Roma 5:3 - Buk Niu In Hida Balu nol Dehet deng Apan-kloma ki in Dadi ka

³ Kit haup susa-daat bili-ngala elol kon no, kit dalen kolo tutungus. Ta kit tana noan, kit tui deng in susa ka, le halin kit tahang nal nol muun dui pait.

Roma 5:3 ပူးပေါင်းရင်းမြစ်များ

Lukas 21:19

Eta mi tahang nal napiut tam, taon elola ko Ama Lamtua Allah bel boa-blingin mia.”

Dehet deng Aan in Nutus sas 5:41

Kon nam aan in nutus nas putis lakos nang soleng maan in nehan dasi ka. Oen nangan noan, oen ngalan nas daat son, undeng in muid Lamtua Yesus, mo oen dalen kolo, lole Ama Lamtua Allah tana noan, eta oen haup in susa ela lam, toma. Undeng na, tiata oen dalen kolo isi.

Roma 5:11

Ela tuun lo! Mo kit kon dalen kolo noan, “Ama Lamtua nam mo, muun isi!” undeng kit butu-kil nol Una. Kit haup in daid Un atulin, undeng kit Lamtuan Yesus Kristus mate seda kit son, le tao kit daem nol Ama Lamtua.

Roma 8:23

Apan-kloma ki sii natang-natang lo, molam kit kon natang-natang ela. Ama Lamtua bel kit Un Koo la muna son kon no, kit bisat nabael ne kit dalen nia. Undeng kit doha-doha nol in natang Ama Lamtua Allah le nikit kit daid Un anan man in toma, nol loat sao kit aap-inan ni deng totoang in daat tas.

Roma 9:10

Ela tuun lo. Lole kit upun Isak nol un sapa Ribka hua aan hduan.

Korintus dua la 4:17

Ta muid kit in nangan nia lam, halas ni kit tom in susa-daat bili-ngala. Mo kit musti nangan noan, mam Ama Lamtua nikit sakeng kit lapa-lapa. Undeng na le kit ngat asa man in daid hahalas ni ngias, muik nahin saa lo!

Korintus dua la 8:19

Tulu in kil jemaat tas kon huil nal un son le lako-daek leo-leo nol kami, halin tulung kaim se in dake banan nia. Kaim lako-daek os nia, le tulu-balang kaim Lamtuan na in muun-tes sa, nol daek in banan nas taung atuil in haup susa ne Yerusalem mas.

Efesus 3:13

Nangan ne! Auk haup susa-daat undeng auk lii-lau mi atuil Yahudi lo kias. Ela kon no, mi dalen nas daat deken. Undeng auk lepa-haal susa-daat nia, le halin mi man sium in banan na.

Filipi 1:29

Ta Ama Lamtua Allah sai lalan son, le mi parsai nal se Kristus, nol daid Un atulin. Molam suma parsai tuun lo, ta in dudui pait ta, Un kon bel dola le mi haup in susa, undeng mi muid Una.

Yakobus 1:12

Ama Lamtua bel hangun se atuil in tahang didiin, puti nal deng in sukat-soba ngas. Hidim oen sium in nuli, man Ama Lamtua hid meman son le belen se atuil in namnau Una ngas. Oen sium in nuli na banansila el atuil in nala, sium piala ka.

Petrus mesa la 3:14

Mi daek in toma ngas, mo eta muik atuli in tao sus mia kam, mi ontong. Eta muik atuli taan Kristus lo bii, daid in lii, undeng dasi mesa lam, mi lii muid oen deken. Hidim mi in nangan na net lalan lo nol dalen sus banansila el oen deken.