Timutius dua la 3:8 - Buk Niu In Hida Balu nol Dehet deng Apan-kloma ki in Dadi ka

⁸ Ku nangan net dehet deng Yanes nol Yamres sa, ta lo? Dedeng na, oen duas labang nol upung Musa. Guru nias tuladang el oen duas kon. Oen labang nol in tui toma ngas. Oen in nangan nas daat son, nol oen in parsai ka tom lo son.

Timutius dua la 3:8 ပူးပေါင်းရင်းမြစ်များ

Dehet deng Aan in Nutus sas 15:24

Kaim dul surat nia, undeng kaim ming noan, muik atuli at ila lo deng Yerusalem, tias tutnaal nol mi son. Oen tui mi dadahut didiin tao sus mia, nol tao mi le nangan hapun lo. Sadi mi taan tuun, ta kaim nutus net atuil nas lo.

Roma 1:28

Oen muik in nangan noan, “Banan dui ka, kit butu-kil nol Ama Lamtua deken.” Undeng na le Ama Lamtua nang soleng oen ela tuun, le oen tao muid oen in koma-koma ngas! Tiata oen suma taan in nangan dadaat sii! Hidim oen lako-daek dais man in tom lo ngas!

Roma 16:18

Oen daek bel kit Lamtuan Yesus Kristus lo. Oen suma daek le oen siis man haup un isin na. Oen dasin nas kumis-mina nol atuil in nangan taan isi lo bii deng ol man banan, nol ol man daat tas. Oen aa kam kumis-mina le nole-lilung atuli.

Timutius mesa la 1:19

Kil dididi ku in parsai Kristus sa. Nol doh le halin nam ku dalem ma niu tutungus. Ta muik atuli deeh dai hii muid oen dalen nas in teka ka pait lo son, man tao oen in parsai ka le sisake banansila el kapal in saek tom baut alo ka.

Timutius mesa la 4:2

Atuil in maa tui ela ngas, aa kam kisa, mo dake lam kisa. Oen nam atuil in nole-lilung daat! Atuil nas koo-dalen nas meman tedos son.

Timutius mesa la 6:5

Atuil in ela ngas, tao lobo-lau dadahut daat. Oen in nangan na ne daat tas si-sii. Oen nangan taan ol man in toma ka lo son. Nol oen kon nangan noan, eta oen osan banan in daek muid agama la kam, oen bisa daid atuil in muki.

Timutius dua la 4:15

Ku musti doha-doh nol atuling na, ta un labang nol kit in teka-teka ngas.

Titus 1:10

Muik atuli mamo man aa kam muik tula-peke lo, nole-lilung daat, nol labang dehet in toma ngas. Dudui pait atuil Yahudi man tek noan, totoang atuil in kom le haup boa-blingin nas, musti sunat.

Titus 1:16

Oen tek le oen taan Ama Lamtua Allah. Molota oen in nuli ka banansila el in taan Un lo ka. Oen aa kam kisa mo dake lam kisa. Meman oen nam atuil daat! Oen dai muid Ama Lamtua in koma ka lo. Atuil in tuladang ela ngas daek nal sa-saa banan nas lo!

Petrus dua la 2:14

Oen matan nas ngat nuting bihaat man tade le len-langan nol one ngas. Oen in nuli ka suma daek sa-saa daat sii. Oen kom in nuting atuil man in parsai se Ama Lamtua muun lo bii ngas, le neleng halin muid oen in tao dadaat tas. Oen kom naseke, tiata oen nuting lalan tutungus le kat atuil didang sa-saa. Taon elola ko, mam Ama Lamtua in hukung one ka ngele isi.

Yuhanis mesa la 2:18

Ana-ana me! Leol kiamat ta maa dadani son. Mi ming son noan, atuil in labang Kristus sas mam puit maas. Molota oen muik meman son. Ta muik in labang Kristus son ne ola-ola. Na daid tada noan, leol kiamat tas maas dadani son.

Yuhanis mesa la 4:1

Aan in namnau me! Boel sium ela tuun deken, eta atuli tek noan un kil in hida deng Ama Lamtua Allah. Mi musti tinang babanan le halin tanan noan, un in aa na baktetebes maa deng Ama Lamtua, tamlom lo ka. Ta halas ni muik atuil in nole-lilung daat mamo laok papmes apan-kloma ki son. Oen nole-lilung atuil noan, oen nam mo mee-baah deng Ama Lamtua Allah.

Apan-kloma Hnika Balu 2:20

Mo mi nahim ne dasi mesa: mi sium bihatang in ngaal Isabel la babanan, man naka-naka apa ka noan, un na mo Ama Lamtua mee-baha. Hidim mi nang un le tui in kula bel Auk atulin nas. Undeng un in tui liun na, tiata Auk atulin nas tao muid le nong dadahut, nol kaa kakaat in hui-langus sas.

Apan-kloma Hnika Balu 2:6

Mo Auk daleng ngi kolo bubuit, undeng mi hutun soleng Nikolai in tui man un ima-ii las lako-daek mudin na. Auk kon hutun soleng oen in lako-dakeng nas.