Timutius dua la 4:14 - Buk Niu In Hida Balu nol Dehet deng Apan-kloma ki in Dadi ka

¹⁴ Aleksander, atuling man taom daek bis-muti ka, tao dadaat saol au ki bubuit lo. Nang tuun lako, tiam mam Ama Lamtua balas una, muid un in dake-dake ngas.

Timutius dua la 4:14 ပူးပေါင်းရင်းမြစ်များ

Roma 12:19

Kaka-pail in namnau me! Boel balas in daat ta nini daat deken. Nang le Ama Lamtua man ator esa. Ta Un koon-mali, eta atuli daek dadaat, banansila el in dul ne Buk Niu ka noan, “Kit Lamtuan na esa tek noan, Auk man muik hak le balas in daat tas. Ta Auk man bel hukung atuli li in daat tas.”

Roma 2:6

Mi in nuli ka elola lam, mam Ama Lamtua balas mi muid na.

Tesalonika dua la 1:6

Lii deken, ta Ama Lamtua nutus dasi lam, nol in toma. Ngat te! Ta mam Un balas atuli-atuil man in tao susa-daat saol mia ngas.

Timutius mesa la 1:20

Himeneus nol Aleksander kon tuladang ela! Tiata auk sao soleng oen lakos se uikjale kas tuang tene ka. Auk tao ela, le tui one, halin oen tenes deng in tao didaan Ama Lamtua ngala ka.

Timutius dua la 4:15

Ku musti doha-doh nol atuling na, ta un labang nol kit in teka-teka ngas.

Yuhanis mesa la 5:16

Eta ku net ku pail-kakam mes tao kula, man tao un le mate lo kam, banan dui ka ku kohe-kanas se Ama Lamtua Allah, le halin Ama Lamtua bel slamat una. Auk in aa ni nahin na elia, muik kula dehe, man tao atuli li le mate lo. Nol muik in kula deeh tao nal atuli li le mate. Mo in kula man tao nal atuli li le mate ka, auk tadu le kohe-kanas lo.

Apan-kloma Hnika Balu 18:20

Hidi nam, faal tene na aa taplaeng noan, ‘Hoe, mi in nuil ne sorga! Mi dalen nas lukit bakun tia. Hoe, Ama Lamtua atulin nas! Mi dalen nas boel sus bakun tia. Hoe, Ama Lamtua atulin in nutus son nas! Nang le mi dalen nas kolo'. Hoe, Ama Lamtua mee-baha las! Nang le mi dalen nas kolo'. Hmunan nu, Babel atulin nas tao sus mia. Hmunan nu, kota na tudan-kida mia. Mo halas ni, Ama Lamtua balas mi in susa-daat ta son. Nol Un kon balas kota na atulin nas in daek dadaat ta son.’ ”

Apan-kloma Hnika Balu 18:6

Tiata musti balas oen in daat ta, el asa man oen in daek dadaat saol atuil didang son na. Mo mi in balas one ka, musti didiin lalis dua. Hmunan nu oen nole atuli, le niun deng oen cangkir lil-mea, man inu nol anggor in susa-daat ta. Mo halas ni oen esan, man musti niun anggor in susa-daat na, lalis dua.

Apan-kloma Hnika Balu 6:10

Oen haman tek noan, “Eee Ama Lamtua, kaim Lahin Tuan man in muun isi ka! Laih Tuan man in niu! Asa man Ama Lamtua in teka ka, kaim parsain. Mo kaim musti natang le bling pait halas-sam, Ama Lamtua nutus atuil in keo kaim se apan-kloma ki ngias dasi la, nol hukung one la?”