Roma 13:2 - Buk Niu In Hida Balu nol Dehet deng Apan-kloma ki in Dadi ka

² Tiata, eta atuli labang nol atuil in kil prenta ngas sam, na banansila el oen labang nol Ama Lamtua, undeng Un man nikit oen na. Eta oen tao ela lam, mam tom in hukung deng Ama Lamtua.

Roma 13:2 ပူးပေါင်းရင်းမြစ်များ

Matius 23:13

Hidi na kon, Yesus aa napiut noan, “Hoe, guru-guru agama nol atuil Farisi me! Meman mi niam atuil in hlak daat! Mam mi haup in susa-daat, undeng mi dai parsai Au, Atuling man Ama Lamtua Allah hid son le tunang maa ka lo. In daat dudui pait ta, mi palan kele atuil in le maa parsai se Au ngas.

Markus 12:40

Mo doha-doha lo! Ta oen nole-lilung bebalu kas tutungus, le naok nal oen uma las. Mo se atuil hut mamo sila kam, oen buni oen in daat na, nini in dil le nodan nesang-nesang. Oen kom le atuli noken oen noan, atuil dael niu. Mo mam Ama Lamtua Allah hukung oen ngele dui.”

Lukas 20:47

Mo doha-doha, ta oen taan in nole-lilung bebalu kas le nuhu-dau nal oen uma las. Mo se atuil hut mamo sila kam, oen buba kele oen in daat tas nini in dil kohe-kanas nesa-nesang. Oen in koma ka le atuli aa noan, oen nam atuil in parsai. Mo Ama Lamtua taan oen in kula ka, tiata mam Un beles hukung ngele dui.”

Roma 13:1

Totoang atuli li musti hii-ming atuil in kil prenta ngas. Ta oen muik hak nol kuasa le prenta atuli lia. Mo oen in kil kuasa na, undeng Ama Lamtua Allah man bel one. In kil kuasa hahalas nia ngas muik kuasa, undeng Ama Lamtua man nikit oen son.

Roma 13:3

Eta mi daek in toma kam, lii atuil in kil prenta ngas deken. Mo eta mi daek in daat ta lam, banan dui ka, mi lii one! Tiata, doh apan le daek asa man in toma ka, le lii oen deken. Nol eta mi daek ela lam, mam oen naka mia.

Roma 13:5

Undeng na le, mi musti hii-ming atuil in kil prenta ngas. Ta mi tanan son ne mi dalen nas noan, na man toma. Nol mi kon tana noan, eta kit daek in toma ka lo kam, Ama Lamtua komali.

Roma 9:19

Muik atuli in kaen nol auk noan, “Eta Ama Lamtua le daek dasi mesa lam, asii man labang Una la? Muik lo, ta lo? Lam tasao le Un hutun in kula ka bel kita lia? Na tom lo!”

Titus 3:1

Tek nuting jemaat tas, le hii-ming se atuil in kil bandu ngas, nol atuli-atuil in kil tingin nas. Hidim oen musti muid atorang ngas nol siap tutungus le daek sa-saa banan nas.

Yakobus 3:1

Kaka-pali me! Muik atuli mamo le tui atuil in parsai ngas. Na banan! Mo nangan, ta Ama Lamtua Allah pres atuil man tui atuil in parsai ngas muun dui pait. Tiata atuli li tui kam, tui dadahut deken.

Petrus mesa la 2:13

Kit Lamtuan na in koma ka, le mi hii-ming se totoang atuil in kil kuasa ngas. Banansila el: hii-ming se lahing nga, ta un man kil tingin in lapa dui ka.