Roma 7:5 - Buk Niu In Hida Balu nol Dehet deng Apan-kloma ki in Dadi ka

⁵ Ta hmunan nu kit suma daek muid kit aap-inan ni in koma-koma ngas tukun. Undeng kit taan atorang ngas, tiata na man tao kit le kaliut atorang nas kon, nol tao dasi-dais man in tom lo ngas. Kit in kula ka, man tao Ama Lamtua Allah le bali kudi kita.

Roma 7:5 ပူးပေါင်းရင်းမြစ်များ

Matius 15:19

Ta muik dais daat mamo, man puti deng atuli li dalen! Banansila el: nangan dadaat, keo atuli, laok kula nol atuli-bihaat man un sapa lo, nako, saksi in nole-lilung daat, nol bilu-aa le tao didaan atuli ngala.

Yuhanis 3:6

Ta atuli li apa ki huan deng atuli, mo atuli li koo la huan deng Ama Lamtua Koo la.

Roma 1:26

Undeng oen in daat ta, tiata Ama Lamtua nang le oen tao hmomos ela, muid oen in koma-koma ngas tukun. Hidim oen nong dadahut, nol mae taan lo. Oen sapa-bihatan nas kom in niin nol oen sapa-bikloben nas pait lo, mo oen tao dadahut tuun. Lole bihata niin nol bihata lam!

Roma 3:20

Tiata muik atuli mes lo kon, man tek nal noan, “Ama Lamtua noken auk noan, atuil in dalen lolo, lole auk lako-daek muid Un Atorang ngas totoang son.” Undeng Ama Lamtua Atorang ngas man tulu bel noan, kit totoang tao kula saol Una.

Roma 4:15

Ama Lamtua Atorang ngas se ola lam, se na kon kit tutnaal atuil in kaliut Atorang nas. Nol eta atuli li kaliut Un Atorang ngas sam, Ama Lamtua komali, hidim Un hukung one. Mo eta Ama Lamtua Atorang ngas muik lo kam, taon elola ko muik atuli in kaliut Atorang nas lo.

Roma 5:20

Ama Lamtua Allah niung Un Atorang ngas se upung Musa, le halin totoang atuli li taan parsis ol man in kula ka. Se ola-ol tuun kon, atuli li in tao kula ka mamo taplaeng, molam se na kon Ama Lamtua tulu Un dalen banan na mamo dui pait.

Roma 6:13

Sao ku aap-inam ma le lako-daek dais man in tom lo ngas deken, ta na kon kula. Molam bel ku aap-inam ma laok se Ama Lamtua Allah tuun, le Un man mana-koet ku. Tuladang el ku mate son, mo hidim ku nuli pait. Tiata pake ku aap-inam ma totoang, le daek dais in toma ngas bel Ama Lamtua.

Roma 6:19

Auk in aa nia, nini kleta deng tuang nol ata, le halin mi hlapat nangan taan auk in koma kia. Hmunan nu, mi sao mi apan nas son daid ata le tao kula, didiin mi daid hmomos muid upung Musa Atorang ngas. Mo halas nia, mi musti sao mi apan nas le daid ata, halin suma daek muid in toma ngas tuun, man tao mi le daid niu se Ama Lamtua sila'.

Roma 6:21

Eta ela lam, auk le keket elia: Mi haup isin banan saa deng in daek muid ela ka? Ase ta lo? Molota isin man mi in hapu ka tao nahmaeng bali mi tuun. Undeng mi in tao kula ela ka, tiata na man tao Ama Lamtua Allah le bali kudi mia.

Roma 6:23

Eta kit daek kula kam, kit in hapu ka, Ama Lamtua bali kudi kit didiin son na. Eta ela lam, kit mateng son nang! Mo Ama Lamtua mana pesang bel kit lalan in puti mes son. Ta Un le bel kit in nuil toma man hidi nutus taan lo ka nol mosa'. Kit haup in nuli na, eta kit tamang le daid kit Lamtuan, Yesus Kristus atulin.

Roma 7:23

Mo hnika ka noan, muik kuasa ne auk daleng ngia, man tao didaan au. Lole auk kom in daek banan na, mo daid tatahan lo. Na banansila el in kuasa daat man ne auk daleng ngia ki, daek nal au, le dising auk halin muid se un sii.

Korintus mesa la 15:56

Tasao le hmate ka kil bel kit atuli li in ili-lukit tia? Na undeng kit daek kula-sala. Tasao le kit in kula-sala ngas muik in kuasa ela lia? Na undeng Ama Lamtua Allah Atorang ngas tulu bel noan, kit in kula-sala ngas kaliut Un prenta la.

Korintus dua la 10:3

Kit niam atuil biaas tuun, mo eta kit kaen apa nol atuil didang ngam, kit dil tingan le tuku-keng banansila el atuil apan-kloma man dai taan Ama Lamtua Allah lo ngas deken.

Galatia 3:10

Asii man muid atorang agama las le halin nam, Ama Lamtua sium un babanan na, un musti lepa-haal atorang nas totoang, banansila el un in tom bahang son na. Ta dulan son ne Ama Lamtua Allah Buk Niu ka noan, “Atuil in muid napiut atorang agama la nol babanan lo ka, tom in bahang!”

Galatia 5:24

Atuil in tama daid Yesus Kristus atulin son nas, un muid atuli li in koma man in tom lo ngas pait deken. Ta in kom isi le tao dadaat tas, pauk tele leo-leo nol Yesus se kai sangsuli lu son.

Efesus 2:11

Kaka-pali me! Mi taan son noan, atuil Yahudi las kil didi oen atorang in sunat ta, nol oen ngat kabaul mi atuil Yahudi lo kas, undeng mi muid oen atorang nga lo! Molota na suma atorang deng atuli li aap-ina ka tukun, mo deng atuli li dalen lo.

Efesus 2:3

Hmunan nu kit in nuli ka ela kon. Kit tao muid kit in koma-koma ngas, le daek muid asa tuun man kit nataka, tamlom kit nangan. Kit daek dadaat banansila el atuil tenga las, undeng na le Ama Lamtua Allah komali isi nol kita,

Kolose 3:5

Tiata mi musti soleng mi in kom le tao dadaat tas. Banansila el: kom in laok kula nol atuil didang, man ku sapa lo ka; kom in tao dasi-dais hmomos; kom le tao muid ku dalem ma in kom isi ka; kom le tao dadaat bili-ngala; nol kom naseke le totoang daid ku nena sii (molota nas banansila el ku hui-langus, lole ku nikit sakeng dais didang ngas lapa-lapa le dising soleng Ama Lamtua).

Titus 3:3

Ta hmunan nua, dedeng kit taan Lamtua Yesus lo bii ka, kit kon taan sa-saa lo bii, nol hlapat tom in nole. Kit dai ming atuil didang lo. Kit nuil muid kit dalen ni in nangan dadaat tas tukun, le didiin ngilu bali kit apan ni nol in kom naseke bili-ngalang nas. Kit hadat lo nol atuil didang. Kit in nuli ki inu nol in idus-neo. Kit pesang dael daat, hidim atuil didang kon pesang dael nol kita.

Yakobus 1:15

Hidi nam, un daek muid un in nangan hmomos na. Molam mam Ama Lamtua Allah nahu in hukung tele, taung atuil in daek dadaat ela ngas.

Yakobus 4:1

Mi kaen apa nol keng apa tutungus. Undeng asa la? Na undeng ne mi hlala ka muik atuli man nuklek mumuun le nuting dael kolo taung un apa ka sii.

Yuhanis mesa la 3:4

Totoang in kula ki kaliut Ama Lamtua prenta la. Tiata totoang atuil in tao kula ngas, kaliut Ama Lamtua Allah prenta la nol labang Un son.