Petrus mesa la 2:2 - Buk Niu In Hida Balu nol Dehet deng Apan-kloma ki in Dadi ka

² Ta tana-ana blutu mea kam, kom le haup in nusu deng un ina ka susu uin na. Ela kon, mi dalen nas musti kom le taan baktetebes deng Ama Lamtua Dehet-dasin na. Ta na, man tao mi in parsai ka kuat taplaeng. Nol ela, mi in nuil muid Ama Lamtua in koma ka, muun keko lako.

Petrus mesa la 2:2 ပူးပေါင်းရင်းမြစ်များ

Matius 18:3

Hidim Un tek noan, “Hii babanan! Atuil man in le tama daid Ama Lamtua atulin na, un musti seda un in nangan na, le daid banansila el tana-ana blutu, man nahlae napiut se un ina-ama ka, nol nikit-nikit taan apa ka lo ka.

Matius 19:14

Kon Yesus ahan Un ima-ii las noan, “Nang le tana-anang ngas maas se Au lia! Kaing oen deken! Ta atuil in banansila el tana-ana man in nahlae tutungus se oen ina-aman nas, nol nikit-nikit taan apan lo ngas, man daid Ama Lamtua Allah atulin.”

Markus 10:15

Mi nangan babanan! Atuil in kom le maa saol Ama Lamtua Allah ka, oen musti kom isi le net Una, banansila el tana-ana ngas in nangan isi le tutnaal nol oen ina-aman nas sa. Etan ela lo kam, oen haup in daid Ama Lamtua Allah atulin lo.”

Roma 6:4

Dedeng Kristus mate ka, oen puan Una. Hidim dedeng kit haup in sarani ka, na banansila el kit kon mateng nang soleng in nuli blaan na, hidim oen puan kita. Lamtua Allah, kit Aman na, nini Un in kuasa man muun isi ka, le bel Kristus nuli pait deng Un in mate ka. Lamtua Allah, kit Aman na kon koma, le halin nam kit sium Un in kuasa ka, le nuling pait daid atuil balu.

Korintus mesa la 14:20

Kaka-pail in namnau me! Eta mi le nangan tana lam, mi musti tui, le halin mi in nangan na el atuil tuan na. Mi in nangan na boel banansila el tana-anang blutu kas deken! Mo nol dais daat tas sam, mi musti tao el tana-ana blutu ka, man tao taan dais daat tas lo, ta oen dalen nas nam niu.

Efesus 2:21

Um na in dili ka didi, undeng batu-baut nas todes babanan se baut in tian laih hmunan na dapa. Nol um na nesang le lako lam, tene tapnaeng, didiin mam atuli li laok se na, le kohe-kanas se Ama Lamtua Allah.

Efesus 4:15

Mo kit suma aa muid asa man in toma ka bel kit kaak-palin nas, undeng kit namnau one. Nol eta kit nuil ela se dais asa tuun dalen nam, kit in daid hnika mes el Kristus sa taplaeng keko lako. Ta Un nam Bon, man in mana-koet kita.

Tesalonika dua la 1:3

Kaka-paling totoang! Etan kaim nodan mamo tutungus se Ama Lamtua Allah lam meman toma, undeng mi in parsai se Una ka muun keko lako, nol mi in namnau apa mes nol mesa ka muun taplaeng son.

Petrus mesa la 1:23

Halas ni, mi haup in nuli balu son. Mo in nuil balu ni, mi hapun deng mi ina-aman in ne apan-kloma kia, man mam mate ka lo, molam mi hapun deng kit Aman in ne sorga kua, man maet taan lo ka. Mi in nuli balu ki, mi hapun deng Ama Lamtua Dehet-dasin na. Un Dehet-dasin na kil in nuil toma, nol tahang napiut.

Petrus dua la 3:18

Banan dui ka, mi in parsai ka nuli tapnaeng. Ta mi taan kit Lamtua Yesus Kristus son, man bel kit boa-blingin deng kit in kula-sala ngas. Un le tulu Un dalen banan na bel mia. Un kon koma, le mi taan Un banan dui pait. Auk in koma ka, le totoang atuli li nikit sakeng Un ngala ka lapa-lapa, kilan deng halas nia, didiin hidi nutus taan lo! Boa-blingin, Petrus