Timutius dua la 1:5 - Buk Niu In Hida Balu nol Dehet deng Apan-kloma ki in Dadi ka

⁵ Auk nangan net hmunan nu, ku halas-sam parsai baktetebes se Lamtua Yesus sa. In parsai tuladang ela ka, muik meman son se ku upum bihaat Luisa, nol ku inam Yunike dalen nas. Tiata auk parsai baktebes, le in parsai tuladang ela ka kon, muik ne ku dalem ma.

Timutius dua la 1:5 ပူးပေါင်းရင်းမြစ်များ

Yuhanis 1:47

Nikit Natanel laok maa saol Yesus kon, Yesus tek noan, “Un niam atuil in dalen lolo! Lole ne un dalen na muik in nole-lilung lo. Un niam mo atuil Israel esa!”

Dehet deng Aan in Nutus sas 16:1

Hidi deng maan nas kon, Paulus nol Silas lakos muna se kota Derbe. Deng na, oen lakos napiut se kota Listra. Se kota na, oen tutnaal atuling muda mesa, ngala Timutius. Un ama ka atuil Yunani, mo un ina ka bihaat Yahudi, man parsai se Lamtua Yesus son. Timutius kon daid Lamtua Yesus atulin son.

Dehet deng Aan in Nutus sas 26:26

Ama laih Agripa esa kon taan asa man auk in teka nia. Undeng na, le auk brain in dehet langa-langa. Auk parsai noan, ama lahi ming dais nias totoang son, ta asa man in daid son na, dadi se maan in ete tuun lo. Na ka, Yesus man in maet son na, nuli pait son. Totoang atuli li kon taan dais ni son.

Roma 14:14

Undeng auk butu-kil nol kit Lamtuan Yesus, ta auk taan parsis elia: muik tahan asa mes lo kon man tao nal atuli li le hmomos, didiin un kohe-kanas nal lo se Ama Lamtua. Mo eta atuli mes nangan noan sa-saa mes tao un le daid hmomos, didiin un nataka kam un muik hak le kohe-kanas lo kam, nang le dais na daid sa-saa in luli taung una.

Roma 14:5

Muik atuli dehe nutus noan, lelo mes lam banan dui deng leol tenga las. Muik atuli teng pait man nangan noan, totoang lelon nas hnika mes sii, muik in kisa lo. Atuli li mesa-mesam musti nutus dais na esan.

Roma 15:14

Kaka-pali me! Auk parsai baktetebes son noan, mi dalen nas inu son nol dasi-dais banan nas, mi nangan taan mamo son, nol mi tui-tek nal apa mes nol mesa.

Roma 4:21

Abraham parsai baktetebes noan, asa man Ama Lamtua hidan son nam, Un daek nal mudin ela.

Roma 8:38

Auk tanan baktetebes son noan: muik dasi mes lo kon man tao Ama Lamtua le tene deng Un in neka-namnau kita ka. Kit nuling tam kit mateng, muik ima-ii deng sorga tam, in kil prenta ngas tam, muik kuasa tam, dais halas nias tam dais in maang nguas,

Korintus dua la 6:6

Kaim kon tahang nol dalen in niu. Kaim taan mamo deng Ama Lamtua Allah. Kaim keeh nal apan. Kaim daek in banan na taung atuli lia. Kaim nang Ama Lamtua Koo la le ator kami. Kaim kon namnau atuli li baktetebes nol sila-klup lo.

Timutius mesa la 1:5

Auk tui-tek ku elia, le halin nam ku tui atuil in parsai ngas, le oen nuil nol in neka-namnau apa nini dael niu, in nangan lolo, nol deng in parsai baktetebes.

Timutius mesa la 4:6

Timutius! Tek dais nias totoang bel kaka-pail atuil in parsai ngas. Eta ku tao ela lam, ku daid Yesus Kristus atulin man dake lam banan. Ama Lamtua Allah in Teka-teka ngas tao ku le parsai Una, nol tui ku halin nangan taan tui-tikang ol man toma ngas. Ku kil dididi Ama Lamtua in Teka-teka ngas son. Na banansila el kakaat man tao tes ku aap-inam ma ka.

Timutius dua la 1:12

Undeng nas totoang, tiata auk haup susa-daat ne bui ni daleng nia. Mo auk mae lo! Ta auk tana noan, asii man auk parsain na. Un na mo, Lamtua Yesus. Auk kon taan baktetebes noan, Un man tapa bel auk os ni se auk imang ngia, Un doha-tinang nal os nia, nol Un man tao auk le daek nal napiut os ni didiin Un pait maa.

Timutius dua la 3:15

Lolo ku ana bii kua, ku haup in tui deng Ama Lamtua Buk Niu ka isin na son. In dul son ne Buk Niu ka dalen na, man tulu lalan in haup boa-blingin. Ta eta ku parsai se Yesus Kristus sam, na sai lalan le ku nuil butu-kil nol Ama Lamtua Allah in ne sorga kua.

Ibrani 11:13

Kit upu kia-kaons, upung Abraham, upung Isak, nol upung Yakob kon parsai napiut se Ama Lamtua Allah didiin oen mates. Mo oen sium ingu-dale man Ama Lamtua in hid son na lo bii. Ela kon no, oen nahlae napiut nol dael kolo, undeng oen ngat net dale na son, deng kakatang. Ta oen hao son noan, oen nam suma atuil likun man daad tahang se apan-kloma kia.

Ibrani 6:9

Kaka-pail in namnau me! Auk aa mumuun buit ela, mo auk kon tana noan, mi bali kudi Kristus lo. Lole mi parsai se Un son, nol mi in nuli ka kon muik isin banan.

Petrus mesa la 1:22

Mi tao muid asa man in toma ka. Tiata halas ni mi daek mumuun bel Ama Lamtua. Na man tao mi le namnau mi kaak-palin in parsai ngas. Mi in namnau ka musti kuat-tes tapnaeng, undeng mi dalen nas niu.