Timutius dua la 3:3 - Buk Niu In Hida Balu nol Dehet deng Apan-kloma ki in Dadi ka

³ namnau taan atuil lo, dai daem nol atuil lo, kom in tao didaa atuil didang ngaal banan, tahang nal apa lo, kom in tao susa-daat saol atuli, kom in banan nas lo,

Timutius dua la 3:3 ပူးပေါင်းရင်းမြစ်များ

Dehet deng Apan-kloma ki in Dadi ka 49:7

Tiata halas ni, auk bahang mi oen-lalin daat na, lole mi lai-lisin son! Nol mi in komali ka, muik tahan in nangan namnau bubuit lo kon. Mam mi lepa-haal esan mi in daat na. Mam Ama Lamtua Allah hising soleng mi in hua-koet tas, le oen lakos daad holhising se ola-ola, se dale Israel.

Matius 10:21

Mam mi tinang esan tuun, tiam se uma mes dalen, eta muik atuli in parsai se Au kam, un kaka-palin nas esan man nuting lalan le keo tele una. Hidim etan ana mes man parsai se Au lam, mam un ama ka esa man keo una. Eta ina-aman nas parsai se Au lam, mam oen anan nas esan man keo tele one.

Matius 4:1

Hidi na kon, Ama Lamtua Allah Koo Niu ka kil nol Yesus lako se maan in ete tuun mesa, le halin uikjale kas laih tuan na sob Una.

Lukas 10:16

Nangan bana-banan! Ta atuil in hii-ming mia ngas, oen kon hii-ming se Au. Nol atuil man dai hii-ming se mi lo ngas, oen kon hii-ming se Auk lo. Taplaeng pait, atuil man dai hii-ming se Auk lo ngas, oen dai hii-ming lo se Ama Lamtua Allah, man nutus Auk son le maang se apan-kloma kia ka.”

Lukas 16:14

Dedeng na, muik atuil Farisi at ila lo man muid le hii Yesus in dehet apin na. Kon oen bilu-aa Una, undeng oen kom duit naseke.

Yuhanis 6:70

Yesus tek oen noan, “Auk huil nal mi atuli at hngul dua son. Mo nangan ne! At mes deng mia li banansila el uikjale ka!”

Roma 1:29

Oen in nuli ka inu nol daat bili-ngala. Oen daek tahan banan na lo, mo suma taan in daek daat si-sii. Oen kom naseke. Oen pesang dael nol atuli. Oen idus-neo daat. Oen keo atuli. Oen kaen apa tutungus. Oen nole-lilung daat. Oen bilu-aa dadahut.

Roma 1:31

Oen dai taan asa man in toma ka lo. Oen kaliut oen in hida ngas esan, didiin atuli parsai oen pait lo. Oen namnau taan atuil lo. Oen muik tahan in kasiang atuli bubuit lo kon.

Korintus mesa la 7:5

Tiata mi hutun apa deken, ta mi duam muik hak leo-leo! Mo eta mi le kohe-kanas tukun, nol nangan dais didang ngas lo kam, tahang bubuit le niin nol apa deken. Sadi sapa-biklobe nol sapa-bihata li aa nol apa babanan le, halin mi duam muid apa. Nol eta oras in kohe-kanas sa hidi son nam, banan dui ka oen duas lalaba le niin nakbuan nol apa pait tia. Ta eta ela lo kam, daat! Lole uikjale kas tuang nga hanet nal atuil in keeh nal apa ka lo ka.

Korintus mesa la 7:9

Mo etan tahang nal apan lo kam, banan dui ka saap tuun tia. Banan dui ka atuli li sapa, ta lo kam un in kom naseke ka esa man tao didaan una.

Tesalonika mesa la 4:8

Undeng na, asii man muid in tui ni lo kam, un hutun kaim siim tuun lo, molam un kon hutun Ama Lamtua Allah, man niung bel mi Un Koo Niu ka son na.

Timutius mesa la 3:11

Ela kon nol oen sapan nas. Oen nam musti bihaat man in nuil toma nol nuil babanan. Man in bilu-aa le tao didaa atuil didang ngalan nas deken. Oen kon musti tahang nal apan, nol atuli li kon parsai nal one.

Titus 1:8

Atuil in kil jemaat tas musti kom in sium atuli li nol babanan. Oen musti kom banan na; nangan blatas; nutus dasim lolo; dalen niu; nol in tahang nal apan nas.

Titus 2:3

Ela kon nol bihata-bihaat in blalan son nas. Tekas le doh oen in dili-dada ka babanan, nol nuil muid Ama Lamtua in koma ka tutungus. Dehet le tao didaan atuil didang ngaal banan deken. Tao nahu apan nol in niun tua mali deken. Molam oen musti tui atuli las le nuil nol babanan.

Yakobus 2:6

Mo nini mi in huil sila ela ka, mi tao nahmaeng atuil kasiang ngas son na. Molota oen daek dadaat saa saol mi lo. Mi nadidingun ne? Atuil in muki ngas man tao mi le nangan dadaat ela na. Nol oen nam man nuting dais nol mia, le pel-lakang mi lakom se maan in nutus dasi kua. Oen man haup un in kumis sa, mo mi man haup un oon na.

Petrus dua la 2:14

Oen matan nas ngat nuting bihaat man tade le len-langan nol one ngas. Oen in nuli ka suma daek sa-saa daat sii. Oen kom in nuting atuil man in parsai se Ama Lamtua muun lo bii ngas, le neleng halin muid oen in tao dadaat tas. Oen kom naseke, tiata oen nuting lalan tutungus le kat atuil didang sa-saa. Taon elola ko, mam Ama Lamtua in hukung one ka ngele isi.

Petrus dua la 2:19

Atuil in nole-lilung ngas hid noan, “Eta mi hii-ming se kami lam, muik in butu-kil mia lo, le mi tao muid mi in koma ngas esan tuun!” Mo atuil in aa ela ngas, banansila el ata man sas-sao nal apan nas lo, deng oen in daat tas. Ta atuil in nang dasi mes le mana-koet una ka, un daid ata deng dais na son.

Petrus dua la 3:3

Nangan eli muna le: apan-kloma ki kiamat lo bii, mo atuil in bilu-aa ngas tao dadahut muid oen in koma-koma ngas tuun. Oen aa le tao didaan totoang dais in toma ngas.

Yudas 1:16

Atuil in taam son ne mi hlala ngas, suma taan in muhmemen le kaen apa tutungus. Oen taan in tukut-klaa nol atuli si-sii. Oen toe muid Ama Lamtua in koma ka lo, le tao muid oen in koma-kom isi ngas esan tuun. Oen suma kom in aa le nikit-nikit apan nas. Oen kom in nuting sila le kat atuli dalen, halin oen haup muid oen in koma ngas.

Apan-kloma Hnika Balu 13:15

Ama Lamtua kon bel nodat hmukit in nole-lilung daat na, le bel hngasa se bangat na halin un nuli. Nini ela lam bangat na aa nala, le prenta halin keo totoang atuil man dai hui-langus se un lo ngas.

Apan-kloma Hnika Balu 13:17

Ta etan lo kam, oen boel sosa-hee sa-saa lo. Hmarat na, dul hmukit nomer mesa la ngala ka, nol un nomer ra.

Apan-kloma Hnika Balu 16:6

Atuli las boho Ama Lamtua atulin nas dalan nas son. Atuli las keo tele Ama Lamtua mee-baha las son. Undeng na le, Ama Lamtua dising le oen kon niun daal na son. Tiata Ama Lamtua in balas hukung bel one ka, toma.”

Apan-kloma Hnika Balu 17:6

Hidim auk ngat tam bihatang na mahu ngele isi son, lole un niun Ama Lamtua Allah atulin nas dala nas. Nahin na noan, un keo tele Ama Lamtua Allah atulin nas son, undeng oen teen in aa deng Yesus lo. Ngat net ela kon, auk ngaa-bahang tuun nol herang isi.