Timutius dua la 2:22 - Buk Niu In Hida Balu nol Dehet deng Apan-kloma ki in Dadi ka

²² Atuil muda kas hlapat nahis, undeng oen in kom naseke ka. Mo Timutius, ku musti doh ku apam ma babanan, le tao muid ku in kom naseke ka deken. Nuting le daek in banan na tutungus. Parsai napiut se Ama Lamtua. Nuil nol in namnau, hidim nuil babanan nol totoang atuli lia. Totoang atuil man in parsai se Ama Lamtua, man nulis nol dalen niu ngas, daek in banan na tutungus. Tiata Timutius, ku in nuli ka musti banansila el one!

Timutius dua la 2:22 ပူးပေါင်းရင်းမြစ်များ

Dehet deng Aan in Nutus sas 7:59

Oen pasang Stefanus mamasu lam, un haman mumuun le tek noan, “Lamtua Yesus! Auk oras si maa dadani son. Sium auk tia!”

Dehet deng Aan in Nutus sas 9:14

Babalun ni auk ming pait noan, tene-tene deng tulu agama las bel un kuasa, le maa daek nuli atuil man in nuil muid Lamtua Yesus Lalan in Nuli ka ngas.”

Roma 14:17

Nangan babanan! Ta Ama Lamtua Allah nam, kit Lahin. Mo kit daid Lahing na atulin, suma undengan kit in kaa-niun muid atorang nga tuun na lo. Ta eta kit le daid Lahing na atulin nam, kit musti daek asa man in toma ka, kit dalen niu, kit nuil lolo-lolo nol dame, nol kit dalen kolo. Totoang nias dadis, eta kit butu-kil tutungus nol Ama Lamtua Koo Niu ka.

Roma 14:19

Tiata, kit musti dil dididi le nuil daem nol apa, hidim tao teken apa dale.

Korintus mesa la 1:10

Kaka-pail in namnau me! Se dais ni dalen, auk aa nini kit Lamtuan Yesus Kristus ngala. Tiata, auk nodan nol baktetebes le mi pesang deng in kaen apa ka tia. Molam nuklek le mi nuil dalen mesa, nol bakisan apa deken. Mi musti nangan blatas leo-leo, halin mi nangan taan noan, mi leo-leo kil ne in nangan mes sii.

Korintus mesa la 1:2

Auk dul surat ni bel mia, man daid Ama Lamtua Allah atulin in parsai se kota Korintus. Un huil nal mi son, le daid Un atulin in niu, undeng mi parsai se Yesus Kristus son. Un kon tao mi le daid niu banansila el totoang atuil in parsai tenga las. Ta oen kon nodan tulung son, se kit Lamtuan Yesus Kristus, man Ama Lamtua Allah hid meman son, lolo hmunan nua, le belen maa ka. Hidim Un daid Lamtua, taung kit nol one.

Korintus mesa la 10:14

Tiata, kaka-pail in namnau me! Eta atuli dising mi le todan se in hui-langus sas sam, lail putim deng maan na tia! Pansaban deken!

Korintus mesa la 14:1

Nukleka le namnau apa se totoang dasi las dalen. Ta muik dais didang man muun dui deng in namnau ka pait lo son. Nuting lalan le Ama Lamtua Koo la bel mi kuasa nol karunya, le halin mi lako-daek nal dasi-dais banan nas. Mo in leok dui pait ta, mi haup karunya le nahdeh deng Ama Lamtua in hida ka.

Korintus mesa la 6:18

Etan ku haup dola le len-langan nol atuli-bihata man ku sapam lo kam, lail kakatang! Atuli li tao in kula bili-ngala man tao didaan oen apan nas esan, nol tao didaan atuil didang kon. Mo atuil in nong daat ta, tao didaan un apa ka esa.

Timutius mesa la 1:5

Auk tui-tek ku elia, le halin nam ku tui atuil in parsai ngas, le oen nuil nol in neka-namnau apa nini dael niu, in nangan lolo, nol deng in parsai baktetebes.

Timutius mesa la 2:8

Auk in koma ka elia: se ola-ol le eta mi nakbua halin kohe-kanas sam, mi dalen nas musti babanan nol apa. Komali nol apa deken. Kaen apa deken. Eta nikit iman le kohe-kanas se Ama Lamtua Allah lam, mi dalen nas musti niu baktetebes muna le.

Timutius mesa la 4:12

Nang atuli las le ngat kabaul ku undeng ku in muda bii ka deken. Nang le atuil in parsai ngas not muid se ku; deng ku in aa ngas, ku in mana-koet ta, ku in namnau atuli ka, ku in parsai se Yesus Kristus sa, nol ku in nuil niu ka.

Timutius mesa la 6:11

Timutius! Ku niam mo Ama Lamtua Allah nena. Tiata ku bian kakatang deng in daat tas totoang. Nuil niu. Nuil le tao Ama Lamtua dalen kolo se totoang dasi las dalen. Parsai napiut se Yesus Kristus. Namnau papmes atuli lia. Tahang mumuun se in susa dalen. Nuil babanan nol totoang atuli lia.

Ibrani 12:14

Kaka-pail in parsai se Kristus! Mi musti nuklek mumuun le nuil daem apa, mes nol mesa. Nol nukleka le nuil niu. Ta atuil in niu lo ka, haup in net Ama Lamtua Allah lo.

Petrus mesa la 2:11

Kaka-pail in namnau me! Mi niam, suma daad tahang tuun se apan-kloma kia. Lole mi banansila el atuil in laok-maa deng nusa didang. Undeng na, auk nodan mia, le halin mi banansila el atuil didang in ne apan-kloma ki ngias deken, man tao dadaat muid oen in koma-koma ngas tukun. Ta mi dalen nas in kom le daek dadaat ta, labang nol in kom le daek babanan na. Tiata nang in kom le tao dadaat ta nal mi deken. Ta lo kam, mi dudus son na!

Petrus mesa la 3:11

Un musti pesang, le tao dadaat pait bakun na, mo hobalin le daek in toma ngas tuun. Un musti nuting lalan le daem nol totoang atuli lia, hidim nuil babanan nol one.

Yuhanis tilu la 1:11

Kaka in namnau! Ku musti not atuil in daek dais banan na. Mo boel not atuil in daek dais daat ta deken. Ta atuil in daek dais banan na, Ama Lamtua Allah atulin. Mo atuil in daek dais daat ta, taan Ama Lamtua Allah lo.