Timutius dua la 1:4 - Buk Niu In Hida Balu nol Dehet deng Apan-kloma ki in Dadi ka

⁴ Auk nangan net hmunan nu kit in bakisan apa ka, ku matam uin baa. Undeng na, le auk kom isi in tutnaal nol ku, le halin nam auk daleng kolo.

Timutius dua la 1:4 ပူးပေါင်းရင်းမြစ်များ

Yuhanis 16:22

Mi kon ela. Halas ni mi lilu nol dalen susa. Mo nenesang le Auk maa meo mi pait tam, mi dalen nas kolo lolen. Nol etan dais na dadi son nam, muik atuli in tukan-palan nal mi dalen nas in kolo ka lo.

Yuhanis 16:24

Mo maa lius halas nia, mi nodan sa-saa lam kil Auk ngalang ngi lo bii nabale. Tiata kohe-kanas sam kil Auk ngalang nga, le halin nam mi hapu. Nini ela lam, mi dalen nas kolo baktetebes.”

Dehet deng Aan in Nutus sas 20:19

Mi kon tana noan, auk daek mumuun se mi hlala ka, mo auk nikit tatahan auk apang ngi lo. Se auk in dake kia, auk matang uin nahi oe mamo son, nol lepa-haal in susa bubuit lo. Auk kon haup susa-daat mamo deng atuil Yahudi las in tao dadaat saol au ka.

Dehet deng Aan in Nutus sas 20:31

Undeng ela, tiata mi musti doh apan babanan. Nadidingun deken, ta auk daad leo-leo nol mi taun tiul son. Auk kon tui-tikang mi lelo-duman nol nangan auk in kae ka lo. Auk matang uin nahi oe-oe son, undeng mia.

Roma 1:11

Auk kohe-kanas ela, lole auk kom isi in tia meo mia, le bating bel mi kuasa deng Ama Lamtua Koo la, halin nam mi daid Ama Lamtua atulin man in tahang nal muun dui pait.

Filipi 1:8

Ama Lamtua Allah esa tana noan, auk daleng ngi kom isi le tutnaal nol mia. Ta auk in namnau mia ka, banansila el Yesus Kristus in namnau mia ka.

Filipi 2:26

Ta un dalen ni kom isi son le net mia. Nol un kon nangan mi isi, undeng un tana noan, mi ming un in heda-heda ka son.

Tesalonika mesa la 2:17

Kaka-pali me! Halas ni kit daad katang nol apa kon no, na suma katang deng matan in ngat tuun, mo katang ne kit dalen ni lo. Kaim nuting dola, le eta bole lam kaim tia meo mi pait, ta kaim kom isi in net mia son.

Timutius dua la 4:21

Nukleka le halin nam oras blingin na maa lius bii kam, ku maa lius ne ia son. Kit tapan in ne ia ngias, el: Ebulus, Pudes, Linus nol bata Klaudia, kon tunang boa-blingin bel mia. Ela kon nol kaka-pail Kristen tenga lias.

Timutius dua la 4:9

Timutius! Maa meo auk lalaba tia!

Yuhanis mesa la 1:4

Tiata kaim dul surat nia, le halin tao mi dalen kolo. Nini ela lam, kaim kon dalen kolo taplaeng.

Apan-kloma Hnika Balu 21:4

Mam Un kose soleng oen matan uin nas, le oen lilu mumuun pait lo ka. Undeng se na lam, muik in ili pait lo. Nol se na kon, muik in mate pait lo. Totoang man in bosor deng lolo hmunan nua ngas, ase son. Totoang man in tao susa-daat lolo hmunan nua ngas kon, ilang son.”

Apan-kloma Hnika Balu 7:17

Lae-blai Ana man dani nol del in prenta ka, mam Un daid atuil in lolo-poa one. Mam Un sika-poa one, le lakos niun se ui mata man kil in nuli ka. Mam Ama Lamtua nikit soleng oen in susa ka, le halin oen lilu pait lo ka.”