ngas deken.

Yakobus 3:13

Atuil in nuting taan lalan, nol nangan taan dais banan mamo muid Ama Lamtua in koma ka, boel nikit-nikit apa ka deken. Ta un in tana ka maa deng Ama Lamtua. Nang le un tulu un in tana ka, nini lalan in nuil lolo tuun.

Yakobus 3:17

Mo nangan tana man in niu maa deng Ama Lamtua ka elia: laih hmunan na un tao kit le nuil niu. Hidim un tao kit le halin komali hlapat lo, keeh tutungus, nol sium atuil didang in nangan. Un isin na kon tao kit le dalen babanan tukun, kom in tulung atuil didang, ngele halin lo, hidim sila-klup nol atuil didang lo.

Petrus mesa la 5:3

Boel prenta dadahut le tao ngele atuil man Ama Lamtua in bel mi son le ator ras deken. Molam mi musti daid in not man banan, le tulu lalan bel one.