Timutius dua la 3:5 - Buk Niu In Hida Balu nol Dehet deng Apan-kloma ki in Dadi ka

⁵ Oen tao el atuil niu ka, molota lo! Ama Lamtua in kuasa ka muik ne oen dalen nas lo. Laok dani nol atuil tuladang ela ngas deken!

Timutius dua la 3:5 ပူးပေါင်းရင်းမြစ်များ

Matius 7:15

“Doha-tiud nol atuil in nole-lilung daat, man nikit bali apan nas noan, oen nam mo Ama Lamtua mee-baha. Ta oen hlak le tao apan nas banan, tuladang el lae-blai ka. Molota oen in daat ta banansila el ngot huin, man maa le kaa lae-blai las sa.

Tesalonika dua la 3:14

Mi tadas babanan atuil in dai muid asa man kaim in dul son, ne surat ni dalen ni ngias se. Toe mudis deken, le halin nam oen mae bali apan.

Tesalonika dua la 3:6

Kaka-palis totoang! Hii ke, auk tek mi meman nini Lamtua Yesus Kristus ngala ka. Mi laok nakbuan nol atuil os daat man tupu-talas lako-pait tuun nas deken. Ta oen not muid kaim in daek mumuun ni lo.

Timutius mesa la 4:7

Soleng-soleng oras nol in dehet dahu-dahut man butu-kil nol Ama Lamtua Allah lo ngas deken. Toe muid blalan bihaat in tui le luil bili-ngala ngas deken. Banan dui ka, mana ku apam ma babanan le halin ku nuil muid Ama Lamtua in koma ka, se totoang dasi las.

Timutius mesa la 4:8

Mana le tao tes kit aap-inan nia ki nam, banan. Mo ambak ka bubuit tuun. Molam mana apan le nuil muid Ama Lamtua in koma, se totoang dasi las dalen na, muik ambak mamo. Un ambak ka suma in nuil se apan-kloma hahalas nia ki sii lo, molam se in nuli man pait maa ku kon.

Timutius mesa la 5:8

Mo eta muik atuli dai papa-paiduil un nen esan nas lo, dudui pait ta un uma isin nas lo kam, na banansila el un kat soleng un in parsai Ama Lamtua ka son. Un daat dui atuil in taan Ama Lamtua Allah lo ngas.

Timutius mesa la 6:5

Atuil in ela ngas, tao lobo-lau dadahut daat. Oen in nangan na ne daat tas si-sii. Oen nangan taan ol man in toma ka lo son. Nol oen kon nangan noan, eta oen osan banan in daek muid agama la kam, oen bisa daid atuil in muki.

Timutius dua la 2:16

Hoen nodat ku apam ma kakatang deng dehet man muik tula-pekeng lo ngas, nol deng dehet man in todan Ama Lamtua lo ngas. Ta nas suma tao atuli li le daat taplaeng.

Timutius dua la 2:23

Auk tek ulang ku pait! Laok dehet tupang nol dais man muik tula-pekeng lo ngas deken. Ta nas totoang suma tao atuli li le keng apa tukun.

Titus 1:16

Oen tek le oen taan Ama Lamtua Allah. Molota oen in nuli ka banansila el in taan Un lo ka. Oen aa kam kisa mo dake lam kisa. Meman oen nam atuil daat! Oen dai muid Ama Lamtua in koma ka lo. Atuil in tuladang ela ngas daek nal sa-saa banan nas lo!

Titus 3:10

Laok tui-tikang atuil man in tao jemaat tas le lail bakisan apa ngas. Etan oen tao ela nabale lam, kaing oen nol mumuun. Mo eta oen tao napiut nabael ela lam, toe nolas bakun na.