Timutius mesa la 1:15 - Buk Niu In Hida Balu nol Dehet deng Apan-kloma ki in Dadi ka

¹⁵ Taom kit ming oe-oe son noan, “Yesus Kristus maa se apan-kloma ki son, le bel boa-blingin atuil in tao kula-sala ngas.” Meman ela baktetebes! Molam deng totoang atuil in daek kula-sala ngas, auk man daat dui hihidi.

Timutius mesa la 1:15 ပူးပေါင်းရင်းမြစ်များ

Matius 1:21

Mam Maria hua tana-ana biklobe mesa. Hidim ku musti ngali Un ngala ka, Yesus, ta mam Un man bel boa-blingin Ama Lamtua Allah atulin nas deng oen in kula-sala ngas.”

Matius 18:10

Yesus tek pait noan, “Doha loo! Tamlom mi ngat kabaul tana-ana blutu in elia ngas sa. Ta Ama Lamtua ima-ii deng sorga doh one. Nol ima-ii nas dadani nol Ama Lamtua Allah, ta oen bisa lapur Un deng asa man in daid nol tana-anang ngas, bling tuun.

Matius 18:11

Mi nangan babanan, ta Auk le bel mi kleta elia: atuli mes muik lae-blai ngatus. Neot mesan na, lae-blai las mes sisa lako muid lalan didang didiin nes. Muid mia lam, atuling in lolo-poa ka musti tao elola la? Taon elola ko un nang soleng lae-blai buk sipa beas sipa kas se leten na dapa, le lako nuting lae-blai man in nes na. Eta un haup pait son nam, un dalen kolo nol in net lae-blai mes man in ilang na, dui deng lae-blai buk sipa beas sipa man in ilang lo ngas. [Au, Atuling Baktetebes nia, kon maang le bel slamat atuil man in liu son deng lalan lolo ka ngas.]

Matius 20:28

Hii ke! Auk kon ela. Au, Atuling Baktetebes nia, maang le lii-lau atuli lia. Auk maang le atuli li lii-lau Auk lo. Molam Auk maang le bel Auk in nuli ki tetema, halin sui puting atuli li deng oen in kula-sala ngas.”

Matius 9:13

Banan dui ka, mi pait le pres babanan Ama Lamtua Allah in Teka-teka, man hmunan nu Un tadu mee-baah Hosea le dulas, noan, ‘Auk in koma ka elia, Auk atulin nas namnau apa mes nol mesa, hidim tulu dael kasiang nol apa. Eta oen tao ela lo kam, hmukit man oen pakes le todan-lahing Au ngas, muik nahin lo.’ Ta Ama Lamtua Allah man tek ela. Auk maang le nuting atuil in nataka apa ka le banan son nas lo, molam Auk maang le nuting atuil banan lo kas.”

Markus 2:17

Mo Yesus ming haup oen in keket ela ka, kon Un situs noan, “Atuil in ili kam, nuting dokter, mo atuil in banan son nas nuting dokter lo. Ta Auk maang taung atuil in banan lo ngas. Mo atuil man nataka apa ka noan, banan son nas lo.”

Lukas 15:2

Net ela kon, atuil Farisi nol guru agama Yahudi las kom lo, le ahan noan, “Idah! Atuling ni nakbuan nol atuil in tom lo ngas sam. In daat dui pait ta, Un daad kaa leo-leo nolas.”

Lukas 19:10

Ta Ama Lamtua Allah nutus Auk daid Atuil Baktetebes se apan-kloma kia. Auk maang le nuting atuil in laok kula son, deng Ama Lamtua lalan na ngas, le beles boa-blingin.”

Lukas 5:32

Auk maang taung atuil in nataka apa ka tom son nas lo. Molam Auk maang taung atuil in tom lo ngas.”

Yuhanis 1:12

Mo totoang atuil man in sium Una, nol parsai se Una ngas, Ama Lamtua beles hak le daid Un anan.

Yuhanis 1:29

Ola ka, Yuhanis ngat tam Yesus laok maa bus una. Kon un aa noan, “Ngat Atuling in maa nu le! Un na mo Ama Lamtua Allah Lae-blai Ana ka, man mam mate le kose soleng atuil apan-kloma ki in kula-sala ngas.

Yuhanis 12:47

Eta muik atuli hii-ming Auk in Teka-teka nias, mo lako-daek mudis lo kam, Auk nutus un hukung nga lo. Ta Auk maang se apan-kloma kia le nutus atuli las hukung ngas lo, molam Auk in koma ka le, bel boa-blingin atuli li deng oen in kula-sala ngas.

Yuhanis 3:36

Tiata atuil in parsai se Aan na ka, haup in nuli man hidi nutus taan lo ka. Mo atuil in parsai se Un lo, nol tao muid Un in hida ka lo ngas, haup in nuli lo, hidim Ama Lamtua Allah tulu Un in komali ka tutungus, nol hukung one.”

Dehet deng Aan in Nutus sas 11:1

Petrus pait bii, mo Yesus anan in nutus tenga las, nol atuil didang man in parsai se Yerusalem mas ming haup noan, atuil Yahudi lo kas kon, sium nal Ama Lamtua Dehet Dais Banan na son.

Dehet deng Aan in Nutus sas 11:18

Ming Petrus siut ela, halas-sam oen bel kula un pait lo. Hidim oen totoang naka-naka Ama Lamtua Allah noan, “Wuih! Leok isi! Ama Lamtua sai lalan son le atuil Yahudi lo kas kon, nang soleng oen in nuil kula-sala ngas, le Ama Lamtua kose soleng, halin oen kon haup in nuli napiut nol Una.”

Dehet deng Aan in Nutus sas 3:26

Ama Lamtua Allah nutus Un Ana man Un in huil nal son na, le tulu lalan, halin mi nang soleng mi in kula-sala ngas. Nini ela, Un tulu Un dalen banan na bel mia. Tiata, Un tulu Un dalen banan na bel mi muna, hidi halas-sam bel bangsa didang ngas lolen. Na daid hangun banan taung kit totoang.”

Roma 11:14

Ta eta auk lako-daek os ni nol babanan nam, tamlom mo auk tao atuil Yahudi lias idus, didiin teng deng one la daek muid Ama Lamtua in koma ka, le haup boa-blingin deng oen in kula-sala ngas sa.

Roma 5:6

Un tulu Un in namnau ka elia: dedeng kit babanan nol Ama Lamtua lo bii ka, kit taan lo, mo Un bel Kristus le mate seda kit in nuil toe muid Ama Lamtua lo ngas. Ama Lamtua man huil oras na.

Korintus mesa la 15:9

Totoang Ama Lamtua atulin in nutus tenga las, muun dui deng au. Eta muid in toma ka lam, auk daid Un atulin in nutus sam, tatai lo. Ta hmunan nu, auk man diku-puang le tao susa-daat saol Ama Lamtua atulin nas se ola-ola.

Efesus 3:8

Deng Ama Lamtua Allah atulin nas totoang, auk niam atuil ana dui. Mo ela kon no, Ama Lamtua huil auk le lako-daek Un os man in muun isi nia. Un in koma ka le, auk tek atuil Yahudi lo kas, deng Kristus dalen in banan isi, man atuli li in nangan hapun lo ka.

Timutius mesa la 1:13

Molota hmunan nu, auk aa dadaat le tao nahu Yesus ngala ka, nol tao susa-daat saol atuli-atuil man in muid Un lalan in nuli ka ngas. Auk tudan-kida oen tutungus. Auk daek dadaat ela undeng oras na, auk nangan taan asa man auk in dakeng nas lo, nol parsai se kit Lamtuan Yesus Kristus lo bii. Mo Ama Lamtua nadidingun auk lo, nol tulu Un in namnau ka bel au. In dudui pait ta, Un tulu bel auk Un dalen banan na tutungus! Un bel auk hangun liis-lasa, le halin auk parsai muun se Una, nol namnau nal atuil didang, banansila el Un in namnau au ka kon.

Timutius mesa la 1:19

Kil dididi ku in parsai Kristus sa. Nol doh le halin nam ku dalem ma niu tutungus. Ta muik atuli deeh dai hii muid oen dalen nas in teka ka pait lo son, man tao oen in parsai ka le sisake banansila el kapal in saek tom baut alo ka.

Timutius mesa la 3:1

Meman atuli las in teka ka toma, “Atuil in le daid tulu in kil jemaat ta, nahin na noan un huil tom os in dake banan isi ka na.”

Timutius mesa la 4:9

In teka-tekang nias toma! Tiata pesang se mi dalen nas nol nadidingun deken.

Timutius mesa la 6:13

Tiata nol ni kon, auk nodan ku le but in hida elia: daek muid Lamtua Yesus in prenta ngas totoang. Boel kaliut in prenta ngas mes deken kon, le halin nam atuli li net ku in tao kula-sala lo ka. Daek muid nas totoang nol baktetebes, didiin kit Lamtuan Yesus Kristus in pait maa kia. Auk nodan le ku hid ela se Ama Lamtua Allah sila-mata. Ta Un man bel hngasa se totoang sa-saa in nuli kias. Auk kon nodan le ku hid ela, se Yesus Kristus sila-mata. Ta Un man tek langa-langa son deng Un apa ka, se gubernur Pontius Pilatus sila.

Timutius dua la 2:11

In teka-tekang nias tom baktetebes: “Eta kit sium noan Kristus mate seda kita lam, na banansila el kit kon mateng le nang soleng in nuli blaan na, hidim mam kit kon nuling leo-leo nol Una.

Titus 3:8

Auk in teka ni meman baktetebes ela. Asa man auk in tui nia, muik ambak taung atuli li totoang. Tiata ku musti dising atuli las tutungus le daek muid in tui-tikang na nol baktetebes. Totoang atuil in parsai Ama Lamtua ngas musti nuting lalan tutungus le daek sa-saa banan nas.

Ibrani 7:25

Yesus bel boa-blingin nal totoang atuil in le maa bus el Ama Lamtua Allah ngas nini Una apa ka esa. Un tao nal ela didiin hidi nutus taan lo. Nol Un daid atuil dalen, man laok saol Ama Lamtua Allah tutungus, le halin tulung one.

Yuhanis mesa la 3:5

Mi taan son noan, Kristus daid atuli, le kose soleng kit in kula-sala ngas. Un daek nal ela, undeng Un sii man tao kula-sala net lo.

Yuhanis mesa la 3:8

Mo in nuil le tao kula-sala tutungus sa, maa deng uikjale kas laih tuan na. Ta uikjale ka taan in daek daat si-sii deng lolo hmunan nua. Tiata Ama Lamtua Ana ka maa, le tao dudus uikjale na in tao dadaat tas son.

Yuhanis mesa la 5:11

Ama Lamtua in Teka-teka ngas isin na elia: Un bel kit in nuil toma man hidi nutus taan lo ka son. Nol kit haup in nuli na, undeng kit parsai se Un Ana ka.

Apan-kloma Hnika Balu 21:5

Hidim Ama Lamtua Allah, man daad se del in kil prenta ka, aa noan, “Tinang babanan, ta Auk tao totoang nias daid balu son.” Hidim Un aa nol auk pait noan, “Dulan tia! Totoang atuli li parsai nal Auk in Teka-teka nia, ta totoang nias meman toma!”

Apan-kloma Hnika Balu 22:6

Hidi na kon, ima-ii na tek auk noan, “Totoang man auk in tek ku son nias, meman baktebes ela. Totoang atuli li boel parsai auk in teka na. Hmunan nua, Ama Lamtua Allah nini Un Koo la, le tek Un Dasin na bel mee-baha las. Mo halas nia lam, Un pake Un ima-ii in deng sorga ngas son, le tek Un atulin nas deng dais nias totoang, man nesang lo ka kam, musti dadis.”

Apan-kloma Hnika Balu 5:9

Hidim oen totoang tao dain balu mes elia: “Eta Lae-blai Ana ni man sium in dula nia lam, toma. Lae-blai Ana ni man muik hak le bok un segel las. Ta Un tom in keo net son. Hidim Ama Lamtua Allah pake Un dala ka, le sui-nahat totoang atuil deng ngala-ngala lias nol bangsa-bangsa lias, halin teng deng one la haup in daid Ama Lamtua atulin. Nini ela lam, atuil deng totoang dasi-dasi lias nol negara-negara lias, haup in daid Ama Lamtua nenan.