Timutius dua la 1:9 - Buk Niu In Hida Balu nol Dehet deng Apan-kloma ki in Dadi ka

^9-10 Undeng Ama Lamtua man bel boa-blingin kit deng kit in kula-sala ngas. Nol Un huil nal kit son, le daid Un atulin man niu'. Un tulu Un dalen banan na bel kita, undeng Un namnau kita. Molota kit tao sa-saa mes lo kon, man tatai le kit sium Un in banan na. Ama Lamtua koet apan-kloma ki lo bii kam, Un nutus son le bel Yesus Kristus maa, le tulu Un dalen banan na, nol bel boa-blingin kita. Hidim Yesus Kristus maa son, le tek puting bel kit Un in nangan nas, nol Un kon tao dudus hmate ka in kuasa ka son! Ni man daid Dehet Dais Banan! Tiata, asii parsai se Yesus Kristus sam, un mate napiut lo ka. Molam nuli napiut nol Ama Lamtua Allah.

Timutius dua la 1:9 ပူးပေါင်းရင်းမြစ်များ

Matius 1:21

Mam Maria hua tana-ana biklobe mesa. Hidim ku musti ngali Un ngala ka, Yesus, ta mam Un man bel boa-blingin Ama Lamtua Allah atulin nas deng oen in kula-sala ngas.”

Lukas 10:21

Dedeng na, Ama Lamtua Koo Niu ka tao Yesus dalen kolo. Hidim Un naka Ama Lamtua noan, “Papa! Paap man daid Tuang Tene se apan-dapa kua nol apan-kloma kia. Auk nodan mamo-mamo, undeng Paap hep kele dais nias deng atuil man in tao apa ka noan tana, nol atuil in nikit-nikit apan na ngas. Mo Paap sai dais nias totoang bel tana-ana ngas, nol atuil in tao dalen deng dadale ngas. Baktebes Papa! Ta na man tao Paap dalen kolo!”

Yuhanis 17:24

Papa, Auk in koma ka le totoang atuil man Paap in sao bel Auk son nas, leo-leo nol Au. Auk kon in koma ka le, oen net Paap in nikit Auk lapa-lapa ka. Ta Paap namnau Auk meman son, se dedeng Kit in daek apan-kloma ki lo bii ka.

Yuhanis 17:9

Auk kohe-kanas bel one. Auk kohe-kanas bel totoang atuil in se apan-kloma ki ngias lo. Molam Auk kohe-kanas bel atuil man Paap in sao bel Auk son nas, lole oen nam Paap nenan.

Yuhanis 6:37

Molota totoang atuil man Auk Amang ngu in huil nal son, le daid Auk atulin nas, mam maas se Au lia. Nol eta muik atuli in maa se Au lia kam, taon elola ko Auk nulut soleng lo.

Dehet deng Aan in Nutus sas 2:47

Lelo-lelom oen totoang naka-nahalit Ama Lamtua Allah tutungus. Totoang atuil in nakbuan nol oen lo ngas kon, kom oen isi. Lelo-lelom Ama Lamtua Allah bel slamat atuli, hidim oen tamas le nakbua nol Lamtua Yesus atulin nas. Tiata oen mamo keko lako.

Roma 11:14

Ta eta auk lako-daek os ni nol babanan nam, tamlom mo auk tao atuil Yahudi lias idus, didiin teng deng one la daek muid Ama Lamtua in koma ka, le haup boa-blingin deng oen in kula-sala ngas sa.

Roma 11:29

Ta eta Ama Lamtua bel sa-saa mes son nam, Un kat pait lo ka. Nol eta Un tek atuli li son noan, “Maa le muid Au! Maa le tamam daid Auk atulin tia!” Lam, Un nulut soleng oen pait lo ka.

Roma 16:25

Naka Ama Lamtua Allah! Ta Un man muik kuasa le tao mi daid kuat-tes. Un Dehet Dais Banan na tek ela, nol auk kon tui atuli las ela, se oras auk in nahdehes deng Yesus Kristus sa. Ama Lamtua man tek puting totoang dasi-dais in deng Kristus sas bel kit son, man hmunan nu atuli tanas lo, undeng buni-napang nabale.

Roma 3:20

Tiata muik atuli mes lo kon, man tek nal noan, “Ama Lamtua noken auk noan, atuil in dalen lolo, lole auk lako-daek muid Un Atorang ngas totoang son.” Undeng Ama Lamtua Atorang ngas man tulu bel noan, kit totoang tao kula saol Una.

Roma 9:11

Dedeng Ribka hua oen lo bii ka, oen taan in daek dais banan tamlom dais daat ta lo bii. Ela kon no, Ama Lamtua tek Ribka meman son deng aan hduan man in puti muna ka, noan, “Mam kaka la daek bel un palin na.” Ama Lamtua tek ela, le tulu bel noan, eta Un huil nal atuli mes son nam, Un taan in pake atuling na le tao elola ka. Hidim, Ama Lamtua huil nal pali la le daid Un atulin. Ama Lamtua natang le ngat pali la in dake-mana ka lo, undeng Ama Lamtua tanan meman son.

Roma 9:24

Ta Un huil nal kit meman son, le daid Un atulin. Tenga las atuil Yahudi, nol tenga las pait deng bangsa-bangsa didang.

Korintus mesa la 1:18

Muik atuli nangan noan, totoang dais man kaim in tek deng Kristus in maet se kai sangsuli lua ka, ngengo isi. Mo atuil tuladang ela ka, mam bakisan deng Ama Lamtua. Molota taung kita lam, Kristus in mate ka, tulu bel Ama Lamtua in kuasa ka, le bel boa-blingin kit deng kit in kula-sala ngas.

Efesus 1:11

Undeng kit butu-kil nol Kristus, tiata kit kon sium nal pusaka in deng Ama Lamtua Allah ka. Ta deng lolo hmunan nu, Un huil kaim atuil Yahudi li son, le daid Un atulin. Un in tao ka le nini kaim halin sai lalan bel bangsa didang ngas, le halin totoang atuli li haup in parsai se Kristus. Totoang nias dadi, muid asa man Un nutus meman son na. Nini ela lam, kit totoang naka-nahalit nal Ama Lamtua Allah ngala man in muun isi ka.

Efesus 1:9

Hmunan nu, Ama Lamtua Allah tek atuli li Un in koma ka totoang lo bii. Mo halas ni, Un tao kit taan son noan, lolo hmunan nu Un nutus son, le nini Yesus Kristus halin tao atuli li daem nol Ama Lamtua Allah.

Efesus 3:11

Oras Ama Lamtua Allah koet apan-kloma ki lo bii ka, Un nutus son le sai lalan, halin bel boa-blingin atuli lia. Tiata, Un nini kit Lamtuan, Yesus Kristus, le tao muid ela.

Filipi 3:14

Mo auk lail mumuun napiut, le lakong lius se in tuis pesang ngua, le halin haup piala. Piala man auk in hapu ka elia: mam Ama Lamtua Allah sium auk se sorgang, undeng auk parsai se Yesus Kristus.

Tesalonika mesa la 4:7

Ta Ama Lamtua Allah haman kit son, le daid Un atulin. Un in koma ka, le kit musti nuil niu, mo nuil hmomos banansila el atuil in nong daat tas deken. Ela ta lo!

Timutius mesa la 1:1

Timutius man in banan! Boa-blingin deng au, Paulus. Ama Lamtua Allah nikit auk son, le daid Yesus Kristus atulin in nutus. Nol kit in nahlae se Lamtua Yesus sa, man tao kit le nuling napiut nol Una, undeng Ama Lamtua Allah bel boa-blingin kit son deng kit in kula-sala ngas. Tius, ku niam banansila el auk anang esa, undeng auk man tulu lalan le ku kon parsai se Kristus. Auk kohe-kanas nodan Ama Lamtua Allah, kit Aman na, nol Yesus Kristus, kit Lamtuan na, le tulu bel ku Oen dalen banan na nol dalen in namnau ka, halin nam ku nuil titu-tema nol dame.

Timutius dua la 1:1

Timutius man in banan! Surat ni deng au, Paulus. Ama Lamtua Allah esa huil nal auk son, le daid Yesus Kristus atulin in nutus. Hidim nutus auk le laok tek in nuil toma, man Ama Lamtua hid son le belen se totoang atuil man in parsai se Yesus Kristus sas. Timutius! Ku banansila el auk anang esa. Tiata auk kohe-kanas le nodan Ama Lamtua Allah, kit Aman na, nol Yesus Kristus, kit Lamtuan na, le namnau ku, tulu bel ku Un dalen banan na, nol bel ku le nuli titu-tema nol dame.

Ibrani 3:1

Elia pali-kaka me! Ama Lamtua Allah huil nal mi son, nol noken mi noan atuil man in dalen niu, man mam haup in nuli leo-leo nol Ama Lamtua Allah se sorgam. Tiata deng dais nias totoang, mi musti nangan bana-banan deng Lamtua Yesus in daek taung kit son nias. Ta kit hao son noan, Un na mo Ama Lamtua Allah Atulin in Nutus, nol Un kon nam kit Tulu Agama man in Lapa Dudui ka.

Petrus mesa la 1:20

Dedeng Ama Lamtua Allah daek apan-kloma ki lo bii ka, Un taan meman son, deng totoang asa man mam Kristus in dake ngas. Mo hmunan nua, Ama Lamtua Allah tulu Kristus bel atuil in se apan-kloma ki ngias lo bii. Mo halas nia, Un tulu bel mi Kristus le daid hangun taung mia.

Petrus mesa la 2:9

Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.

Apan-kloma Hnika Balu 13:8

Undeng na, le totoang atuil in se apan-kloma ki ngias, hui se hmukit in tao tele dadahut na. Atuil nas mo totoang atuil man ngalan nas dulas lo ne Lae-blai Ana ka buku la ka. Hmunan nu atuli keo tele Lae-blai Ana ka son, mo Ama Lamtua belen le nuli pait. Dedeng Ama Lamtua koet apan-kloma ki lo bii ka, Un dul meman totoang atuil in parsai ngas ngalan nas son se buk na, mam atuil nas man haup in nuil toma man hidi nutus taan lo ka.

Apan-kloma Hnika Balu 17:8

Hmunan nu hmukit na nuli se dale-dapa nia, mo halas ni un ase son. Mo nesang lo ka kam, un pait maa deng bolo susa-daat man muik in pesa lo ka. Dedeng na, muik atuli deeh nulis se apan-kloma kia, mo oen ngalan nas dulas lo ne Lae-blai Ana ka Buk man Ama Lamtua Allah dulan muna son, lo-lolo Un koet apan-kloma ki lo bii ka. Atuil nas ngaa-bahan nol in ngat hmukit na, undeng un puit maa pait son. Mo etan un puit maa son nam, mam Ama Lamtua Allah pasang tamang un lako se tasi ai blirang man kaloe' tene taan lo ka.”