Timutius dua la 2:14 - Buk Niu In Hida Balu nol Dehet deng Apan-kloma ki in Dadi ka

¹⁴ Tek nuting atuil in parsai ngas, le halin oen nadidingun dais nias totoang deken. Lok oen nini Ama Lamtua Allah ngala ka, le oen teen in kaen apa deng dasi las nahin na tia. Ta nas totoang muik nahin saa lo. Suma tao didaan atuil in hii-ming deng one ngas tuun.

Timutius dua la 2:14 ပူးပေါင်းရင်းမြစ်များ

Matius 16:26

Hii ke! Eta ku haup apan-kloma ki isin nas totoang, mo Ama Lamtua Allah hutun soleng ku lam, ku in ulat ti saa la? Ku lep lai-niin apan-kloma ki isin nas totoang kon no, nas seda nal ku hmangim ma lo!

Dehet deng Aan in Nutus sas 13:10

“Hoe, Elimas! Ku niam mo, uikjale ana! Ku nole-lilung daat! Ku tipu-dai atuli li didiin bling pait ta! Ku labang totoang in banan nas. Undeng ela, kaim taan noan ku muid uikjale kas laih tuan na. Ku tao pait ela bakun na. Ku soba-naan le palan kele Ama Lamtua lalan lolo ka deken!

Dehet deng Aan in Nutus sas 15:24

Kaim dul surat nia, undeng kaim ming noan, muik atuli at ila lo deng Yerusalem, tias tutnaal nol mi son. Oen tui mi dadahut didiin tao sus mia, nol tao mi le nangan hapun lo. Sadi mi taan tuun, ta kaim nutus net atuil nas lo.

Roma 14:1

Tod mi in nas le sium atuil in parsai se Ama Lamtua son, mo un in parsai ka didi lo bii, nol un nangan taan dasi mamo lo bii ka, nol babanan. Kaen apa nol un in nangan na deken. Nang le un daid mi tapan tuun.

Galatia 1:7

man tom lo ngas sia? Hmunan nu, auk tui deng Yesus Kristus Dehet Dais Banan man in toma ka son. Mo halas ni atuil in nole daat tas maas, le tui liun didaa Dehet Dais Banan na son, didiin tao mi le nangan tanan lo.

Efesus 4:17

Hii babanan asa man auk in le tek mi kia, undeng auk Lamtuan na esa man tek au. Mi nuil pait banansila el atuil in taan Ama Lamtua Allah lo ngas deken. Ta asa man oen in tao ka, muid oen in ngengo ka tuun.

Tesalonika mesa la 4:1

Tiata elia kaka-pali me! Kaim hanet mi le halin mi in nuli ka tao Ama Lamtua Allah dalen kolo, tuladang el kaim in tui mi son na. Mi in nuli ka meman muid nas totoang son, mo undeng kit niam daid Lamtua Yesus nenan son, tiata kaim nodan le mi nuklek muun dui pait.

Tesalonika dua la 3:6

Kaka-palis totoang! Hii ke, auk tek mi meman nini Lamtua Yesus Kristus ngala ka. Mi laok nakbuan nol atuil os daat man tupu-talas lako-pait tuun nas deken. Ta oen not muid kaim in daek mumuun ni lo.

Timutius mesa la 1:4

Hidim atuli las kon soleng oras ela tukun, le laok nahdeh apa deng dehet man in muik nahin lo. Oen kon kaen apa tutungus se in tik dehet deng in hua-koet tas. Dais tuladang ela ngas suma tao atuli li le keng apa tukun, hidim tao oen le nuil nol in parsai se Ama Lamtua Allah lo.

Timutius mesa la 1:6

Mo muik guru teng sisa katang son, le nang soleng in tui-tikang nas. Oen soleng oras le kaen apa tutungus nol aa dahu-dahut si-sii.

Timutius mesa la 4:8

Mana le tao tes kit aap-inan nia ki nam, banan. Mo ambak ka bubuit tuun. Molam mana apan le nuil muid Ama Lamtua in koma, se totoang dasi las dalen na, muik ambak mamo. Un ambak ka suma in nuil se apan-kloma hahalas nia ki sii lo, molam se in nuli man pait maa ku kon.

Timutius mesa la 5:21

Lako-daek atorang nias totoang se jemaat tas nol in huil sila deken, hidim ngele halin deken. Auk tapa bel ku os ni se ku imam ma, se Ama Lamtua Allah nol Yesus Kristus sila-mata. Ima-ii man Ama Lamtua huil nal son ne sorga nguas kon, daid saksi.

Timutius mesa la 6:13

Tiata nol ni kon, auk nodan ku le but in hida elia: daek muid Lamtua Yesus in prenta ngas totoang. Boel kaliut in prenta ngas mes deken kon, le halin nam atuli li net ku in tao kula-sala lo ka. Daek muid nas totoang nol baktetebes, didiin kit Lamtuan Yesus Kristus in pait maa kia. Auk nodan le ku hid ela se Ama Lamtua Allah sila-mata. Ta Un man bel hngasa se totoang sa-saa in nuli kias. Auk kon nodan le ku hid ela, se Yesus Kristus sila-mata. Ta Un man tek langa-langa son deng Un apa ka, se gubernur Pontius Pilatus sila.

Timutius dua la 1:6

Dedeng auk nene imang nga se ku bom ma le kohe-kanas bel ku ka, oras na Ama Lamtua nikit ku le halin nam ku daek nal taung Una. Tiata nol nia, auk nodan le ku pake karunya man ku hapun son deng Ama Lamtua ka, nol muun dui pait.

Timutius dua la 2:16

Hoen nodat ku apam ma kakatang deng dehet man muik tula-pekeng lo ngas, nol deng dehet man in todan Ama Lamtua lo ngas. Ta nas suma tao atuli li le daat taplaeng.

Timutius dua la 2:23

Auk tek ulang ku pait! Laok dehet tupang nol dais man muik tula-pekeng lo ngas deken. Ta nas totoang suma tao atuli li le keng apa tukun.

Timutius dua la 4:1

Mam Yesus Kristus pait maa se apan-kloma kia, le kil bandu banansila el lahi ka. Atuil in nuil nabale ngas tamlom, atuil in maet son nas, leo-leo laok situ-tal se Una, le halin Un nutus oen dasi las. Undeng na, se Ama Lamtua Allah nol Yesus Kristus sila, auk nodan ku nol baktetebes, le ku musti laok tek atuli las deng Ama Lamtua Allah Dehet-dasin na. Boel nangan noan un oras sa banan tam lo ka deken. Tulu bel atuli las in kula-sala ngas. Mo kaing oen nol babanan nini in kehe. Tao kuat-tes atuli li dalen nini dais in tui man toma ngas.

Titus 3:1

Tek nuting jemaat tas, le hii-ming se atuil in kil bandu ngas, nol atuli-atuil in kil tingin nas. Hidim oen musti muid atorang ngas nol siap tutungus le daek sa-saa banan nas.

Ibrani 13:9

Tiata, mi mudi-muid tuun nol in tui kula ngas deken. Ta Ama Lamtua Allah tao teken mi dalen nas, undeng Un tulu Un dalen banan na bel kit son. Na undeng kit daek muid atorang in kaa-ninu ka lo, ta atorang in ela ka muik nahin lo.

Petrus dua la 1:13

Auk nang le mi nadidingun lo. Auk le tek nuting mia, le mi nangan dais nias tutungus. Ta auk nuling nabael se apan-kloma kia lam, meman toma, eta auk tek dais nias bel mia.