Roma 16:3 - Buk Niu In Hida Balu nol Dehet deng Apan-kloma ki in Dadi ka

³ Tunang boa-blingin deng au, taung bata Priskila nol un sapa, kaka Akila. Kaim leo-leo lako-daek Yesus Kristus osa la mamo son.

Roma 16:3 ပူးပေါင်းရင်းမြစ်များ

Timutius dua la 4:19

Nadidingun in bel boa-blingin bata Priskila, nol un sapa, kaka Akila deken. Ela kon nol Onesiforus uma isin nas totoang.

Korintus mesa la 16:19

Jemaat in ne propinsi Asia ngias tunang bel mi boa-blingin. Kaka Akila, un sapa bata Priskila, nol atuil tenga las, man taom nakbua se oen uma lia ki kon, tunang bel mi boa-blingin, lole oen kon butu-kil napiut nol kit Lamtuan na.

Dehet deng Aan in Nutus sas 18:26

Oe mesan na, un dehet nol in buni-buni lo, se atuil Yahudi las um in kohe-kanas sa. Priskila nol Akila kon ming un in dehet se na ka. Tiata kohe-kanas hidi kon, oen nusi un le lako se oen uma. Lius se las kon, oen tek un deng Lamtua Yesus Lalan in Nuli ka totoang, lako huud dehet anang blutu kas.

Korintus mesa la 16:16

mi hii-ming se atuil in tuladang ela ngas. Ta atuil nas daek mumuun, le leo-leo lii-lau atuil in parsai ngas.

Roma 16:9

Tunang boa-blingin bel kaka Urbanus. Un kon lako-daek Kristus osa la leo-leo nol kami. Tunang boa-blingin bel kaka Stakis man auk in namnau.

Roma 8:1

Tiata, Ama Lamtua Allah hukung atuil in butu-kil nol Yesus Kristus sa lo!

Roma 8:2

Ta muik in kila dua man tom baktetebes: mesa la, eta kit butu-kil nol Yesus Kristus sam, Ama Lamtua Koo la bel kit kuasa le nuil nal se in toma ka. Dua la, in daat muik ne kit dalen nia, man hanet kit le daek kula. Nol eta kit daek kula son nam, Ama Lamtua Allah nikis kita, le bali kudi kita. Mo eta kit haup Ama Lamtua Koo la lam, Un kon sas-sao kit deng kula-sala ka in kuasa ka.

Roma 8:11

Ama Lamtua Allah man bel Yesus nuli pait son deng Un in mate ka. Tiata, kit mateng kon no, eta Ama Lamtua Koo la nuli se kit dalen nam, mam Un kon bel kit le nuling pait. Un nahin na noan, Un bel kit le nuling banansila el Un in bel Kristus le nuli pait son na.

Roma 16:4

Oen duas naha-bubuit tam mates undeng in hulung au. Mo auk siing man nodan mamo se oen lo. Ta atuil Yahudi lo man sarain son, deng totoang jemaat in se ola-ola ngas kon, nodan mamo undeng oen in hulung nga.

Roma 16:7

Tunang boa-blingin bel kaka Andronikus nol bata Yunia. Oen nam mo atuil Yahudi banansila el au. Oras auk parsai se Kristus lo bii kam, oen parsai se Kristus son. Hmunan nu, oen se bui dalen leo-leo nol au. Oen kon daid Ama Lamtua atulin in nutus, nol atuli mamo taan one.

Roma 16:10

Tunang boa-blingin bel kaka Apeles. Un tom in sukat mo un nala. Tiata langa son noan un parsai se Kristus baktetebes. Tunang boa-blingin bel kaka Aristobulus nenan nas totoang.

Korintus dua la 5:17

Undeng na le, atuil in butu-kil nol Kristus son nas, daid atuil balu, man in nuli ka balu. Un banansila el hmunan nu pait lo son, lole un in nuli blaan na ilang son, le in nuli balu ka muik lolen son.

Korintus dua la 12:2

Auk taan atuli mesa, man butu-kil nol Kristus. Taun hngul aat in hidi son nuas, muik in kil sakeng un lako apan man lapa dudui kua. Mo taan le un saek lako nol un apa ka tetema, tamlom un hmangin na sii man saek lako kam, auk tanan lo. Suma Ama Lamtua sii man tanan. Auk kon tana noan, oras un saek lako se Ama Lamtua Maan Banan nua ka, un ming in teka-teka man muun isi, didiin atuli li dehet bolen lo ngas.

Galatia 1:22

Dedeng na, Kristus atulin in se propinsi Yudea ngas taan auk lo bii.

Filipi 2:25

Hmunan nu auk haup susa. Hidim mi nutus kit kaak-palin Epafroditus maa meo au. Un lako-daek Ama Lamtua osa la leo-leo nol au. Kaim duam tuladang el tentara man in makoe le muid un komendan na in prenta ka. Mo halas ni, auk nataka kam, auk musti tadu un pait tia se mia la.

Kolose 4:11

Yesus, (man kaim kon haman noan, “Yustus”) kon tunang bel mi boa-blingin. Deng totoang kit tapan in lako-daek Ama Lamtua Allah osa la ngas, suma oen tilus siis man daid atuil Kristen deng bangsa Yahudi lia. Nol oen niam, man tao teken auk daleng ngia.