Ming ela kon, tuang nga dalen kolo. Un tekan noan, ‘Banan! Ku niam atuil in loka-loka man in banan. Ta auk se iang lo kon no, ku daek nol in makoe son, hidim muid napiut auk in prenta ngas. Undeng ku daek nal os ana nia, ta mam auk nikit ku le kil os man in tene dui pait tas. Mam auk tao fesat, le kit kaa leo-leo nol dael kolo.’
Roma 5:2 - Buk Niu In Hida Balu nol Dehet deng Apan-kloma ki in Dadi ka2 Kit parsai se Kristus muna le, halas-sam Un tulu Un dalen banan na bel kita. Undeng na le, kit dalen ni haup in kuat-tes. Nol kit kon dalen kolo, undeng kit tana noan, mam Ama Lamtua nikit kita, le sium Un in muun-tes sa. အခန်းကိုကြည့်ပါ။ |
Roma 5:2
43 ပူးပေါင်းရင်းမြစ်များ
Hidim Auk banansila el hnita ka. Eta muik in le taam muid Au kam, Ama Lamtua Allah belen boa-blingin, deng un in kula-sala ngas. Na banansila el un tama lako el Ama Lamtua mana lu muid Au, man daid hnita taung una. Nol atuil man in taam muid Au ka, lako-pait se maan ol tuun, nol haup in kaa-ninu babanan.
Auk in teka ni tom baktetebes. Atuil in hii-ming Auk in teka-teka ngas, hidim parsai noan Ama Lamtua Allah man nutus Au ka, mam un haup in nuil toma, man hidi nutus taan lo ka son na. Ama Lamtua hukung un pait lo ka. Ta atuling na holoat deng hmate ka son, le tama daid atuil in nuil napiut nol Ama Lamtua.
Eta ku taan in kritik ku pail-kakam in parsai ngas ela sii kam, ku nangan noan, ku nia mo asii la? Ku muik hak saa le hutun kula ka bel atuil didang ngia? Un nam mo, ku atulin in dake lo! Nol ku niam, un tuang lo. Ta suma un Tuang nga sii, man muik hak le tekan nol langa-langa noan, asa man un in dake na toma, tamlom kula. Mo nadidingun deken. Ta atuling na Tuang nga, man mam sium un nol babanan, undeng un Tuang nga tao un le daid in kuat-tes, nol keeh nala.
Kaim kohe-kanas tutungus se Ama Lamtua Allah, kit Aman na, nol Yesus Kristus, kit Lamtuan na. Kaim nodan le Un tao tes mi dalen nas, le halin nam mi daek nal totoang in banan nas. Kaim nodan ela, undeng kaim tana noan, Ama Lamtua neka-namnau kit totoang. Undeng Un dalen banan na, tiata Un bel teken kit dalen nias tutungus. Nini ela lam, kit nahlae napiut se Una.
Lamtua Yesus kon daek muid Ama Lamtua Allah in koma ka, mo Un nam atuil in loka-loka banansila el upung Musa lo. Undeng Un nam, Kristus, Ama Lamtua Allah Ana, man Un hulin meman son deng lolo hmunan nua, le belen maa se apan-kloma kia. Nol Kristus taan baktetebes in mana-koet Un Ama ka uma isin nas. Tiata, eta kit kil dididi kit in parsai kia, nol kit nahlae napiut se Kristus sam, kit kon haup in tamang le daid Un uma isin.
Ta muik dasi dua man seda boles lo. Mesa la, mo Ama Lamtua in hida ka. Nol dua la, mo Un in sumpa ka, man Un pake le daid in kila, deng Un in hida na ka. Tiata eta Ama Lamtua hid dasi mes son nam, taon elola ko Un daek mudin, undeng Un nam aa kam nole lo. Tiata kit lii-tiud nol Un in hida ka deken. Kit lail laok nuting le haup boa-blingin se Un son, tiata halas ni kit natang nol nahlae napiut se Un tuun.
Ta Kristus mate oe mes sii, le kose soleng kit atuli li in kula-sala ngas. Un in nuli ka man lolo, nol mate son le seda kit in nuil hmomos sias. Un mate le halin mi babanan pait nol Ama Lamtua Allah. Kristus na mo, atuil banansila el kit kon, atuli tao tele Una, mo hidim Ama Lamtua Koo la bel Un nuli pait.
Hidim auk ming fala mes muun puit maa deng del prenta la, le tek noan, “Ngat babanan! Ninin deng leol nia, Ama Lamtua Allah Uma la muik ne atuli li hlala. Deng leol neot nia, Ama Lamtua Allah nuli leo-leo nol Un atulin nas son. Ta Un daid oen Lamtuan, Allah. Nol oen kon daid Un anan son. Mam Un leo-leo nol oen tutungus. Nol Un kon nang soleng oen lo didiin son na.
ကြော်ငြာတွေ